Dạniel 3:1 - Ạḍinya Iigbia

¹ ẠNebukadnezar ọdaam eelhe phọ ạto we mọ ọka igbudu agol, ịyaldi rꞌoḍual akuḅu ḍiphoph ḅịle ẹnum kụ isugha ọman ịraar akuḅu ẹreghe, kụ ọmeremi ẹpe Dura de phọ eeleeny bọ ẹpe eelhe phọ ạBabilon.

Dạniel 3:1 Iomraidhean Croise

1 Ạbudaam 12:28

Kụ ọdaam mọ ạsighe ologhi ọdi amitenom ezue, kụ ạsighe gol ạlhemom ịyal ịbam ilephiri ạsinam, kụ ạḅeni we phọ mọ, “Mẹphughanam ẹghi phọ anyina ẹpe Jeruselem. We Ịzirel, ipogh ịkaaghineen ạrumugh phọ anyina, ịpe ịsighe bọ inyina ẹḍuanam ẹpe ade phọ Ijipt.”

Esta 1:1

AZakzis ọdaam mọ ạrolom ạgada ọdaam eelhe aPasia sịphe ẹkpana ẹmha dị oghol mọ ạSusa kụ ạda oniin okuron rꞌịyaldi rꞌoḍual ạriikpigh areelhe emiigh kꞌẹpe India esi Sụdan.

Ạsuor 135:15

Ruru areelhe phọ oḍighinom silva rꞌagol; awe kụ ịkaaghi bịdi.

Ẹḍua 20:23

Kẹ́kaaghi ghan rụmugh asilva rꞌạrumugh agol ẹ́ḅaram ooseeny ạmi.

Ẹḍua 32:31

AMozis aḅula ạteeny Ọmoogh-we phọ kụ ạḅeni mọ, “Ịkaraph phọ awe phọ moḍighi yogh bọ ẹpughan: bịdi mọsighe gol ọlem bọ ẹmugh bịn rọoḅereghi ghan.

Azaya 2:20

Mem dị ẹteeny ḍio phọ ạḍiphe, bịdi kotoph ni ịkaaghineen ạrumugh agol rꞌasilva phọ bịdi mọkaaghi bọ kụ ọbilenaan bịdi eepi iwo phọ rꞌarugbom mọ.

Azaya 30:22

Nyina kẹsighe nmụny aghuḍuul phọ anyina ọdamaghiom bọ silva rꞌạnmuny aghuḍuul phọ anyina okpoghom bọ gol kụ etoḅologhi ịdipho ẹenir, kụ ẹlooghi mọ, “Ịḍua sịen egbodo ạmi.”

Azaya 46:6

Awe rokpenyon ghan rukuru ikpoki ạbidi kụ rooku ghan gol komitiom; bịdi ọḅamaghi silva esi olegheriom ẹemor phọ. Bịdi opir ọlemom agol mọ ạlhem ẹmugh agol kụ bịdi okpuḍian kụ ooseeny!

Jerimaya 10:9

Ịkaaghineen aruru phọ ạbidi ọsighe silva dị ọsighe ẹpe Spen ḅịle kẹn rꞌagol dị ọsighe ẹpe Ufaz kụ ọdamaghiom, oomo phọ ịdi awe dị ọmaar mạka kụ ụkaaghi; Ọsighe rukpe oodor rꞌenu dị olo kụ ọmaar oonmenemi.

Jerimaya 16:20

Oye katue ni ạlem rụmugh ọdi ḍụghum? Eeye, eḍighi ịyaar lọ ọdi ạlem, pọ kẹ́karaghi éḍighi egey ẹmugh.”

Dạniel 2:48

Kụ ọdi ạngo Dạniel ḍigbogh ạdol, ạngooghi nyọdi ruunmo dị ẹnighe ịikia, aseere nyọdi nyeniin ẹkpigh ạBabilon, kụ aḍighi nyọdi uwo ẹmhu oomo abutomoghiom ọdaam mọ.

Dạniel 2:49

Ọnaghanan ịlom ạDaniel, ọdaam eelhe phọ aseere ni Sạdrak, Mẹsak rꞌAbed Nego mọ ophogh ghan oomo ịlo ẹkpigh ạBabilon; ạDaniel ạrol ghan sịphe ogiga phọ.

Dạniel 3:14

Ọdi ạḅeni bịdi mọ, “Sạdrak, Mẹsak rꞌAbed Nego, ọkar agey ni nyina ímeera ooseeny ẹmugh phọ ạmi rꞌozumeri ẹmhu ude oghueni igbudu agol phọ mị ạka bọ ạmeremi ḍụghum?

Dạniel 3:30

Kụ ọdaam mọ aphophe Sạdrak, Mẹsak rꞌAbed Nego ạngo bịdi igbogh ạsidol sịphe eelhe phọ ạBabilon.

Dạniel 5:23

Nạ mạpioman esi Ọmoogh-we kꞌạke phọ kụ ạḅile ạsighe sịmogo rꞌạrukpa phọ ọsighiogh bọ sịphe Otu Ịiḅereghi phọ ọdi. Nạ, rꞌabugbogh awe phọ ạna, ạnmariir phọ ạna rꞌạruga phọ ạna — oomo phọ anyina mọphugholom sịmogo phọ kụ ooseeny ịkaaneen ạrumugh dị oḍighinom gol, silva, enaba, okuron, oreeny rꞌaḍighiigh, rụmugh dị kẹ́miin mụghumo ọnaghan ịyaar ḅịle kẹn mạar ílegheri. Kụ ọlo nạ óghueni Ẹnaan phọ rẹto ghan bọ mọ oye ạrol mụghumo amugh ạḅile rapogh ghan bọ oomo ịlo nạ raḍighi.

Dạniel 5:4

kụ rooseeny ghan rụmugh dị oḍighinom gol, silva, enaba, okuron, oreeny ḅịle rꞌaḍighiigh.

Hosia 2:8

Oomo amem ọdi ómeera ghan ologhoma mọ mị kụ ọpo ạngo bọ nyọdi ịbiakpa, miim, mụnum-ọliv rꞌoomo asilva rꞌagol phọ ọdi ạpham bọ kụ aaseenyom ghan Baal.

Hosia 8:4

“Awe ạmi ọsaḅar bụdaam, kụ bịdi ọdaamian siloor. Bịdi ọma buḍiemiom, dị mị úmeeraam. Bịdi ọsighe silva rꞌagol ạbidi kụ ọkaaghi rụmugh — ịlo ophiemiom aloor ạbidi.

Hạbakuk 2:19

Nyina mephe! Nyina ẹḅeni ekulha oreeny mọ, “Ḅetenu!” ḅịle mꞌekulha aḍighiigh mọ, “Mẹera!” Ẹkaaneen ịyaar ketue ni ẹkaaph ịyaar dị ẹeghian ịḅeni inyina ḍụghum? Iini okpoghom silva rꞌagol, kụ aghuḍum ólho loor.

Iiḍighi 17:29

“Ịduon yira oru bọ nmụny phọ Ẹnaan, yira kụ́utughian ghan mọ Ẹnaan phọ ẹkigh agol mꞌasilva mꞌaḍighiigh, dị oye kụ ạsighe ẹmaar ọdi kụ ạlem.

Iiḍighi 19:26

Nyina rẹmiin ni kẹnaghan ịphen ạPol raḍighi bọ. Rạḅem ghan mọ ạrumugh dị ọsighe rạghaagh kụ ọkaaghiom ị́moogh ghuḍum. Maakeleghi akirion bụminighan awe, kẹ́phen Ẹfesos bịn, esugha ẹnum ọbo oomo phọ Esia ni.

Dutoronomi 7:25

Ịsighe ịkaaghineen ạrumugh phọ ạbidi eguom nịan. Kẹ́maghami ghan ịyaar silva phọ rꞌagol phọ ọdamaghi bọ. Kẹ́sighiogh ghan, ọbo nyina kemeel ghan bọ eḍighanaan, ịdi eḍighi bọ ạḅaphanya ni esi Ọmoogh-we Ẹnaan phọ anyina.

Ogonanami Phọ 9:20

Bụphe osugha bọ kụ imananaany phọ ịphen phọ ị́teeny bọ sịen aḅirini phọ ụ́bile ịpe bịdi ọkaaghi bọ. Bịdi ụphamanam ni ooseeny ghan aruru rꞌạnmuny aghuḍuul dị ọkaaghiom gol rꞌasilva rꞌenaba rꞌẹna rꞌoreeny, rạraar dị eten rẹ́miin, ḍụghum rẹ́naghan, erelhe rételhe.