Dạniel 2:9 - Ạḍinya Iigbia

⁹ ọngo oniin ọdo ịminimiin oomo anyina eḍighi ịyaar lọ nyina ị́kaaph mạlha phọ. Nyina meepuruan ọgba ọkpe ọḅeni ạmi loor esi dị nyina eḍuom ologhi mọ amem edi ni dị ạraraar kenmia. Ịḅeni ịmi mạlha phọ, bịn mị kalegheri ni mọ nyina ketue ni ẹgba ẹmhu phọ.”

Dạniel 2:9 Iomraidhean Croise

1 Ạbudaam 22:22

Kụ Ọmoogh-we phọ apuru nyọdi mọ, ‘Nạ kaḍighi ika?’ Kụ uwaloor phọ mọ, ‘Mị kạki aḍighi uwaloor dị rạgba ghan ọkpe sịphe ọnhu aḍita ariil phọ Ehab.’ Kụ ọdi ameera mọ, ‘Nạ kaakeleghi ni nyọdi. Nạ ạkpar apu nyọdi. Kịa aḍighi ịduon phọ.’

1 Ạbudaam 22:6

Kụ ọdaam mọ Ịzirel aakpomoghi riil phọ Ẹnaan egina esi, ọman bọ inya okuron awe, kụ apuru bịdi mọ, “Mị ụki ni uzuom ẹgham Ramot Gịliad kụ mị ụminoghom bịn ḍụghum?” Kụ bịdi ọḅeni nyọdi mọ, “Ḅetenu ạghi azuom ẹgham. Ọmoogh-we phọ kạḅogh ni bịdi ạlogh ḍịghaagh ạna.”

Esta 4:11

“Eḍighi mạar dị tọrobo oye, mꞌolephiri mꞌạnir, kụ ạghi sịphe ọkaraghi ologhi ogiga phọ kụ ạmiin ọdaam mọ dị útom ọghiom mọ aru, oye phọ ọpo kokiigh ni. Ọpo kụ ologh phọ; tọrobo oye, emiigh bụo oroma ọdaam mọ kụ ẹteeny we phọ ịsiphe ạriikpigh areelhe phọ, olegheri ni ịpe phọ. Edi bọ eniin eten bịn ẹlo okiton ologh phọ ọphon: eḍighi mạar dị ọdaam mọ asele amitiom ẹḅu agol phọ ọdi aphoghomi tọrobo oye, pọ aghuḍum oye phọ ọpo mạrol. Kụ ọlo mẹman ni oniin ụnwanyu kꞌamem mọ ọdaam mọ arom bọ uruom ịmi ọghi.”

Asidogh 12:19

Ọkpe rábia ghan, kụ igey phọ kẹtol ẹkiom risigh.

Azaya 41:23

Ịḅeni iyoor ịlo retu ghisigh — kụ yoor olegheri mọ nyina ạrumugh ni! Iḍighi egey ịyaar mụghumo imananaany, ọbo ịngo iyoor oghiilaan rꞌaḍiigu!

Azaya 44:25

Mị ạmagh élegheri-ịyaar we ịmiin ạḅile ạpue ịmiin awe dị ọtuugha ịlo ạraanaan ạsike. Ikpo ọnhu awe olegheri ịyaar phọ mị ạparanaan kụ aḍeenaan mọ olegheri-ịyaar ạbidi elologhi.

Izikiel 13:17

Ọmoogh-we phọ ạḅem, “Nyịidipho, Oye dị kamugh ni, pogh nmạriir phọ ogbo awe anyina bụphe rọkaaph ghan bọ komitiom ịmiin. Ḅạaghiom bịdi

Izikiel 13:19

Nyina iifolomi ịmi esomanan awe phọ ạmi ịlo ọmoogh ẹphurukpu ạruuzua ịbiakpa abali rꞌẹphurukpu ipoḍi ạbred. Nyina ẹze we dị ụ́kpianaan omugh, kụ nyina eseere we ọmoogh aghuḍum bụdi ụ́kpe ọrol. Esi ịduon phọ nyina rẹgba ghan ọkpe kẹḅeni we phọ ạmi, kụ bịdi imeeraam inyina.”

Izikiel 13:6

Uḍien phọ ạbidi ọkpe ni, ḅịle ịmiin phọ ạbidi kígey. Bịdi ọḅem ghan mọ bụno rọkaaph dom ạmi, kụ ọlo mị bịdi kőrom. Kụ ạri bịdi rọwa ni mọ ikpo ọnhu ạbuno emite ni!

Dạniel 2:16

ẠDaniel ạghi ni mem mem mọ ạlom ọdaam mọ mọ ạngo nyịno mem pịdi ọdi ạḅeni ọdaam mọ ẹmhu ạmalha phọ.

Dạniel 2:21

Ọdi kụ rạpam ghan mem mọ rꞌạrunwanyu phọ; ọdi kụ azu ạḅile azughuron eghoony rạalha; ọdi kụ rạngo olegheri-ịyaar rꞌọnaghan ạḍughum.

Dạniel 2:8

Pọ kụ esi dị ọdaam mọ amoogha, “Ịduon kụ ịdi mị ạatughian bọ ni! Nyina reebinyemi ọghaaph phọ loor esi dị nyina ẹmiin mọ mị magbiighi akureri

Dạniel 3:15

Nyịidipho, mem lọ nyina rẹnaghan dị aruuḍue phọ ẹḅa rꞌiitia aruukuo phọ rꞌọdo kịrokiro ẹḍogh ạraraar ephegh phọ, izumeri ẹmhu ude ẹngo rughuenian igbudu phọ. Eḍighi ịyaar lọ nyina ímeera, pọ kisiph inyina mem mem mọ kụ osumeeny ooni ạnian dị reemor. Nyina regbi mọ ẹmugh edi ni dị ketue ịphel inyina ḍụghum?”

Dạniel 5:28

Peres: Modiighi eelhe phọ ạna ọngo bụo aMedia rꞌạbuo aPasia.”

Dạniel 5:31

kụ ạDarios oye ọlo aMedia phọ aziton ạgada ọdaam eelhe phọ mem dị ọdi mạman odiinydi rꞌịyal ạsia.

Dạniel 7:25

Ọdi kạkaaph ghan ịkaraph ịlo Ọkaraghi Egbogh Ẹnaan phọ kụ ạkpiloghom we phọ Ẹnaan. Ọdi raḍighi ghan ịlo onme iilogh phọ Ẹnaan rꞌạrayaal oghueniom Ẹnaan, kụ awe phọ Ẹnaan kọtol eeḍian ịikpo phọ ọdi ịraar ạsia rꞌạpakiri.

2 Bụo ạKorint 2:17

Yoor ụ́kigh aani ịbadi ạbunon phọ ọsighe bọ ọghaaph phọ Ẹnaan kụ rọwaam bọ ikpoki phọ. Yoor phọ Ẹnaan kụ erom bọ ẹḅile repogh rọ́kaaphom ghan iguegue, ịdi eḍighi bọ yoor ạbuo aKraist.