Dạniel 2:4 - Ạḍinya Iigbia

⁴ Bịdi ọphagharanaan ọdaam mọ ọnhu Aramaik mọ, “Ọdaam, tọl kꞌagee-pọ. Kạaph mạlha phọ ụḅeni iyoor, kụ yoor kọgba ẹmhu phọ ọḅeni nyịna.”

Dạniel 2:4 Iomraidhean Croise

Emiighom 31:47

ẠLeban aghol ḍien esi phọ mọ aJegar Sahaduta; kụ ạJekob aghol mọ aGaleed.

Emiighom 41:8

Rẹḅaal kụ ịphen phọ rẹeḅaghami ọdaam eelhe phọ. Kụ ọdi arom ạghiom oomo ạbuo ịiḍaany phọ odi bọ Ijipt, rꞌoomo ạbuo olegheri ịyaar phọ. Ọdaam eelhe phọ ạghaaph mạlha phọ ọdi ạḅeni bịdi, kụ ọlo alegheri ạgba ẹmhu ạmalha phọ ạḅeni nyọdi ọ́rol.

1 Ạbudaam 1:25

Rodon ọdi mạsighe ịbadi ilephiri ạsinam, iyool-ịga, rꞌạsinam dị ẹmaar ẹbughogh ạpinyonom rịkia, ạamaghagh nmụny ọdaam mọ rꞌaJoab uwo ẹmhu awe ẹgham mọ rꞌẠbayata oyil ạrikia phọ. Kụ pogh, bịdi odi egbodo ọdi role rọpughol, kụ rọḅem ghan mọ, ‘Ẹnaan ẹkpoomi Adonaija ọdaam mọ.’

1 Ạbudaam 1:31

ABatsiba azumeri risigh ọdi ude, kụ ạngo rughuenian ọdaam mọ, kụ ạḅem mọ, “Ọde-otu ạmi Devid, tọl kꞌagee-pọ.”

2 Ạbudaam 18:26

Ẹliakim rꞌaSebna rꞌaJoa ọḅeni ọnyo oḍighi Asiria phọ mọ, “Seseeny ḅạ ghan ọnhu Aramaik kụ ạghaaphom ghan ạḅeni butelhedom mọ ạna loor esi dị yoor ọnaghan ni ọnhu phọ ọpo phọ. Kạ́sighe ghan ọnhu aHibru kụ ạghaaphom ghan ụḅeni iyoor; awe phọ ạbuphe odi bọ sịphe iikpe phọ kọnaghan.”

Ẹzra 4:7

Ḅịle kẹn, sịphe ọda phọ Atazakzis ọdaam mọ aPasia, aBislam, Mitredat, Tabeel rꞌạbuphe oḍighan bọ bịdi ụge ni ḍịnya ọghiom ọdaam mọ. Ḍịnya phọ ụge ọnhu Aramaik kụ ọgba ịpe ọge bọ mem dị mạal.

Nehemaya 2:3

kụ ạphagharanaan mọ, “Ọdaam, tọl kꞌagee-pọ. Mịna kạkparam bọ ika dọl ẹ́ḅaal ologhi mem dị ẹmha phọ ẹpe oḍi bọ bụrude ạburude phọ ạmi mephe kụ ạrunhu-aḍibuo iikpe ẹmha phọ ạnian meegulemi?”

Azaya 36:11

Kụ Ẹliakim, Sebna rꞌaJoa ụḅeni ni oye ọnyo oḍighi phọ mọ, “Seseeny ḅạ ghan ọnhu Aramaik ụḅeni iyoor. Yoor ọnaghan ni. Kạ́ḅa ghan ọnhu aHibru. Oomo awe phọ odi bọ sịphe iikpe phọ oler ri rụru rọnaghan.”

Azaya 44:25

Mị ạmagh élegheri-ịyaar we ịmiin ạḅile ạpue ịmiin awe dị ọtuugha ịlo ạraanaan ạsike. Ikpo ọnhu awe olegheri ịyaar phọ mị ạparanaan kụ aḍeenaan mọ olegheri-ịyaar ạbidi elologhi.

Dạniel 1:4

bịdi oḍighi ni we dị ọnighe ọmiin, ọsu ologhi, ọtughemi agey, ọmaar ḍịnya, ḅịle ẹgha úḍigh; pịdi bịdi ọkpianaan ọrol okumu sịphe ogiga ọdaam mọ. Aspenaz kạtughemi bịdi ịlo ạal rꞌọge ọnhu ạBabilon.

Dạniel 2:7

Bịdi ọḅile ọphagharanaan ọdaam mọ, “Eḍighi ịyaar dị ọdaam mọ katue ni ụḅeni iyoor mạlha phọ, yoor kọgba ni ẹmhu phọ.”

Dạniel 3:9

Bịdi ụḅeni ni Nẹbukadnezar ọdaam mọ mọ: “Eḍighi ịdi ọdaam mọ kạtol kꞌagee-pọ!

Dạniel 4:19

Sịen kụ ẹdi ạDaniel ọpo ọta bọ mọ ạBeltesazar akperenom kụ rꞌịyaar órue ọḅem ịyaar. Ọdaam mọ ạḅeni nyọdi, “Bẹltesazar, kámeera ạmalha phọ rꞌịpe ẹghaaph bọ ẹeḅaghami nyịna.” ẠBeltesazar ạphagharanaan, “Ogbogh ọdaam, mị ạḅem mọ ạmalha phọ rꞌẹmhu phọ ẹmoogh mạar oḍighinom bụmulogh-ḍien ạna, kíḍighi nyịna.

Dạniel 4:7

Kụ oomo ạbuo ịmiin phọ, ạbuo ịiḍaany, abuukia awe rꞌạbudi ọtuugha ịlo ạraanaan okuaḍio oruughi kụ mị ạghaaph mạlha phọ ạmi ạḅeni, kụ bịdi útue ụ́gba ẹmhu phọ.

Dạniel 4:9

Bẹltesazar, ọkar ogbogh ạbuo ịmiin, mị alegheri ni mọ uwaloor ạrumugh iigbia phọ eḍigh loor ạna, ḅịle kẹn nạ ạnaghanan ni oomo ạraraar ịbooghian. Phọn kụ ạmalha phọ ạmi. Gbạ ẹmhu phọ ụḅeni ịmi.

Dạniel 5:10

Onhiin ọdaam eelhe phọ ạnaghan ni ọyugh ọdaam mọ rꞌabugbogh awe phọ ọdi kụ ạghi aḍigh sịphe ogbotu amalhe phọ. Ạnir phọ ạḅem mọ, “Nạ ọdaam mọ tọl kꞌagee-pọ! Aḍiigu nyịna kísiph ḅịle kákpaghagha ịdipho.

Dạniel 5:8

Abutomoghiom ọdaam mọ uruughi ni, kụ ọlo rꞌoniin órue ạal ịge phọ, mụghumo ọḅeni ọdaam mọ ẹmhu phọ.

Dạniel 6:21

ẠDaniel ạphagharanaan, “Nạ ogbogh ọdaam tọl kꞌagee-pọ!

Dạniel 6:6

Kụ iḍighi kụ bịdi ọghi ọteeny ọdaam mọ kụ ọḅeni mọ, “Nạ ạDarios ogbogh ọdaam mọ, tọl kꞌagee-pọ!

Dạniel 6:7

Oomo phọ ayoor ọphamagh bọ riisi eelhe phọ ạna — bụdi oseere ọmiin ghan iiḍighi, bupoghom areelhe rꞌạbudi otum bịdi, rꞌạbueri phọ ạbuo iiḍighi — momeeraam mọ nạ ogbogh ọdaam mọ lọgh ologh ạkparami agey. Ḅẹm mọ esi ịraardi aḍughul-otu mọ oye kụ́uḅereghi ẹnon ẹmugh mụghumo oye emuton nyịna ọdaam mọ. Tọrobo oye lọ apel ịto phọ ịphen kotoph osumeeny ologhi ooni dị ạnam-dịka kụ emuza.

Matiu 21:9

Kụ bụphe oḍia bọ rꞌạbuphe ọrol bọ ọman phọ ụlooghi ghan mọ, “Iboom mọony phọ aDevid. Ẹnaan ẹseph ni nyọon phọ ratumom bọ ḍien Ọmoogh-we phọ! Iboh ẹrolonaan ni Ẹnaan ẹpe kꞌạke!”

1 Sạmuel 10:24

Kụ ạSamuel ạḅeni oomo awe phọ mọ, “Ịporono oye phọ Ọmoogh-we phọ mạsaḅar bọ. Ọnon oye ólho sịen ogbo phọ ayira dị kọtomaam nyọdi.” Kụ oomo phọ awe phọ ọlo kụ ọḅem mọ, “Ọdaam tọl kꞌagee-pọ.”