Dạniel 2:3 - Ạḍinya Iigbia

³ ọdi ạḅeni bịdi mọ, “Ạmalha dị mị ạmalha rụuḅaghami ni ịmi. Mị rạwa olegheri ẹmhu phọ.”

Dạniel 2:3 Iomraidhean Croise

Emiighom 40:8

Kụ bịdi ọḅeni nyọdi mọ, “Ịyal phọ ayoor ụmalha ni mạlha, kụ oye dị kạgba ẹmhu ạramalha phọ ụḅeni iyoor ólho.” Kụ ạJosef ạḅeni bịdi mọ, “Awe kụ iyira ẹmhu ọdo phọ ịphen kíḍeenaan, emuton Ẹnaan bịn. Ọgba ẹmhu ọlo esi Ẹnaan ḍụghum? Iseseeny, ịkaaph ịḅeni ịmi.”

Emiighom 41:15

Ọdaam eelhe phọ ạḅeni Jọsef mọ, “Mị ụmalha mạlha kụ oye lọ arue ạgba ẹmhu ạmalha phọ ụḅeni ịmi ólho; kụ mị ạnaghan mọ nạ katue ni ạgba ẹmhu ạramalha.”

Emiighom 41:8

Rẹḅaal kụ ịphen phọ rẹeḅaghami ọdaam eelhe phọ. Kụ ọdi arom ạghiom oomo ạbuo ịiḍaany phọ odi bọ Ijipt, rꞌoomo ạbuo olegheri ịyaar phọ. Ọdaam eelhe phọ ạghaaph mạlha phọ ọdi ạḅeni bịdi, kụ ọlo alegheri ạgba ẹmhu ạmalha phọ ạḅeni nyọdi ọ́rol.

Dạniel 2:1

Lhạ phọ emuneniom bọ ịyal phọ kꞌamem mọ ạNebukadnezar amiigh bọ ọda phọ ọdi ạmalha ni mạlha. Ạmalha phọ ạaḅaghami ni nyọdi iboom dị ọdi órue mun ọ́naani.

Dạniel 4:5

Kụ ọlo mị ụmalha ni mạlha dị aḍigh ruugu, mị ạmiin uḍien rạraar aḍiigu mem dị mị rạnaani.