Dạniel 2:2 - Ạḍinya Iigbia

² Kụ ọdi arom ọmagh bụo ịmiin, bụo ịiḍaany, we ạghama, rꞌabuukia awe ọdi mọ oru ọgba ẹmhu ạmalha phọ ọdi. Mem dị bịdi oruughi bọ ọmeera ghisigh ọdaam mọ,

Dạniel 2:2 Iomraidhean Croise

Emiighom 41:8

Rẹḅaal kụ ịphen phọ rẹeḅaghami ọdaam eelhe phọ. Kụ ọdi arom ạghiom oomo ạbuo ịiḍaany phọ odi bọ Ijipt, rꞌoomo ạbuo olegheri ịyaar phọ. Ọdaam eelhe phọ ạghaaph mạlha phọ ọdi ạḅeni bịdi, kụ ọlo alegheri ạgba ẹmhu ạmalha phọ ạḅeni nyọdi ọ́rol.

Esta 1:13

Ọdaam mọ rapuru ghan ni ịlo ẹkaraghi eeleeny esi asipuru ịlo ịtooghi rꞌiilogh. Esi ịduon phọ ọdi ạmagh bụo oroma ọdi, bụdi kolegheri ịlo koḍighi.

Ẹḍua 7:11

Ọdaam eelhe phọ ạmagh we olegheri ịyaar rꞌạbuo ịiḍaany sịphe Ijipt kụ bịdi oghal kụ ẹtuugh ịduon phọ eḍighi aani.

Azaya 19:3

Mị kạpue ni igbiighi ạbuo Ijipt phọ kụ asooromi igey ịitughian ạbidi. Bịdi kọlom ịkaaghineen ạrumugh ạbidi ọloghonaan ạbidi ḍịghaagh, kụ bịdi kọki ghan idike kụ opuru ghan ruwaloor iḍim oroma.

Azaya 8:19

Kụ awe kịḅeni ni inyina mọ ịki idike kꞌạbuo ịmiin dị rọopioph ghan kọomo. Bịdi kọḅem ni mọ, “Ẹkpe ni dị awe kokol ẹmhu ạbulo odi kụ kopuru ghan ruwaloor phọ rꞌạbulo úlho ịlo ạdol phọ ḍụghum?”

Dạniel 1:20

Tọrobo aḍipuru lọ ọdaam mọ apuru, mụghumo ịiḅaghami lọ emite, inya phọ ạnmuny phọ ạbuen ulegheri ghan ni ḍioph amem opu ịlo oomo ariil uḍien ḅịle rꞌawe ịiḍaany eelhe phọ ọdi.

Dạniel 1:4

bịdi oḍighi ni we dị ọnighe ọmiin, ọsu ologhi, ọtughemi agey, ọmaar ḍịnya, ḅịle ẹgha úḍigh; pịdi bịdi ọkpianaan ọrol okumu sịphe ogiga ọdaam mọ. Aspenaz kạtughemi bịdi ịlo ạal rꞌọge ọnhu ạBabilon.

Dạniel 2:10

Abutomoghiom mọ ọphagharanaan mọ, “Rꞌoniin oye ólho sịen ade phọ dị katue ạḅeni ọdaam mọ ịphen nạ rạwa bọ olegheri phọ. Ọdaam ólho, ghạlamo ọkar ogbogh rꞌigbogh ịikpo, dị mapuru ghan ọdo phọ ịphen phọ bụo ịmiin, bụo ịiḍaany idike ạraanaan phọ ọdi.

Dạniel 2:27

ẠDaniel ạphagharanaan mọ, “Nạ ọdaam mọ. Ọḅaghama ólho, oye ịiḍaany ólho, oyil ịmiin ólho, ḅịle oye dị ạal ghan ạraanaan ólho dị katue ạḅeni nyịna ịphen phọ.

Dạniel 3:8

Pọ kụ amem dị buniin ạbuo ạBabilon ọmoogh ọgel ọgbaaghiom ạbuo aJu phọ.

Dạniel 4:3

“Ịpe eeghia iboom imananaan dị Ẹnaan riḍeenaan ghan iyira! Ịpe eeghia ịikpo dị edi esi ịiḍaany phọ ọdi! Ẹnaan kụ ọdaam kꞌagee-pọ; ọdi kụ kạda oomo amem.

Dạniel 4:6

Kụ mị ạto mọ oomo abutomoghiom ọdaam mọ ọrol bọ Bạbilon oru kꞌạmi pịdi ụḅeni ịmi ẹmhu ạmalha phọ.

Dạniel 5:7

Ọdi ạlho mọ oye ạpham we ịiḍaany phọ arumom, buukia awe phọ, ḅịle rꞌạbuphe ọtuugha bọ ịlo ạraanaan phọ. Mem dị bịdi oruughi bọ, ọdaam mọ ạḅeni bịdi, “Oye lọ katue ạbal ịge phọ ịphen kụ ạgba ẹmhu phọ koonmenemi nyọdi ịgorogoro ibura oodor ạbudaam, ọlogh orum ọdi ikoli agol arughuenian, ḅịle ọdi kamuneniom ịraar esi ịikpo sịen ọmar phọ.”

1 Sạmuel 6:2

awe phọ ụmagh ni bụpinyon rịkia phọ rꞌariil ịiḍaany phọ kụ opuru mọ, “Yira koḍighi ika Igbe Ịyo Ọmoogh-we phọ? Eḍighi ịyaar dị yira ọsighe oḅulemi ẹpe ọdi ạḍua bọ kụ aru, kọḅaram eeghe kụ ọsighe bọ ọki?”