Dạniel 11:6 - Ạḍinya Iigbia

⁶ Ịbadi ạsia reru reten, ọdaam eelhe phọ Ijipt kaḍigh ooḍikuan rꞌọdaam eelhe phọ ạSiria kụ ạnughenyan ọnyani ọdi nyọdi. Kụ ooḍikuan phọ kábia kụ kokiigh ni ọnyani phọ, olhom mọ ọdi, ọony phọ ọdi rꞌoomo abutelhedom mọ kọdaph bọ nyọdi.

Dạniel 11:6 Iomraidhean Croise

Job 38:15

Ạḍiḅaal ootaany rẹeḅaghami ghan ni bụkaraph awe, kẹḅile ekikima bịdi esi ịkaraph.

Ạsuor 10:5

Oomo ạraraar rẹnighenaan ghan ni ọkaraph oye. Ịiruen phọ Ẹnaan ọdi ólhegheri. Ọdi apogh bụmulogh-ḍien phọ ọdi ạḅitonaan.

Izikiel 30:21

Ọdi ạḅem, “Oye dị kamugh ni, mị mawun ḍịghaagh ọdaam mọ Ijipt. Rꞌoye ọ́ghoroghiom ukpe ḅịle oḍigh ụ́komom ẹrol dị ẹnuun ekeel ọḅile ọphamam elhool ẹgham.

Dạniel 11:13

“Ọdaam eelhe phọ ạSiria kạki ni aakpomoghi we ẹgham dị opu bụphe ọdi ạmoogh ghan bọ. Mem dị ọkar amem mọ kẹteeny, ọdi kạpam ni ḍigbogh aḍita awe ẹgham dị ịinya phọ emunughan kụ atumom.

Dạniel 11:15

Kụ ọdaam eelhe phọ ạSiria kakoonyom ni ẹmha dị oghoony ni kụ aziton ạsighe. Awe ẹgham mọ Ijipt, kóbe mun ọkiom risigh; ghạlamo arephelegbe ẹgham mọ kọ́moogh mun ịnyaam.

Dạniel 11:40

“Mem dị eekuna amem ọdaam eelhe phọ ạSiria mẹkar rekureri, ọdaam mọ Ijipt katuphiom ni ẹgham nyọdi, kụ ọdaam eelhe phọ ạSiria kamerenyan ni abianaan rꞌoomo ịikpo ọdi. Ọdi kabiom ni rughuugh-ude, rꞌịnam ạsu, rꞌịbadi arughuugh ạmuum. Ọdi kaḍigh ni ịbadi areelhe rꞌẹekpara ekpeḍien ịdipho ạmuum-aḍigho.

Dạniel 11:7

Kébia kụ oniin ọnyo asiya ọdi aḍighi ọdaam eelhe. Ọdi kazuom ni ẹgham ọdaam eelhe phọ ạSiria, aḍigh otu-ịikpo phọ ạbidi, kụ ạkpar apu bịdi.

Zẹkaraya 11:16

Mị maseere ni okoriom mọ ạmaar aphogh iyool-ịga phọ ạmi, kụ ọlo ọdi órue ọloghonaan ḍịghaagh iyool-ịga phọ ịpe rẹwa bọ ophe phọ; ḅịle kẹn rápogh ghan ịpe mephe bọ, mụghumo ookonom ịlo eḍighima ịyaar, mụghumo ọngo eḍien ịpe emoon bọ. Kpạripe ghụn ọdi rapogh ghan ọga lọ ạmoogh ẹnuum bịn kaghiigh ạanyi, ạḅile ạpham rạda aruwol phọ kạkpagharan.