Dạniel 11:4 - Ạḍinya Iigbia

⁴ Kụ ọlo, mem dị ịikpo phọ ọdi mẹkaraghi ẹbugh, eelhe phọ ọdi kemeel kụ edia inya ạriikpigh. Ạraalha dị úḍighi ẹemara ẹemara ọdi kụ kọda esi phọ ọdi kụ ọlo bịdi kọ́moogh ịikpo phọ ọdi ạmoogh ghan bọ.

Dạniel 11:4 Iomraidhean Croise

Ạsuor 39:6

Oye ịdipho oogho, rakumuan ghan oopho arukumuan bịn, raakpomoghi ghan ẹelha phọ ọdi kaseerian kụ ọpo kaliom bọ ẹelha phọ ọdi ólhegheri.

Ọtughemia Phọ 4:8

Pọrono sịen oye dị aku otu arugh. Ọdi mọony ọ́moogh, umor ọ́moogh kụ odi ghan rukumuan, ẹelha phọ ọdi ị́gbaanyan nyọdi. Rakumunaan ghan ạnhian kụ kạ́moogh bọ mem oḍe phọ? Ịphen kẹn oopho ni bịn — aḍinukuru ạdol ọrol.

Jerimaya 12:15

Kụ ọlo mem dị mị mạsighe bịdi ạḍuanam, mị kạmoogh ni ọnma ighirigiir esi ạbidi; mị kạsighe ni tọrotoro eelhe aḅulemi ẹpe ade phọ ạbidi ḅịle rꞌẹmha phọ ạbidi.

Jerimaya 12:17

Kụ ọlo eelhe lọ ụ́naghanan, pọ mị kạkaraghi ni kụ atuphuron kụ aagulemi. Mị Ọmoogh-we phọ kụ mạḅem.”

Jerimaya 18:7

Tọro amem lọ mị ạḅem mọ mị katuphuron mụghumo oḅomoghi mụghumo oogulemi eelhe mꞌọmar phọ,

Jerimaya 31:40

Oomo eḍiiny phọ, esi phọ roḍiighi ghan bọ iḍim mọ kụ ọḅile rotoph ghan atopha, rꞌarere phọ edi bọ risigh okol ạmuum ạKidron kụ ẹghi esi Ọnhu-aḍibuo Ịnam-Ạsu ạga emitenom erumuḍio phọ — oomo phọ ịdi keḍighi esi ạdol iigbia ạmi. Ẹmha phọ amem kẹ́tol mun dị koogulemi.”

Jerimaya 45:4

“Kụ ọlo mị Ọmoogh-we phọ ralereghi ịpe mị mạlhoghoḍi bọ kụ ratuph ịpe mị mạzuph bọ. Mị kaḍighi ịphen phọ oomo ade phọ.

Jerimaya 49:36

Mị kaḍighi ịdi oghim kakimom Ilam tọro ạga, kụ mị ạwalalami we phọ ọdi ạkiom tọrobo ekpisi, tụtu eelhe kẹ́tol mun dị awe ọdi kősuma ọghi.

Izikiel 37:9

Ẹnaan ịḅeni ịmi, “Oye dị kamugh ni, mịinaan ookuugh phọ. Ḅẹni ookuugh phọ mọ Ọmoogh-we dị ạmoogh oomo ịikpo ạto ạngo mọ ạḍua tọrobo ọogaany aru aḍigh sịen asiloor phọ ịphen memugh bọ, kụ ọḅile ọngo ạbidi ghuḍum.”

Dạniel 7:2

ịpe mị ạmiin bọ ḍughul phọ: Ookuugh aghugh oomo ịigaany phọ kụ ạgur ghan ạnyu ạmuum otu-ḅualhe phọ.

Dạniel 7:6

Mị ạtol li rapogh, bịn ẹnon ẹnam emite egaan. Ịghigh ootiir kụ ọlo sịphe ọman phọ ẹmoogh inya araphaaph dị ẹghigh ịlo ẹnun, kụ ẹmoogh kẹn inya ạrumhu. Arisigh phọ ọdi aḍeenaan igbogh ịtooghi.

Dạniel 7:8

Mị odi akananaam rapogh ghan rạphaal phọ, bịn mị ạmiin ọbam ọphaal dị ramite aani ogbo ịpheri phọ. Ọdi awunughi ịraar ạraphaal ịpe ẹrol bọ pạ phọ. Ọphaal phọ ọphon ạmoogh ni riḍien oye rꞌọnhu dị raabaga ghan rꞌophoophe aloor.

Dạniel 8:22

Inya ạraphaal phọ emite bọ mem mọ mowun bọ ọḅel ọphaal phọ ẹmeera esi inya ạramar phọ dị kodi ẹḅel eelhe phọ omitiom kụ bịdi kẹ́moogh ịnyaam ịdipho ọḅel ọmar phọ.

Dạniel 8:8

Ạtu-ọga phọ alegheri bịn kụ raabaga. Kụ ọlo mem dị ịikpo phọ ọdi melhegheri ẹphughan, uwun ni ọphaal phọ ọdi. Sịphe ọdi ạrol ghan bọ inya ikakara ạraphaal emite, oniin aphogh ghan kịrokiro ạpakiri.

Zẹkaraya 2:6

Ọmoogh-we phọ ạḅeni ni weye phọ ọdi mọ, “Mị kụ ụuwalalami bọ ni inyina. Kụ ọlo nyịidipho nyina edi bọ dọl iiruen phọ ẹpe Bạbilonia, isumughu erigheel Jeruselem.

Zẹkaraya 6:5

Kụ ọdi ạphagharanaan mọ, “Ịphen phọ, pọ inya ọdo ookuugh; pụruku bịdi ọḍua ni egbodo Ọmoogh-we oomo ade phọ kụ oru.”

Matiu 12:25

ẠJizos malhegheri ni ịitughian phọ ạbidi, kụ ạḅeni bịdi mọ, “Ọmar lọ ạaya kape ni; kụ ẹmha rꞌeghunotu lọ ạaya kẹ́meera.

Elegh aLuk 12:20

Kụ Ẹnaan ẹḅeni nyọdi mọ, ‘Nạ uwo elologhi, ḍughul phọ ạḍien mị kạmagh uwaloor phọ ạna ạsighe. Kụ ạraraar phọ nạ aakpomoghi bọ ketu ịlo ạnhian?’

Ogonanami Phọ 7:1

Mem dị ịphen meten, mị ụmiin ni inya ạruukpaany Ẹnaan dị ọmeregha inya ạrughulukul aḅirini phọ kụ ọpham inya oghim aḅirini phọ roḅulemi ghan ọman, ọbo oghim kakim ghan bọ sịen ade phọ apighemi ọphiiny mꞌoreeny.