Dạniel 11:3 - Ạḍinya Iigbia

³ “Pọ kụ amem dị ophelegbe-ọolha kamite. Ọdi kạda ni ebadabada eelhe, ạḅile aḍighi ghan tọrobo ịlo ẹḅeeraan nyọdi.

Dạniel 11:3 Iomraidhean Croise

Dạniel 11:16

Ọlo ạSiria phọ kaḍighom rꞌẹekpara ekpeḍien kaḍighi bịdi ịlo ẹḅeeraan nyọdi, oye kámirighan nyọdi. Ọdi kạmeera ni sịphe Ade phọ Oguanaan bọ kụ akpobiom rꞌịikpo phọ ọdi.

Dạniel 11:36

“Ọdaam eelhe phọ ạSiria kaḍighi ni ịlo ẹḅeeraan nyọdi. Ọdi kaabaga ni mọ ọno apu ni ẹmugh, ạḅile kẹn apu Ọkaraghi Egbogh Ẹnaan phọ. Ọdi katue ni aḍighi ghan ịduon tụtu ẹteeny mem mọ Ẹnaan kẹliom bọ nyọdi. Ẹnaan keḍighi ni ọkaraghi ịpe ọdi magbiighi bọ.

Dạniel 4:35

Ọdi apogh weye ade phọ ọ́manami bịdi mạar; ạruukpaany kꞌạke ḅịle rꞌawe ịsien ade phọ odi eeḍian ọdi. Oye ólho dị kakikima ogbi ọdi ḅịle kapuru ḍipuru iiḍighi ọdi.

Dạniel 5:19

Ọdi ạbugh ni ḍịbugh dị awe ạtorobo eelhe rꞌeḍighinom ịyaar rꞌọnhu kịrokiro oghiilaan ghan ni nyọdi kụ okpereghaan ghan. Eḍighi mạar lọ ọdi ạwa oghiigh oye, aghiigh ghan bịn; eḍighi mạar lọ ạwa oseere oye, ọdi aḍighi ghan bịn. Ọdi aghueni ghan mụghumo oofolomi oye ịlo ẹḅeeraan nyọdi.

Dạniel 7:6

Mị ạtol li rapogh, bịn ẹnon ẹnam emite egaan. Ịghigh ootiir kụ ọlo sịphe ọman phọ ẹmoogh inya araphaaph dị ẹghigh ịlo ẹnun, kụ ẹmoogh kẹn inya ạrumhu. Arisigh phọ ọdi aḍeenaan igbogh ịtooghi.

Dạniel 8:21

Ạtu-ọga phọ ạmeera esi ọmar phọ aGris, kụ okakara ọphaal phọ sịphe igbo ịyal ariḍien phọ ọdi, pọ ọḅel ọdaam mọ.

Bụo ạEfesos 1:11

Oomo ạraraar remite ghan ịdipho Ẹnaan ẹsighe bọ ịitughian phọ ọdi kụ ẹtooghiom bọ mọ emite ghan. Kụ ọdi mụsaḅar bọ iyira mọ oḍighi bụo ọno ọḅophoghan Kraist, ịdipho ọdi agbiighi bọ kꞌẹḅel emiighom mọ.

Bụo aHibru 2:4

Igina igina phọ kẹn ni, esi ọḅaram ịpe ạbidi, Ẹnaan iḍighi yogh ghan ni iiḍighi aruugu rꞌareḍeenaan rꞌịiḍaany kịrokiro, kụ ẹsighe ghan ruunmo Uwaloor Iigbia phọ edi ẹngo we, ịdipho ẹḅeeraan bọ nyọdi.

Jems 1:18

Mem mọ yira omeeraam bọ igey ikpo ọnhu phọ ọdi, ọdi ạsighe ni ịitughian ọdi kụ ụmaram bọ iyira, ọbo yira kụ oḍighi bụḅel sịphe emoom eghunotu phọ ọdi.