Dạniel 11:2 - Ạḍinya Iigbia

² Kụ ịphen mị kạḅeni bọ nyịna nyịidipho igey ni.” Ọokpaany kꞌạke phọ ạḅem mọ, “Ịraar ạbunon ạraalha kọda ni Pasia, kụ ọdi amuneniom inya atum; ọdi kagbo ni apu oomo ạbueri phọ. Mem dị ịikpo phọ rꞌẹelha phọ ọdi mẹkaraghi ẹbugh, ọdi kagbekian ni eelhe phọ aGris.

Dạniel 11:2 Iomraidhean Croise

Ẹzra 4:24

Oḍighi ịsiphe Otu Ịiḅereghi phọ usophe ni kụ ạrol bịn aḅoorian tụtu ẹteeny lhạ phọ ạḍiphe emuneniom bọ ịyal esi ọda phọ ạDarios ogbogh ọdaam mọ aPasia.

Ẹzra 4:7

Ḅịle kẹn, sịphe ọda phọ Atazakzis ọdaam mọ aPasia, aBislam, Mitredat, Tabeel rꞌạbuphe oḍighan bọ bịdi ụge ni ḍịnya ọghiom ọdaam mọ. Ḍịnya phọ ụge ọnhu Aramaik kụ ọgba ịpe ọge bọ mem dị mạal.

Esta 1:1

AZakzis ọdaam mọ ạrolom ạgada ọdaam eelhe aPasia sịphe ẹkpana ẹmha dị oghol mọ ạSusa kụ ạda oniin okuron rꞌịyaldi rꞌoḍual ạriikpigh areelhe emiigh kꞌẹpe India esi Sụdan.

Asidogh 22:21

kụ ạtughemi nyịna ịyaar ọkar igey phọ, kụ mem dị orom nyịna ọwa omitiom, nạ kạpam ọkar ogey ọphagharanaan kụ atumom.

Dạniel 10:1

(Lhạ phọ emuneniom bọ ịraar phọ kꞌamem mọ ạSairos amiigh bọ ọda eelhe phọ aPasia, ụghaaph ni dom ọḅeni Dạniel, nyọpo ọḅile bọ oghol ghan mọ ạBeltesazar. Adom mọ iḍighi ni ḍigey kụ ẹkpar ịikia ọnaghanan. Ụugelion ni ọgba ẹmhu phọ ọḅeni nyọdi uḍien.)

Dạniel 11:25

“Ọdi kaḅom ni ẹmhu aakpomoghi ọopa aḍita awe ẹgham okori oruphiom ẹgham ọdaam mọ Ijipt, ọpo kaakpomoghi bọ kẹn ni ḍita awe ẹgham eenan ọdi, Kụ ọlo kookeleghi ni ọdaam mọ Ijipt bịn kátue aḍighi ịyaar.

Dạniel 7:5

Ẹnam mọ emuneniom bọ ịyal phọ ịghigh eephe-ạno dị ẹmeeraam ruwol ọman phọ. Ẹnam mọ ilomom rạlhaal phọ ọdi ịraar ịḅarara ịkala oku kụ ẹḍogh ẹḅeni mọ, “Kịom ni. Bạ iphulupul phọ ịlo nạ arue!”

Dạniel 8:21

Ạtu-ọga phọ ạmeera esi ọmar phọ aGris, kụ okakara ọphaal phọ sịphe igbo ịyal ariḍien phọ ọdi, pọ ọḅel ọdaam mọ.

Dạniel 8:26

Uḍien ịpe ạrikia adulhe rꞌạḍiroor phọ ịpe mọogelion bọ ni ọḅeni nyịna kemite ni. Kụ ọlo bọoghi ni nyịidipho, loor esi dị kebia ni kụ egbi nụun omite.”

Dạniel 8:4

Mị ụmiin dị odughuna phọ rạkuloghom ghan rạphaal ọdi kạghiom ẹpe emeelom erumuḍio phọ, rꞌẹpe ephunom mọ, rꞌẹpe esoorom mọ. Ẹnam ílho dị erue ekikima nyọdi mụghumo okpetenaan ịikpo ọdi. Ọdi aḍighi ghan tọrobo ịlo ẹḅeeraan nyọdi ạḅile aphoophe loor.

Ẹmos 3:7

Ọmoogh-we Oomo Ịikpo phọ káḍighi ịyaar dị igbiighi phọ ọdi kágananami aḍeenaan butelhedom mọ ọdi, riil phọ.

Elegh ạJon 10:35

Yoor olegheri ni mọ kótue ọka ịpe edi bọ sịphe ạḍinya iigbia phọ, kụ mọ Ẹnaan ighol li bụphe ọghaaph phọ ọdi aru bọ ạteeny mọ ạrumugh.

Ogonanami Phọ 21:5

Kụ ọpo ạrolom bọ ạgada ọdaam mọ ạḅem mọ, “Nyịidipho mị raḍighi oomo ạraraar phọ imoom.” Ụḅeniom kẹn ni ịmi mọ, “Gẹ ịphen ịdi eḍighi bọ ikpo ọnhu phọ ịphen ịne ni, amabi ólho.”