Dạniel 11:11 - Ạḍinya Iigbia

¹¹ Rꞌophin ologhi ọdi, ọdaam mọ Ijipt kạki eenom ẹgham ọdaam eelhe phọ ạSiria kụ asiphi ḍiboom aḍita awe ẹgham ọdi.

Dạniel 11:11 Iomraidhean Croise

1 Ạbudaam 20:13

Mem mọ ạmuphe, oyil ạghi ni ạteeny Ehab ọdaam mọ Ịzirel kụ ạḅeni mọ, “Ọmoogh-we phọ ạḅem ịduon mọ, ‘Nạ ạmiin ni ẹgham mọ ạbuen? Mịin, mị kạḅogh bịdi ạlogh ḍịghaagh ạna rodon, kụ nạ alegheri mọ mị kụ Ọmoogh-we phọ ni.’”

1 Ạbudaam 20:28

Kụ oye kꞌẸnaan ạḍua aru, kụ ạghaaph ạḅeni Ehab ọdaam mọ Ịzirel kụ ạḅeni mọ, “Ọmoogh-we phọ ạḅem ịduon mọ, ‘Loor esi dị ạbuo ạSiria phọ rọḅem ghan bọ mọ Ọmoogh-we phọ Ẹnaan ọlo ẹpe aroogbolom mọ bịn, mọ kẸ́naan ẹphen ẹyaghagha bọ kụ iḍighi mị katorori ni oomo ọoloogh awe phọ ạbuen ạlogh ḍịghaagh ạna, kụ nạ alegheri mọ mị kụ Ọmoogh-we phọ.’”

Ạsuor 76:10

Ophin ologhi awe ạḅile ghụn bịn rạbughe ghan ḍịseph phọ ạna; bụphe okpetenaan bọ rạagham mọ kole ghan ni ẹyaal kịrokiro phọ ạna.

Jerimaya 27:6

Mị kụ useere bọ oomo areelhe phọ eeḍian otelhedom mọ ạmi Nẹbukadnezar ogbogh ọdaam mọ ạBabilon, kụ mị maḍighi ịdi ghạlamo rꞌilhom ịnam mọ kesooromi loor ẹngo nyọdi.

Dạniel 11:12

Ọdi kaabaga ni loor esi ọkpar opu phọ ọdi rꞌịbadi awe ẹgham mọ ọdi mạze bọ, kụ ọlo ọdi kạ́kpar ghan apu oomo amem.

Dạniel 11:40

“Mem dị eekuna amem ọdaam eelhe phọ ạSiria mẹkar rekureri, ọdaam mọ Ijipt katuphiom ni ẹgham nyọdi, kụ ọdaam eelhe phọ ạSiria kamerenyan ni abianaan rꞌoomo ịikpo ọdi. Ọdi kabiom ni rughuugh-ude, rꞌịnam ạsu, rꞌịbadi arughuugh ạmuum. Ọdi kaḍigh ni ịbadi areelhe rꞌẹekpara ekpeḍien ịdipho ạmuum-aḍigho.

Dạniel 11:44

Pọ kụ amem dị ịinaghan kẹḍua ẹpe erumuḍio phọ remeel ghan bọ ḅịle rꞌephunom mọ etu kụ ekperemi nyọdi, kụ ọdi kabe ni rꞌophin ologhi kụ ạze ịbadibadi awe.

Dạniel 11:5

“Ọdaam mọ Ijipt kạmoogh ni ịikpo, kụ ọlo oniin oḍiemiom ẹgham ọdi kụ kạmoogh ịnyaam apu kụ ạda eelhe dị epu nyẹen ọdi.

Dạniel 2:38

Ọdi mạma nyịna ọda oomo awe lọ orugh sịphe ade phọ rꞌọḅile ọda oomo ịnam rꞌịnun. Nạ kụ ẹmhu agol igbudu phọ.

Dạniel 8:7

Mị ụmiin ni ịdi ọdi azuom elephiri odughuna phọ. Ọdi ạsighe ni ọghagh ologhi kụ ạkulom odughuna phọ bịn awunughi ịyal phọ ạraphaal phọ. Odughuna phọ ọ́moogh ịnyaam ọmerenyan. Ulher nyọdi ude kụ ọozeghi, oye ọ́rol dị arue ạtagharan nyọdi.