Dạniel 1:2 - Ạḍinya Iigbia

² Ọmoogh-we phọ ạngo ni ọgel kụ ọdi asiph Jehoyakim ọdaam mọ ạḅile azirion iniin ẹelha Otu Ịiḅereghi phọ. Ọdi asiphi buniin awe agheelom obughotu aruru phọ ọdi ẹpe Bạbilonia, kụ adoghoḍi ẹpe iisoph phọ ẹelha phọ ọdi azirion bọ.

Dạniel 1:2 Iomraidhean Croise

Emiighom 10:10

Emiighom mọ, eelhe phọ ọdi ịḅaram ni Bạbilon, Erek rꞌAkad ẹpe eelhe phọ ạBabilon.

Emiighom 11:2

Kụ ịdipho bịdi ọḍuaghu ạga phọ erumuḍio phọ remite ghan bọ kụ rọki, kụ bịdi ọmiin ḍịyaghaghaany ade ẹpe Bạbilonia kụ ọghi orugh sịphe.

2 Ạbudaam 24:1

Mem mọ ạmuphe aJehoyakim ạda bọ, ạNebukadnezar ọdaam mọ ạBabilon azuom Juda ẹgham kụ aJehoyakim aḍighi otelhedom ọdi ịraar ạsia, kụ ọdi akiton ạmoogh oḅom ẹmhu ọ́naghanan mun nyọdi.

2 Krọnikuls 36:5

AJehoyakim ạman bọ ịyaldi rꞌoogh ạsia kụ aḍighi ọdaam aJuda, kụ ọdi ạda sịphe Jeruselem ḍioph rꞌoniin ạsia. Ọdi ạpioghom esi Ọmoogh-we Ẹnaan phọ ọdi.

2 Krọnikuls 36:7

ẠNebukadnezar ạsighiogh iniin aruphua phọ ẹrol bọ sịphe Otu Ịiḅereghi phọ ạḍuanam kụ adoghoḍi otu-ọolha ọdi ẹpe Bạbilon.

Ẹzra 1:7

ẠSairos aḅulemi ạngo bịdi rụkpa rꞌạraraar ọphugholom mọ ịpe ạNebukadnezar ọdaam eelhe phọ ạsighe bọ sịphe Otu Ịiḅereghi phọ ẹpe Jeruselem kụ mạlhogh bọ sịphe otu iigbia ạrumugh phọ ọdi.

Azaya 11:11

Aḍio phọ ạḍiphe ẹteeny, Ọmoogh-we phọ kạḅile kẹn ni ạsighe ịikpo phọ ọdi aḅulemiom we phọ ọdi bụphe osugha bọ ẹpe Asiria rꞌIjipt, ẹpe areelhe phọ ạPatros, Sụdan, Ilam, Bạbilonia rꞌạHamat rꞌịsiphe iigbom ạriphiiny phọ rꞌạnyu arukpu-ogbo ọphiiny phọ.

Azaya 42:24

Ạnhian kụ ạḅogh bọ Ịzirel ạngo bụo ibum mọ? Ọmoogh-we phọ, ọpo yira roḍighi ghan bọ ịkaraph phọ kophoghom! Yira úmeera ọrol ạdol phọ ạḍiphe ọdi ạwa bọ mọ yira ọrol phọ, ḅịle ụ́naghan ịtughemi phọ ọdi ụtughemi bọ iyira.

Jerimaya 25:1

Lhạ dị emuneniom inya dị aJehoyakim ọony phọ aJosaya mạda Juda, adom Ọmoogh-we phọ dị egbolomaam weye phọ aJuda ịteeny ni ịmi. (Ạḍien phọ kụ ạḍiḅel ạlha dị ạNebukadnezar ạda bọ Bạbilonia.)

Jerimaya 27:16

Pọ kụ amem dị mị ạḅeni bụpinyon rịkia phọ rꞌawe phọ mọ Ọmoogh-we phọ mạḅem mọ: “Kẹ́naghanan riil phọ ọḅem bọ mọ kébia kụ oḅulemi ruphua Otu Ịiḅereghi phọ ịpe mosiemi bọ ẹpe Bạbilonia. Bịdi rịgbaam inyina ọkpe.

Jerimaya 28:3

Esi ịyal ạsia mị kaḅulemi sịen oomo ạraraar Otu Ịiḅereghi phọ ịpe ạNebukadnezar ogbogh ọdaam mọ ạsighiogh bọ ạghimom Bạbilonia.

Jerimaya 35:11

Kụ mem mọ ạNebukadnezar ogbogh ọdaam mọ aḍigh bọ eelhe phọ rꞌẹekpara ekpeḍien, kụ ẹdi yoor ụutughian bọ oru sịen Jeruselem ịlo okpetenaan we ẹgham mọ ạBabilon rꞌạSiria. Ịdipho kụ iḍighi bọ kụ ẹdi yoor odi ghan bọ Jeruselem.”

Jerimaya 50:2

“Ịgba iphiligba phọ ẹḅeni reelhe phọ! Igbeelom! Iḍeenaan elegh phọ ẹkar eeleghemi iphiligba phọ! Kẹ́booghinaan we! ẠBabilon mameel. Eru phọ ọdi Maduk moḅomoghi! Ịkaaghineen ạrumugh phọ ạBabilon moseere dọl aroofola! Igbudu isa phọ ọdi mootughuḍi!

Jerimaya 51:44

Mị kạliom ni Bẹl, ẹnaan phọ ạBabilon, kụ aḍighi ịdi ọdi kamiteghom ruphua phọ ọdi amiighi bọ; areelhe phọ nyọdi kéeseeny mun. “Iikpe phọ ạBabilon memeleghu.

Dạniel 5:13

Ụsighe ni Dạniel mem mem mọ oru risigh ọdaam mọ, kụ ọdaam mọ apuru nyọdi mọ, “Nạ kụ ạDaniel ooruen phọ, ọlo aJu phọ ọpo ọde ạmi ọdaam eelhe phọ ạsighe bọ ẹpe Juda kụ aru ḍụghum?

Dạniel 5:18

“Ọkaraghi Egbogh Ẹnaan phọ aḍighi ni ọde ạna Nẹbukadnezar ogbogh ọdaam kụ ạngo nyọdi rughuenian rꞌạgada igbogh.

Hạbakuk 1:16

Bịdi ọḅile ghan rooseeny ghan rạraar ạkoni ạbidi kụ oḍighi ghan rạraar aghuḍum rọngo, loor esi dị ạraraar ạkoni phọ ạbidi rẹngo ghan bịdi oomo ịma lọ bịdi ọwa.

Zẹkaraya 5:11

Kụ ọdi ạphagharanaan mọ, “Ọsighe rọki ẹpe Bạbilonia. Ẹpe kụ ẹdi kọloghonaan otu. Mem dị ọlogh otu phọ ọmadan, kọsighe egunum mọ ọlogh sịphe kụ ọoḅereghi ghan.”

Dutoronomi 32:30

Oniin oye kaḍighi ika kụ atue bọ aporogh oniin ọonir awe? Ịyal awe koḍighi ika kụ otue oporogh ḍioph ọonir awe, omuton dị Aḍighiigh phọ kụ ẹḅitonaan bịdi, dị Ọmoogh-we phọ kụ ạḅogh ạngo bịdi?

Bụo Ịiruen 2:14

Kụ Ọmoogh-we phọ ạghagham ologhi we Ịzirel iboom, kụ ạḅogh bịdi ạngo bụo ịpueghiom, kụ bịdi ozirion ghan rạraar ạbidi ọsighiogh. Kụ ạsighe bịdi aalha bụo ạmulogh-ḍien phọ ạbidi orugh bọ okoom bịdi, tụtu eḍighi ịdi bịdi útue mun ụ́merenyan bụo ạmulogh-ḍien ạbidi.

Bụo Ịiruen 3:8

Kụ ẹghagh ologhi Ọmoogh-we phọ, kụ ạghagham we Ịzirel ologhi kụ ạsighe bịdi aalha Kusan Risataim ọdaam mọ aMesopotamia dị ạda bịdi ọphaanya ạsia.

Bụo Ịiruen 4:2

Kụ Ọmoogh-we phọ ạsighe bịdi aalha Jabin ọnyo aKenan dị ạda ẹmha Hazor. Uw-ẹmhu awe ẹgham mọ ọdi ughol mọ aSisera dị arugh ẹpe Haroset Ha Goyim.

1 Sạmuel 5:2

kụ bịdi ọsighe ọghi oseere zin eru ạbidi dị oghol mọ aDagon, kụ ọsighe ọmeremi otumeniom ẹkaaneen eru phọ.