Ạsuor 127:3 - Ạḍinya Iigbia

³ Ạnmuny oḍighi ruunmo Ọmoogh-we phọ; bịdi ọkar ạḍiseph dị eganana.

Ạsuor 127:3 Iomraidhean Croise

Emiighom 1:28

Ẹnaan ịseph ni bịdi ẹḅeni mọ, “Ịmaraghian emuzeḍi pịdi ẹemara ẹemara anyina orugh oleeny oomo ade phọ kụ ọmoogh ịto. Mị rịngo inyina ịnyaam ọto ọngo ina ọphiiny phọ rꞌịnun okuaḍio phọ rꞌoomo ịnam mọ edi bọ sịen aḅirini phọ.”

Emiighom 24:60

Kụ bịdi osu ooḅi ọghor ẹmaria ạRibeka kụ ọḅeni nyọdi mọ, “Nạ umarani ayoor. Keel ạmaraghian amuzeḍi aḍighi onhiin aḍigbogh aḍita ạnmuny; kụ ạnmuny phọ ạna kụ ọda rạmha ạbumulogh-ḍien ạbidi.”

Emiighom 33:5

Kụ Ịso aphoophe risigh ọdi ạnmanaghian kụ ạmiin nmạriir phọ rꞌạnmuny phọ, kụ apuru mọ, “Bụen phọ rꞌạna odi bọ sịen ạbuo ạnhian?” Kụ ạJekob ạphagharanaan mọ, “Bụen phọ ạnmuny dị Ẹnaan ẹngo otelhedom mọ ạna.”

Emiighom 4:1

Ạdam rꞌaIiv ạnir phọ ọdi ọrolan esi, kụ ạnir phọ aamor kụ ạmar Ken; kụ ạḅem mọ, “Ọmoogh-we phọ mụlhoghonaan ịmi ḍịghaagh mị ạmoogh mọony.”

Emiighom 48:4

Kụ ịḅeni ịmi mọ, ‘Mị kạngo nyịna ọoloogh ạnmuny. Nạ kạmar amuzeḍi, ạmoogh ḍita areelhe. De phọ ạḍien mị kạngo nmụny ạnmuny ạna eḍighi ẹlo ạbidi kꞌagee-pọ.’

2 Sạmuel 3:5

Itriam, onhiin phọ ọdi ughol mọ Egla. Oomo ạnmuny phọ ạbuen phọ ụmar ẹpe Hẹbron.

1 Krọnikuls 28:5

Ọdi ụngo ni ịmi ịbadi alephiri ạnmuny kụ esi oomo ạbidi ọdi ạsaḅar Sọlomon kụ ọda Ịzirel, ọmar Ọmoogh-we phọ.

1 Krọnikuls 8:40

Ạnmuny phọ Ulam uḍighi ikpolom awe ẹgham rꞌạbuo ịtaph ịkpina dị ụ́piom ghan ịyaar. Ọdi ạmoogh 150 ạnmuny rꞌạnmuny ạnmuny. Oomo phọ ạbuphe ọgo bọ sịen uḍighi we eghun phọ ạBenjamin.

Job 1:2

Ọdi ạmar bọ oḍual alephiri ạnmuny rꞌịraar ạnmanyaan,

Azaya 13:18

Ọpham sịkumugh rꞌịkpina kọziom ni oomo ugheel phọ. Bịdi kọ́nma ighirigiir bụlo rọmaam mꞌọmoogh igbiririph ịbam ạnmuny.

Azaya 8:18

Sịen mị odimom nmụny phọ Ọmoogh-we phọ mụngo bọ ịmi. Ọmoogh-we oomo ịikpo phọ, ọpo ạgada ọdaam ẹmha ọdi odi bọ ẹpe Eegum ạZayon, murom ni iyoor sidom dị edi eye ọghiom awe phọ Ịzirel.

Dutoronomi 28:11

Ọmoogh-we phọ kịbughe ni inyina ịngo inyina edughom, rꞌọophi anyina, rꞌọophi ạsinam mọ anyina, rꞌariḍien ịsiphe ade phọ, ḍịphe Ọmoogh-we phọ aghunya bọ esi ạburude phọ anyina ọngo anyina.

Dutoronomi 28:4

“Ọmoogh-we phọ kạseph ni ọophi ạnmuny phọ anyina, rꞌariḍien iizo phọ anyina, sịnam mọ rꞌiyool-ịga phọ anyina.

Bụo Ịiruen 12:9

Kụ ọdi ạmoogh ịraardi alephiri ạnmuny rꞌịraardi ạnmanyaan. Kụ ạsighe nmạnyaan phọ ọdi ạnughenyan yogh ẹpe ịnon areelhe, kụ ạghi ạsighe ịraardi ạnmanyaan ịnon areelhe kụ aruom nmụny phọ ọdi mọ ophinogh. Ibzan aḍiemiom Ịzirel esi oḍual ạsia.

1 Sạmuel 1:27

Mị ụlhom nyọdi mọony kụ ọdi mụngo ịmi ịpe mị ạlhom bọ.