2 Sạmuel 9:3 - Ạḍinya Iigbia

³ Kụ ọdaam mọ apuru nyọdi mọ, “Oye asugha ni sịphe eghunotu phọ ạSol dị mị kaḍighinaan iiḅi, ịdipho mị aguanaan bọ Ẹnaan mọ mị kaḍighi phọ?” AZiba ạphagharanaan mọ, “Ọony ạJonatan dị aḍigh ẹgha aruwol dị rakughol ghan asugha ni.”

2 Sạmuel 9:3 Iomraidhean Croise

2 Sạmuel 19:26

Kụ ọdi ạphagharanaan, “Ịduon nạ alegheri bọ ni, nạ Ogbogh Ọdaam mọ, mị aḍighi ẹkugha dị rátelhe ghan. Mị ụḅeni otelhedom mọ ạmi mọ ọdi aakolobian ẹnam adool phọ ạmi pịdi mị aḍigh ạdaph nyịna, kụ ọlo ọdi uukeleghi ni ịmi.

2 Sạmuel 19:27

Ọdi ụgbaam ịmi ọkpe risigh ạna Ogbogh Ọdaam mọ, kụ ọlo nạ ạkigh ọokpaany kꞌạke. Kụ iḍighi, ḍighi ịlo nạ aphogh mọ eḍighi elhiom esi ạna.

2 Sạmuel 4:4

Ọnon ọlo kꞌạSol, ọony ạJonatan dị oghol mọ ạMefiboset; ọdi ạman oogh ạsia mem mọ oghiigh bọ Sọl rꞌạJonatan. Mem mọ ọghaaph ịlo aḍuugh phọ ạbidi ạḍua bọ Jẹzreel aru, oobia phọ ọdi ạsighe ni nyọdi asomanam; kụ ọlo loor oboom oogborion ọdi atebeeny ni ọony phọ, bịn ọony phọ aḍigh ẹgha.

2 Sạmuel 9:13

Kụ iḍighi kụ ạMefiboset, ọpo aḍighi bọ ẹkugha dị ịyal phọ aruwol phọ ítue ghan bọ ịmeera, ạrol ghan ẹpe Jeruselem, alhe ghan oomo ariiḍien phọ ọdi sịphe kꞌọdaam mọ.

2 Sạmuel 9:7

Kụ aDevid ạḅeni nyọdi mọ, “Kákiilaan. Mị kaḍighi nyịna iiḅi loor ẹmhu ọde phọ ạna Jọnatan. Mị kaḅulemi ạngo nyịna oomo ade phọ ọde-oko phọ ạna Sọl ạmoogh ghan bọ, ḅịle kẹn tue ghan sịen kꞌạmi oomo amem alhe eḍien.”

Elegh aLuk 6:36

Ịnma ghan ighirigiir ịdipho Ọde phọ anyina rạnma ghan bọ ighirigiir phọ.

Dutoronomi 10:15

Kụ ạburude phọ anyina ọḅeeraan Ọmoogh-we phọ, kụ ạson bịdi sịphe esi oomo aḍita awe phọ rạpomoghian ghan nmụny phọ ạbidi kꞌarodon.

Dutoronomi 4:37

Ịdi eḍighi bọ dị ạphomoghian bụrude phọ anyina, ạtuan ịdipho kụ ạsaḅar bọ nmụny phọ ạbidi, kụ ịsighe bọ inyina amitiom egbodo ọdi, kụ ạsighe igbogh ịikpo phọ ọdi ịsighenom bọ inyina ẹpe Ijipt.