2 Sạmuel 2:8 - Ạḍinya Iigbia

⁸ Ạbner ọony phọ ạNer, uwo ẹmhu awe ẹgham mọ ạSol, mạdaph Isboset ọony phọ ạSol bịn asuma ạḅeeny ọphiiny phọ ạJodan akeel ẹpe Mahanaim;

2 Sạmuel 2:8 Iomraidhean Croise

1 Sạmuel 14:50

Ạnir phọ ọdi ughol mọ Ahinoam ọnyani Ahimaaz; oḍiemiom awe ẹgham mọ ọdi ughol mọ Ạbner ọony umor ọde ọdi dị oghol mọ ạNer.

Emiighom 32:2

Mem dị ạJekob ạmiin bọ bịdi kụ ạḅem mọ, “Bụen phọ awe ẹgham kꞌẸnaan.” Kụ ọdi aghol ḍien esi phọ mọ aMahanaim.

1 Krọnikuls 9:39

ẠNer kụ ọde aKis, kụ aKis kụ aḍighi ọde ạSol. ẠSol ạmar inya alephiri: Jọnatan, Malkisua, Ạbinadab, rꞌEsbaal.

1 Krọnikuls 8:33

ẠNer kụ ọde aKis, kụ aKis kụ ọde Sọl ọdaam mọ. ẠSol ạmoogh inya alephiri: Jọnatan, Malkisua, Ạbinadab, rꞌEsbaal.

1 Sạmuel 26:14

Kụ ọdi ạlho ạmagh weye ẹgham mọ ạSol rꞌẠbner mọ, “Ạbner, nạ rụnaghanan ni ịmi ḍụghum?” Kụ Ạbner apuru mọ, “Ọphon rạlooghi bọ ọsumeeny ọdaam mọ ạnhian?”

1 Sạmuel 17:55

Mem dị ạSol ạmiin bọ Devid dị rạki eeghian rꞌạGolayat, ọdi apuru ni Ạbner oḍiemiom ẹgham mọ ọdi mọ, “Ạbner, ọony phọ ọphon phọ ọlo kꞌạnhian?” Kụ Ạbner ạphagharanaan mọ, “Mị úlegheri.”

Josua 21:38

Ịphen kụ ạramha phọ eghun ạGad ọngo bọ bịdi: Ramot Gịliad (ẹmha dị ạrookom-enu kosuma ghan okeel), Mahanaim,

2 Sạmuel 2:7

Ịmaar ẹkpar ẹḅile ẹmoogh ạkpo ologhi! ẠSol ọdaam mọ anyina mamugh, kụ awe phọ aJuda mụsighe ịmi oḍighi ọdaam mọ ạbidi.”

2 Sạmuel 2:29

Ạbner rꞌawe phọ ọdi orelhe ẹpe eḍiiny phọ ạJodan oomo aḍughul phọ. Bịdi ọḅeeny ọphiiny phọ Jọdan kụ bịdi rọḅile rorelhe oomo phọ ạḍieri phọ ạḍiroor phọ kụ bịdi ọghi Mahanaim.

2 Sạmuel 3:6

Ịdipho elephiri phọ rẹki bọ ni risigh igbo awe ẹgham mọ aDevid rꞌawe ẹgham mọ ạbuphe oḍighan bọ ọto kꞌạSol, Ạbner ạrol li rꞌawe phọ ạSol bịn ạmoogh iboom ịikpo.

2 Sạmuel 17:24

Amem mọ aDevid masi bọ ẹpe Mahanaim iḍighi amem dị Ạbsalom rꞌawe phọ Ịzirel mọḅeeny Jọdan phọ.

Emiighom 32:3

ẠJekob arom butelhedom ọphur ọghi ọteeny Ịso umor phọ ọdi ẹpe de aSeir ẹpe eelhe phọ Idom,

2 Sạmuel 3:38

Kụ ọdaam mọ ạḅeni weye ịtooghi phọ ọdi mọ, “Nyina ílegheri mọ rodon phọ ạḍien ogbogh oye dị aḍighi oḍiemiom sịen Ịzirel mamugh?