2 Sạmuel 2:6 - Ạḍinya Iigbia

⁶ Kụ nyịidipho phọ Ọmoogh-we phọ ạmoogh ghụsan esi anyina ḅịle inyina kíbi! Mị phọ kẹn kịpham ni inyina ịdi ẹnighe loor esi ịphen phọ nyina meḍighi bọ.

2 Sạmuel 2:6 Iomraidhean Croise

2 Sạmuel 10:2

ADevid ọdaam mọ ạḅem mọ, “Mị kạtolom ni ḍigey ạdol Hanun ọony phọ aNahas, ịdipho esi aḍuugh ọde phọ ọdi ụrolom bọ ịmi ḍigey ạdol.” Kụ iḍighi kụ aDevid arom butelhedom mọ ọdi mọ ọghi ọodereghi nyọdi loor ọde phọ ọdi. Mem dị bịdi ọghi bọ osi Amon,

2 Sạmuel 15:20

kụ nạ mạrol ẹphen ekulha amem bịn, kụ keḍighi bọ ika kụ mịna ạḅile ạpham nyịna akironom kẹn? Mị phọ bịn úlegheri ọkaraghi ekpisi phọ mị rạki bọ. Ḅula ạḅile ạphamam weye ẹmha phọ anyina — kụ Ọmoogh-we phọ ạmoogh ni ọnma ighirigiir esi ạna ḅịle nyịna kúbi.”

2 Sạmuel 2:7

Ịmaar ẹkpar ẹḅile ẹmoogh ạkpo ologhi! ẠSol ọdaam mọ anyina mamugh, kụ awe phọ aJuda mụsighe ịmi oḍighi ọdaam mọ ạbidi.”

2 Sạmuel 9:3

Kụ ọdaam mọ apuru nyọdi mọ, “Oye asugha ni sịphe eghunotu phọ ạSol dị mị kaḍighinaan iiḅi, ịdipho mị aguanaan bọ Ẹnaan mọ mị kaḍighi phọ?” AZiba ạphagharanaan mọ, “Ọony ạJonatan dị aḍigh ẹgha aruwol dị rakughol ghan asugha ni.”

2 Sạmuel 9:7

Kụ aDevid ạḅeni nyọdi mọ, “Kákiilaan. Mị kaḍighi nyịna iiḅi loor ẹmhu ọde phọ ạna Jọnatan. Mị kaḅulemi ạngo nyịna oomo ade phọ ọde-oko phọ ạna Sọl ạmoogh ghan bọ, ḅịle kẹn tue ghan sịen kꞌạmi oomo amem alhe eḍien.”

Ạsuor 57:3

Ọdi kamegheron kꞌẹpe ạke kụ ụphel ịmi. Ọdi kabinighiom bụphe rụgbiphoghom bọ ịmi. Ẹnaan kiḍeenaan ịmi ẹphomoghian phọ ọdi rémuneen ghan bọ rꞌamabi-ólho phọ ọdi.

Ẹḍua 34:6

Ọmoogh-we phọ arelhe aten ghisigh ọdi, kụ agbeel ghan ịduon, “Mị kụ Ọmoogh-we phọ, Ẹnaan ọnma ighirigiir rꞌạghusan. Mị rạ́nuun ghan kạghagh ologhi. Mị kụ Ẹnaan oḍuom ologhi rꞌẹphomoghian dị ẹmanam dị rémuneen ghan.

Asidogh 14:22

Nạ aḍighi ghan ịlo ẹnighe, nạ kạmoogh oḍuom ologhi rꞌeegu ạbunon awe; nạ aḍighi ghan ịkaraph, pọ nạ rạpioman ni.

Matiu 10:16

“Ịnaghan, nyina ạbuphe mị arom bọ mọ iḍighi oḍighi phọ ạmi kẹkigh ịdipho iyool-ịga dị edi ogbo ilhom ịnam. Ịsu ologhi ịdipho ẹkaraph-ịyaar, ẹmoogh ẹepho ịdipho ọkurughozo.

Matiu 5:44

Kụ mị rịḅeni ghan inyina mọ ịpomoghian bụmulogh-ḍien anyina, kụ ẹeḅereghi ghan ẹngo bụphe rịgbiphoghom bọ inyina,

Matiu 5:7

Iboh kꞌẸnaan edianaan ni bụphe rọnma ghan bọ ighirigiir phọ; Ẹnaan kẹnma ni bịdi ighirigiir.

Josua 2:14

Kụ awe phọ ọḅeni ạnir phọ mọ, “Aghuḍum mọ kụen ayoor katelhian ni ghuḍum kụphe anyina tụtu yoor omugh, eru mạar dị nạ kạ́kaaph ịpe yoor oru bọ oḍighi phọ amitiom. Kụ ẹteeny mem mọ Ọmoogh-we phọ kụngo bọ iyoor de phọ, pọ yoor kọmaar ri ọpham nyịna.”

Rut 1:8

kụ aNaomi ạḅeni ịyal phọ ạnmanyaan phọ mọ, “Ikeleghu kꞌaburunhiin anyina. Ọmoogh-we phọ ịkpe ni inyina igey esi ịma ạdol phọ nyina ẹrolan bọ rꞌạmi ḅịle kẹn rꞌạbuphe momuughu bọ.