2 Sạmuel 2:5 - Ạḍinya Iigbia

⁵ ọdi arom buniin awe mọ ọghi ẹpe phọ rꞌadom mọ ạḍien: “Ọmoogh-we phọ ịseph inyina ịduon nyina eḍeenaan bọ ẹphomoghian phọ anyina esi ọdaam mọ anyina kụ eḍi bọ nyọdi.

2 Sạmuel 2:5 Iomraidhean Croise

Emiighom 14:19

Kụ ọdi ạseph Ebram kụ ạḅem mọ, “Ạḍiseph Egbogh Ẹnaan phọ ẹlhem bọ kẹ phọ rꞌade phọ, ẹrolonaan nyịna Ebram.

Emiighom 14:22

Kụ Ebram ạḅeni ọdaam mọ ạSodom, “Mị akunya ghisigh Ọmoogh-we phọ, Egbogh Ẹnaan phọ, Ọlemia ạke rꞌade phọ,

2 Sạmuel 15:20

kụ nạ mạrol ẹphen ekulha amem bịn, kụ keḍighi bọ ika kụ mịna ạḅile ạpham nyịna akironom kẹn? Mị phọ bịn úlegheri ọkaraghi ekpisi phọ mị rạki bọ. Ḅula ạḅile ạphamam weye ẹmha phọ anyina — kụ Ọmoogh-we phọ ạmoogh ni ọnma ighirigiir esi ạna ḅịle nyịna kúbi.”

2 Sạmuel 21:12

ọdi ạghi ni ạsighe ịḅarara phọ ạSol rꞌịpe ọony phọ ọdi ạJonatan ḍịghaagh awe aJabes ẹpe Gịliad. (Bịdi ụghi omi sịphe egbogh erugh phọ ẹpe Bẹt Sạn, ẹpe awe aFilistia phọ ọkereri yogh bọ iḍim mọ ḍio phọ ạḍiphe bịdi oghiigh bọ Sọl sịphe eegbolom aGilboa.)

Ạsuor 115:15

Ịmoogh ḍịseph esi Ọmoogh-we phọ, ọpo ạlhem bọ kẹ phọ rꞌade phọ!

Josua 2:14

Kụ awe phọ ọḅeni ạnir phọ mọ, “Aghuḍum mọ kụen ayoor katelhian ni ghuḍum kụphe anyina tụtu yoor omugh, eru mạar dị nạ kạ́kaaph ịpe yoor oru bọ oḍighi phọ amitiom. Kụ ẹteeny mem mọ Ọmoogh-we phọ kụngo bọ iyoor de phọ, pọ yoor kọmaar ri ọpham nyịna.”

Bụo Ịiruen 21:8

Mem dị bịdi opuru ghan mọ, “Ạnhian kụ asugha bọ sịphe arughunughun phọ Ịzirel dị útu aani bọ risigh Ọmoogh-we phọ ẹpe Mizpa?” bịdi ụwa ni omitiom mọ rꞌoniin oye ọlo Jabes Gịliad ọ́ghi.

Rut 1:8

kụ aNaomi ạḅeni ịyal phọ ạnmanyaan phọ mọ, “Ikeleghu kꞌaburunhiin anyina. Ọmoogh-we phọ ịkpe ni inyina igey esi ịma ạdol phọ nyina ẹrolan bọ rꞌạmi ḅịle kẹn rꞌạbuphe momuughu bọ.

Rut 2:20

ANaomi ạlho kụ ạḅem mọ, “Ọmoogh-we phọ ạseph Bọaz! Agey ni, Ọmoogh-we phọ rạpamanam ghan ni ịlo ọdi aguanaan oye, ghạlamo oye phọ amugh ni. Oye phọ ọpo phọ asiya ayira ni, oye dị ạkpe ni ophogh ayira.”

Rut 3:10

Kụ ạBoaz ạḅem mọ, “Ọmoogh-we phọ ạseph ni nyịna, nyạni ạmi. Ịma phọ ịphen nạ alher bọ loor phọ ạna ạngo eghunotu phọ ayoor epu ni oomo ịma phọ ịpe nạ maḍighinaan bọ onhiin olhom mọ ạna. Nạ mutue ni ạghi ạdaph tọrobo onyugheel ọony lọ nạ ạwa mụghumo ọolha mꞌuwekulom, kụ nạ ịdipho óḍighi.

1 Sạmuel 11:1

Rẹkiom ni oniin ụnwanyu bịn aten, bịn aNahas ọdaam mọ Amon aḍiemiom weye ẹgham ọdi bịn azuom ẹgham ẹmha phọ aJabes ẹpe eelhe phọ ạGiliad bịn akpobiom ẹmha phọ. Aweye ẹmha phọ aJabes ọḅeni Nahas mọ, “Kiran ịyo ẹepho rꞌayoor, bịn yoor kọsighe ni nyịna aḍighi ọolha-ẹmha ayoor.”

1 Sạmuel 11:9

Kụ bịdi ọḅeni butelhedom mọ aJabes mọ, “Ịki ẹḅeni we phọ anyina mọ tụtu rẹteeny ootaany iḍue bịdi kọmoogh ni pẹleeny.” Mem dị awe phọ aJabes ọnaghan bọ dom mọ, iloghi ạbidi ịḅaal li iboom

1 Sạmuel 15:13

ẠSamuel ạghi ạteeny Sọl, kụ ạSol ạmagh nyọdi kụ ạḅem mọ, “Ọmoogh-we phọ ạseph nyịna, Sạmuel. Mị maḍighi ịpe Ọmoogh-we phọ ạto bọ.”

1 Sạmuel 23:21

Kụ ạSol ạphagharanaan mọ, “Ọmoogh-we phọ ịseph inyina ịduon nyina ẹmoogh bọ igbiririph ạmi!

1 Sạmuel 24:19

Ịphen phọ imite ghan ẹghen, dị oye kasiph mụlogh-ḍien ọdi, bịn kụ ạbile mọ agheel oopho? Ọmoogh-we phọ ạseph ni nyịna esi ịphen nạ uḍighi bọ ịmi rodon phọ.