2 Sạmuel 2:4 - Ạḍinya Iigbia

⁴ Kụ awe phọ aJuda oru ẹpe Hẹbron kụ ọsighe mụnum-ịko ọsagharan ẹmhu Devid oḍighi nyọdi ọdaam aJuda. Mem dị aDevid ạnaghan bọ mọ awe phọ aJabes ẹpe Gịliad mokughuḍi Sọl,

2 Sạmuel 2:4 Iomraidhean Croise

2 Sạmuel 19:11

Ịinaghan ịphen awe phọ Ịzirel rọkaaph bọ ịghi ni ẹteeny Devid ọdaam mọ. Kụ ọdi arom bụpinyon rịkia phọ Zẹdok rꞌẠbayata mọ opuru buḍiemiom mọ aJuda, “Eeghe kụ iḍighi kụ nyina kụ kesugha bọ ọman ọsighe ọdaam mọ oḅulemi ịsiphe otu phọ ọdi?

2 Sạmuel 19:42

Awe phọ aJuda ọphagharanaan, “Yoor uḍighi ịduon phọ loor esi dị ọdaam mọ oniin ọnyo ayoor. Kụ eeghe kụ ịphen phọ repin bọ iloghi phọ anyina? Ọdi ọ́kpe ikpoki eḍien ayoor ḅịle iyoor ịyaar ọ́ngo.”

2 Sạmuel 2:11

kụ ọdi ạrol ghan ẹpe Hẹbron kụ ạda aJuda oḍual ạsia rꞌạpakiri.

2 Sạmuel 2:7

Ịmaar ẹkpar ẹḅile ẹmoogh ạkpo ologhi! ẠSol ọdaam mọ anyina mamugh, kụ awe phọ aJuda mụsighe ịmi oḍighi ọdaam mọ ạbidi.”

2 Sạmuel 21:11

Mem dị aDevid ạnaghan bọ ịphen aRizpa maḍighi bọ,

2 Sạmuel 21:12

ọdi ạghi ni ạsighe ịḅarara phọ ạSol rꞌịpe ọony phọ ọdi ạJonatan ḍịghaagh awe aJabes ẹpe Gịliad. (Bịdi ụghi omi sịphe egbogh erugh phọ ẹpe Bẹt Sạn, ẹpe awe aFilistia phọ ọkereri yogh bọ iḍim mọ ḍio phọ ạḍiphe bịdi oghiigh bọ Sọl sịphe eegbolom aGilboa.)

2 Sạmuel 5:17

Ụghaaph ni ọḅeni weye aFilistia phọ mọ moḍighi Devid ọdaam Ịzirel, kụ awe phọ ạbidi onyeene ọghi osiph ọdi. Mem dị aDevid ạnaghan bọ ịphen phọ, ọdi ạghi ni esi dị ọmaar oghoony kụ ạrol.

2 Sạmuel 5:3

Kụ iḍighi kụ oomo ikumoor awe phọ Ịzirel uru ni ọteeny Devid ẹpe Hẹbron. Kụ ọdi aghiran ịyo rꞌạbidi, bịdi ọsighe mụnum-ịko ọsagharan nyọdi lọ kaḍighi ọdaam aJuda.

2 Sạmuel 5:5

Ọdi ạrol bọ Hẹbron kụ ạda Juda ịman oḍual ạsia rꞌạpakiri, kụ ọdi ạrol bọ Jeruselem kụ ạda oomo Ịzirel rꞌaJuda ịman ịraardi rꞌịraar ạsia.

2 Ạbudaam 11:12

Kụ ạJehoyada ạsighe mọony ọdaam mọ amitiom kụ ạsighe eghoony ọdaam ẹmha phọ azu, ạsighe ḍịnya iilogh phọ ạngo. Ọsighe nyọdi oḍighi ọdaam ookuom nyọdi elho, kụ okpoolha rạghaagh ạbidi kụ ọḅem ghan mọ, “Ighiph ẹpham orum ọdaam mọ!”

1 Krọnikuls 10:11

Mem dị awe phọ ạbuphe orugh bọ ẹpe Jabes Gịliad ọnaghan bọ ịphen bụo aFilistia phọ oḍighi bọ Sọl,

1 Krọnikuls 11:3

Kụ iḍighi kụ oomo ikumoor awe phọ Ịzirel uru ni ọteeny Devid ẹpe Hẹbron. Kụ ọdi aghiran ịyo rꞌạbidi, bịdi ogbul nyọdi elho, kụ ọdi aḍighi ọdaam eelhe phọ Ịzirel, ịdipho Ọmoogh-we phọ maguanaan bọ esi ạraghaaph phọ ạSamuel.

1 Krọnikuls 12:23

Mem dị aDevid ạrol ẹpe Hẹbron, ịbadibadi awe dị mọtuugha ẹgham uḍighan ḍita ẹgham mọ ọdi ọloghonaan ạḍighaagh nyọdi oḍighi ọdaam esi phọ ạSol, ịdipho Ọmoogh-we phọ maguanaan bọ. Ogbiighi bọ bịdi uḍighi ịduon: Juda: 6,800 awe dị ọkar ọngo ịinya kụ ọpham ịsuaram rꞌịsoph; Sịmion: 7,100 awe dị mọmaar ọtuugha ịlo ẹgham Livai: 4,600 awe Bụmatuan ạJehoyada, ọnyo ẹemara Eeron: 3,700 awe Asiya ạZedok, ọgbagara oye ẹgham: 22 abuḍiemiom awe Bẹnjamin (eghun phọ ạSol): 3,000 awe (ogbogh opol awe eghun ạBenjamin ụkar ri ụrolan rꞌạSol) Ifraim: 20,800 awe dị ooleghaan sịphe aropolo phọ ạbidi Mạnase ạga emeelom erumuḍio phọ: 18,000 dị ọson mọ ọghi ọrolomi Devid ạgada ọdaam mọ Ịsaka: 200 abuḍiemiom rꞌawe dị ọrol eeḍian ạbidi (abuḍiemiom mọ ạbuen ulegheri ni ịdi ẹkpe dị Ịzirel koḍighi, rꞌamem dị ẹnighe oḍighi) Zẹbiulon: 50,000 dị osooromi loor kụ ologhi aḍigh ee elephiri kụ mọtuugha eenom ịdo kịrokiro ạreenema; Nạftalai: 1,000 abuḍiemiom, kụ ọḅaram 37,000 awe dị ọnyaam ịsuaram rꞌịsoph; Dạn: 28,600 awe dị mọtuugha ịlo ẹgham; Ạser: 40,000 awe dị ọnya elephiri; Rughunughun ạga emitenom erumuḍio phọ ạJodan — Ruben, Gạd rꞌạManase ạga emitenom erumuḍio phọ: 120,000 dị mọtuugha eenom ịdo kịrokiro ạreenema.

1 Sạmuel 16:13

Kụ ạSamuel ạsighe mụnum-ọliv ạsagharan ẹmhu aDevid sịphe risigh abumor phọ ọdi. Egina amem bịn Uwaloor Ọmoogh-we phọ aḍigh loor Devid bịn ạrolan nyọdi emiigh ḍio phọ ạḍiphe phọ ẹghiom risigh. Kụ ạSamuel agheel ẹpe Rama.