1 Sạmuel 7:9 - Ạḍinya Iigbia

⁹ Kụ ạSamuel aghiigh ọony oyool-ọga kụ aguom nịan oomo phọ ọdi, ạphighironom ẹkia ạngo Ọmoogh-we phọ. Kụ ọdi ạaḅereghi Ọmoogh-we phọ mọ ạloghonaan ḍịghaagh weye phọ Ịzirel, kụ Ọmoogh-we phọ ạphagharanaan ni ịiḅereghi phọ ọdi.

1 Sạmuel 7:9 Iomraidhean Croise

Ạsuor 50:15

Ụmagh ghan ịmi mem lọ nạ odi esi ịiḅaghami. Mị kạphel li nyịna ạsighe kụ nạ uboom ghan ịmi.”

Ạsuor 99:6

AMozis rꞌEeron kụ ariil ạrikia ọdi, kụ ạSamuel oniin ọdi ạaḅereghi ghan nyọdi. Bịdi ụmagh ni Ọmoogh-we phọ kụ ọdi ạnaghanan bịdi.

Jerimaya 15:1

Kụ Ọmoogh-we phọ ụḅeni ịmi mọ, “Ghạlamo aMozis rꞌạSamuel kụ uru ni ọmeera sịen kụ ụuḅereghian ịmi, mị kạ́nma ighirigiir weye phọ ạbuen. Ḅẹni bịdi ọḍua; ḅẹni bịdi mọ ọḍua risigh ạmi.

Lịvitikos 22:27

“Mem lọ aḍilephiri ạnam mꞌoyool-ọga mꞌạtu-ọga ạmar, ị́ḅogh ghan. Ịbile ọdi rꞌonhiin phọ ọdi ọrolan oḍual aḍughul-otu. Kụ rọman ọphaanya aḍughul-otu, pọ otue ni ọsighe oḍighinom ịyaar aghuḍum oguom ạnian.

Dutoronomi 9:26

Kụ mị ạaḅereghi Ọmoogh-we phọ kụ ạḅeni mọ, ‘Ẹnaan oomo ịikpo, kápiemi we phọ ạna nạ ạmoogh bọ, bụphe nạ ạsighe bọ igbogh phọ ạna ạtagharanam, bụphe nạ ạsighe bọ ḍilhom ạḍighaagh ạḍuanam ẹpe Ijipt.

Jems 5:16

Esi ịduon phọ, ọlo ạpioman ạghaaph ghan ạḅeni ọnon, oniin ạaḅereghinaan ghan nyoniin, ọbo nyina emoonogh! Oye aruukuan kụ ạaḅereghi, ịiḅereghi phọ rẹmoogh ghan ni ịikpo keḍighi ekol.

Bụo Ịiruen 6:26

Kụ ạkananaan Ọmoogh-we Ẹnaan phọ ạna enmeny ạrikia sịphe ạnyu aḍighiigh phọ, kụ ạsighe sighiigh ạmaar ạde, kụ ạsighe ḍilephiri ạnam mọ ḍịphe emuneniom bọ ịyal phọ, ạphighironom ẹkia oguom ạnian. Sịghe ịpe ịsiphe igbudu ẹya-eru Asera phọ nạ alher bọ kụ ạkpooniom.”

Bụo Ịiruen 6:28

Mem dị awe ịsiphe ẹmha phọ ọsuma yogh bọ oḅerenu esoph ạḍiroor, pogh aani, ụmiin dị enmeny ạrikia phọ aBaal molhereghi, igbudu ẹya-eru Asera phọ etuman bọ sịphe phọ moḅomoghi, ḍilephiri ạnam mọ ḍịphe emuneniom bọ ịyal phọ mọsighe oḍighinom ịyaar aghuḍum sịphe enmeny ạrikia phọ ọkan bọ.

1 Sạmuel 10:8

Kụ nạ aḍiemi ghan ẹpe Gịlgal, mị katu ni ẹpe phọ ạteeny nyịna ạpinyon rịkia ịlo oguom ạnian phọ rꞌịlo ọḅophoghan. Ukori ịmi ẹpe phọ oḍual aḍughul-otu, tụtu mị aru ạḅeni nyịna ịlo nạ kaḍighi.”

1 Sạmuel 12:17

Ọphon amem aghozogh, kị́dipho? Kụ mị kạaḅereghi kụ Ọmoogh-we phọ aseere ọlophia, aḍio phọ ẹḅile ẹtaphan. Mem dị ịphen phọ emite, kụ nyina egbi ologhoma mọ nyina ịpioman ni iboom esi Ọmoogh-we phọ mem mọ nyina ẹḅeni bọ nyọdi mọ ọdi ịngo inyina ọdaam ẹmha phọ.”

1 Sạmuel 16:2

Kụ ạSamuel apuru mọ, “Keḍighi ika kụ mịna aḍighi ịdipho phọ? Eḍighi ịyaar dị ạSol ạnaghan, kughiigh ni ịmi!” Kụ Ọmoogh-we ạphagharanaan mọ, “Sịghe ḍịbam ạḍiya ạnam kụ ạpham ạghimom, kụ ạḅem mọ nạ ụghi ọphighiron ẹkia ọngo Ọmoogh-we phọ.

1 Sạmuel 2:35

Mị kạsaḅar ri oyil ạrikia dị ịmi kúbi, kaḍighi ghan oomo ịlo mị rạwa. Mị kạngo ni nyọdi nmụny dị kọtol ghan okumu egbodo ọdaam lọ mị ạsaḅar.

1 Sạmuel 7:17

Kụ ọdi agbi ogheel ẹpe kꞌọdi ẹpe Rama, ẹpe ọdi ạrol ghan bọ aagbo ghan kẹn ni ịiruen. Ẹpe Rama kụ ẹdi ọdi ạkananaan Ọmoogh-we phọ enmeny.

1 Sạmuel 9:12

Kụ ạnmanyaan phọ ọphagharanaan mọ, “Ii, oye phọ odi ni; pụruku aten ni sịen, odi ni risigh anyina. Eḍighi ịyaar dị nyina eegborion, nyina kẹteeny ni nyọdi. Nyina remite ẹmha phọ bịn nyina kẹmiin ni nyọdi. Ọdi arigheel rodon loor esi dị awe rọki ọphighiron ẹkia ạnyu enmeny ẹpe ạnyu eegbolom mọ rodon. Awe phọ ọomaghagh bọ kóle eḍien phọ tụtu ọdi ạghi asi, loor esi dị ọdi kụ kạpur ạseph ẹkia phọ. Nyina ẹghi nyịidipho phọ, nyina kẹmiin ni nyọdi kụ ọdi agbi nụun ọghi olhe eḍien ẹpe eegbolom mọ.”