1 Sạmuel 7:5 - Ạḍinya Iigbia

⁵ Kụ ạSamuel arom ạghiom oomo awe phọ Ịzirel mọ ookpomoghan ẹpe Mizpa kụ ọdi ạḅem mọ, “Mị kakol ẹmhu anyina ạaḅereghi Ọmoogh-we phọ sịphe.”

1 Sạmuel 7:5 Iomraidhean Croise

Emiighom 20:7

Nyịidipho ḅulemi ạnir ạngo olhom ọdi. Oye phọ oyil ịmiin ni kụ kạaḅereghi ni ạngo nyịna bịn nạ kámugh. Kụ ọlo eru mạar dị ạnir phọ ọphon nạ úḅulemi, pọ legheri mọ nạ rꞌoomo ọto kꞌạna komuughu ni.”

Emiighom 31:49

ẠLeban ạḅile ạḅem mọ, “Ọmoogh-we phọ akori ghan ạḅile ạrol ogbo ạna rꞌạmi mem lọ yira ọgbaranaan.” Ịduon kụ iḍighi kụ oghol aani bọ esi phọ mọ aMizpa.

2 Ạbudaam 25:23

Mem dị ạbuo ạrumhu awe ẹgham mọ aJuda, bịdi rꞌawe phọ ạbidi, ọnaghan bọ mọ ọdaam mọ ạBabilon mạsighe Gedalaya aḍighi oye dị rapogh ghan bọ Juda, kụ ọghi ọteeny Gedalaya ẹpe Mizpa. Bụen phọ kụ ạrumhu phọ: Ịsmael ọony phọ aNetanaya, rꞌaJohanan ọony phọ aKaria, rꞌaSeraya ọony phọ aTanhumet ọlo aNetofa, rꞌaJezanaya ọlo aMaaka.

Nehemaya 9:1

Ḍio dị emuneniom ịyaldi rꞌinya sịphe ụnwanyu phọ ọpo phọ, awe phọ Ịzirel uukpomoghan ni ọrol ọkoony esi ịiḅereghi oḍeenaan ọto esi ịkaraph phọ ạbidi. Bịdi mọgbatan ni siloor ạbidi esi aruuruen kụ ọkpologhian rụsuoma ọto, ọḅile ophugha rụmhu ạbidi ọoru oḍeenaan ẹ́ḅaal ologhi, kụ ọmeregha kụ omiigh ootuma ịkaraph dị bịdi rꞌạburude ạburude ạbidi moḍighi.

Jerimaya 40:6

Kụ mị agbi ọghi ọrolan rꞌaGedalaya sịphe Mizpa kụ orughan rꞌawe phọ ọwile bọ sịphe ade phọ.

Hosia 5:1

“Ịnaghan ịphen phọ, nyina ariil ạrikia phọ! Iler rụru, weye Ịzirel! Ịnaghan, nyina ọto kꞌọdaam mọ. Nyina ẹkpe oogbo ghan iiḅi ịiruen — ịduon phọ ịiruen kịteeny aani bọ inyina. Nyina meten ḍiphil ẹpe Mizpa, ọseki dị oler Eegum aTabor,

Joel 2:16

Kpookpoomoghi we phọ eniin esi; kookolobian bịdi ookpomoghan iigbia; pạm ikumoor awe phọ arumom; kookpomoghi nmụny phọ rꞌạnmuny asipugh phọ kẹn. Ghạlamo olhom rꞌạnir dị pụruku ạalan ọwile ni osoph ạbidi oru aani!

Josua 15:38

Dilian, Mizpa, Jokteel,

Josua 18:26

Mizpa, Kefira, Moza,

Bụo Ịiruen 10:17

Kụ Amonait phọ ọghi ookpomoghan egina esi, kụ ọghi odoghoḍi rugbogo ẹpe Gịliad; kụ awe phọ Ịzirel ookpomoghan ọghi odoghoḍi rugbogo ẹpe Mizpa.

Bụo Ịiruen 20:1

Oomo awe phọ Ịzirel ụnaghanan ni ḍịmagh phọ, emiigh kꞌẹpe Dạn ẹghi esiemi ẹpe Beersheba, ọḅaram rꞌạbuo ade ạGiliad. Kụ ḍita phọ ạbidi ookpomoghan egina esi dịadi oniin oye risigh Ọmoogh-we phọ ẹpe Mizpa.

1 Sạmuel 10:17

ẠSamuel ạmagh weye phọ aakpomoghi mọ ọpham ịiḅereghi ẹpe Mizpa.

1 Sạmuel 12:17

Ọphon amem aghozogh, kị́dipho? Kụ mị kạaḅereghi kụ Ọmoogh-we phọ aseere ọlophia, aḍio phọ ẹḅile ẹtaphan. Mem dị ịphen phọ emite, kụ nyina egbi ologhoma mọ nyina ịpioman ni iboom esi Ọmoogh-we phọ mem mọ nyina ẹḅeni bọ nyọdi mọ ọdi ịngo inyina ọdaam ẹmha phọ.”

1 Sạmuel 12:23

Ẹlo ạmi ạmi, Ọmoogh-we phọ kúmeera dị mị kạbile ọoḅereghinaan anyina bịn mị aḍighi ịkaraph esi ọdi. Kpạripe ghụn, mị kịtughemi ni inyina rạraar phọ ịpe ẹnighe bọ ẹḅile eḍighi elhiom, pịdi nyina eḍighi ghan.

1 Sạmuel 7:12

Kụ ạSamuel ạsighe ḍighiigh ạmeremi igbo aMizpa rꞌaSen, kụ ạḅem mọ, “Ọmoogh-we phọ mụlhoghonaan iyoor ḍịghaagh oomo phọ amem mọ,” kụ ọdi aghol ḍighiigh phọ mọ “Aḍighiigh ọloghonaan ạḍighaagh.”

1 Sạmuel 7:16

Tọrotoro ạlha ọdi kạḍua ni Bẹtel ạki Gịlgal, ạḍua sịphe ạki Mizpa, kụ tọro ẹmha lọ ọdi asi ọdi ạghaaph ghan ni sighiton lọ edi.

1 Sạmuel 7:4

Kụ iḍighi kụ awe phọ Ịzirel oroḅologhi ịkaaghineen ạraraar aruru phọ ạbidi aBaal rꞌAstarte, kụ bịdi ọoḅereghi ghan Ọmoogh-we phọ bịn.

1 Sạmuel 8:6

Ịlom ọmoogh aani ọdaam mọ bịdi ọlhom bọ ikia ni Sạmuel, kụ ọdi ạaḅereghi apuru Ọmoogh-we phọ.