1 Sạmuel 7:4 - Ạḍinya Iigbia

⁴ Kụ iḍighi kụ awe phọ Ịzirel oroḅologhi ịkaaghineen ạraraar aruru phọ ạbidi aBaal rꞌAstarte, kụ bịdi ọoḅereghi ghan Ọmoogh-we phọ bịn.

1 Sạmuel 7:4 Iomraidhean Croise

1 Ạbudaam 11:33

Ịyaar phọ eḍighi bọ bịdi mughel ịmi ọḅile rọoḅereghi ghan Astarte ẹya-eru phọ aSaidon rꞌaKemos ẹmugh phọ ạMoab rꞌạMolek ẹmugh phọ Amon, ụ́daph mun reten phọ ạmi kụ rotelhe ghan, ọbile oḍighi ghan ịpe ẹḅeeraan bọ riḍien phọ ạmi rꞌooko ghan ịtooghi phọ ạmi rꞌịiruen phọ ạmi, ịdipho aDevid ọde phọ ọdi.

1 Ạbudaam 11:5

ẠSolomon ạdaph Astarte, ẹya-eru phọ aSaidon rꞌạMolek ḅạphanya phọ Amon.

1 Ạbudaam 8:48

eru mạar dị bịdi ọsighe ni oomo iloghi phọ ạbidi rꞌuwaloor phọ ạbidi, kụ okiton osoman nyịna, ẹpe de ạbumulogh-ḍien phọ ạbidi, bụphe osiphi bọ bịdi, kụ ọoḅereghi osomoriom de phọ ạbidi, ḍịphe nạ ạngo bọ bụrude phọ ạbidi, ẹmha phọ nyẹpe nạ ạsaḅar bọ, rꞌOtu phọ ọpo mị ạloghonaan bọ ḍien phọ ạna,

2 Ạbudaam 23:15

Kụ aJosaya ạḅile kẹn aḅonyon enmeny ạrikia phọ ẹpe ẹrol bọ ẹpe Bẹtel, rꞌịpe aJeroboam ọony phọ Nebat ọpo aḍighi bọ ịdi Ịzirel ọtuan oḍighi ịkaraph ạkanagh bọ; ọdi aḅonyon alhereghi enmeny ạrikia phọ aguom nịan ạsighe ẹphurukpu ạkiriph, ạḅile ạphueghi riisi ooseeny phọ, aguom nịan igbudu um-ạke Asera ẹkaaneen eru phọ.

Hosia 14:3

Asiria kótue ụphel iyoor kụ ịnam-ạsu ẹgham kétue iikpereghi iyoor. Yoor kọ́ḅeni mun ịkaaghineen ạrumugh mọ bịdi kụ Ẹnaan ayoor. Ọmoogh-we, nạ bịn kụ raḍeenaan ghan ọnma ighirigiir bụnyigo ạnmuny.”

Hosia 14:8

Awe phọ Ịzirel kọ́moogh mun ịyaar oḍighinom ịkaaghineen ạrumugh. Mị kạnaghanan ni ịiḅereghi phọ ạbidi kụ ạmaar ạpam bịdi. Ịdipho oreeny dị ọnam rákeel ghan kụ ịdi mị kakoph bịdi; Oomo ạḍiseph ạbidi kẹḍua esi ạmi kụ emite.”

Bụo Ịiruen 2:11

Kụ awe phọ Ịzirel oḍighi yogh ịdi ị́nighe risigh Ọmoogh-we phọ ooseeny ghan rụmugh aBaal.

Bụo Ịiruen 2:13

Bịdi oghel Ọmoogh-we phọ kụ rooseeny ghan iiruen aruru aBaal rꞌAstarte.

1 Sạmuel 7:3

ẠSamuel ạḅeni we phọ Ịzirel mọ, “Eru mạar dị nyina ekiton ni eru esi Ọmoogh-we phọ rꞌoomo iloghi phọ anyina, pọ nyina ẹmoogh oroḅologhi iiruen ạrumugh phọ anyina rꞌịkaaghineen ạraraar ẹya-eru Astarte. Ịḅogh siloor anyina ẹngo Ọmoogh-we phọ, ẹeḅereghi ghan nyọdi bịn, pụruku ọdi kịtagharan inyina ḍịghaagh ạbuo aFilistia phọ.”

1 Sạmuel 7:5

Kụ ạSamuel arom ạghiom oomo awe phọ Ịzirel mọ ookpomoghan ẹpe Mizpa kụ ọdi ạḅem mọ, “Mị kakol ẹmhu anyina ạaḅereghi Ọmoogh-we phọ sịphe.”