1 Sạmuel 7:3 - Ạḍinya Iigbia

³ ẠSamuel ạḅeni we phọ Ịzirel mọ, “Eru mạar dị nyina ekiton ni eru esi Ọmoogh-we phọ rꞌoomo iloghi phọ anyina, pọ nyina ẹmoogh oroḅologhi iiruen ạrumugh phọ anyina rꞌịkaaghineen ạraraar ẹya-eru Astarte. Ịḅogh siloor anyina ẹngo Ọmoogh-we phọ, ẹeḅereghi ghan nyọdi bịn, pụruku ọdi kịtagharan inyina ḍịghaagh ạbuo aFilistia phọ.”

1 Sạmuel 7:3 Iomraidhean Croise

Emiighom 35:2

ẠJekob ạḅeni ọto ọdi rꞌoomo ạbuphe odi bọ kꞌọdi mọ, “Itoḅologhi oomo iiruen ạrumugh phọ anyina, ẹḅaal, enme rụsuoma phọ anyina.

1 Ạbudaam 11:33

Ịyaar phọ eḍighi bọ bịdi mughel ịmi ọḅile rọoḅereghi ghan Astarte ẹya-eru phọ aSaidon rꞌaKemos ẹmugh phọ ạMoab rꞌạMolek ẹmugh phọ Amon, ụ́daph mun reten phọ ạmi kụ rotelhe ghan, ọbile oḍighi ghan ịpe ẹḅeeraan bọ riḍien phọ ạmi rꞌooko ghan ịtooghi phọ ạmi rꞌịiruen phọ ạmi, ịdipho aDevid ọde phọ ọdi.

1 Ạbudaam 8:48

eru mạar dị bịdi ọsighe ni oomo iloghi phọ ạbidi rꞌuwaloor phọ ạbidi, kụ okiton osoman nyịna, ẹpe de ạbumulogh-ḍien phọ ạbidi, bụphe osiphi bọ bịdi, kụ ọoḅereghi osomoriom de phọ ạbidi, ḍịphe nạ ạngo bọ bụrude phọ ạbidi, ẹmha phọ nyẹpe nạ ạsaḅar bọ, rꞌOtu phọ ọpo mị ạloghonaan bọ ḍien phọ ạna,

2 Ạbudaam 17:39

Ikiilaan Ọmoogh-we Ẹnaan phọ anyina, kụ mị kịtagharan ni inyina ạsighe ḍịghaagh ạbumulogh-ḍien phọ anyina.”

2 Ạbudaam 23:15

Kụ aJosaya ạḅile kẹn aḅonyon enmeny ạrikia phọ ẹpe ẹrol bọ ẹpe Bẹtel, rꞌịpe aJeroboam ọony phọ Nebat ọpo aḍighi bọ ịdi Ịzirel ọtuan oḍighi ịkaraph ạkanagh bọ; ọdi aḅonyon alhereghi enmeny ạrikia phọ aguom nịan ạsighe ẹphurukpu ạkiriph, ạḅile ạphueghi riisi ooseeny phọ, aguom nịan igbudu um-ạke Asera ẹkaaneen eru phọ.

1 Krọnikuls 22:19

Nyịidipho iḍighi oḍighi ẹngo Ọmoogh-we Ẹnaan phọ anyina rꞌoomo ologhi anyina rꞌuwaloor anyina. Imiigh ọlogh Otu Ịiḅereghi phọ, ẹrol dị nyina ẹlogh ologhi Igbe Ịyo Ọmoogh-we phọ rꞌoomo ịpheri phọ ạraraar iigbia phọ rọoḅereghiom ghan bọ nyọdi.”

1 Krọnikuls 28:9

Kụ Sọlomon ọdi ạḅeni, “Mọony ạmi, mị rạḅeni nyịna mọ legheri Ẹnaan ọde phọ ạna kụ ạrolan nyọdi rꞌophooph ologhi dị rạ́bal ịyal yạl. Ọmoogh-we phọ alegheri ni oomo ịitughian ayira rꞌạruuphua. Eḍighi mạar dị nạ ạghi esi ọdi, ọdi kạsighe ni nyịna, kụ ọlo nạ ạgumom ọman nyọdi, pọ ọdi kaghel li nyịna bịn akanam.

2 Krọnikuls 19:3

Ghạlamo ịduon phọ bịn, iniin igey edi ni loor ạna. Nạ magborion oomo igbudu um-ạke Asera phọ, ịpe awe ooseeny ghan bọ, kụ nạ ạwa oḍighi ịpe ẹḅeeraan bọ Ẹnaan.”

2 Krọnikuls 20:33

kụ ọlo ụ́pueghi roogbolom mọ ephophogh bọ ẹghi ạnyu ịlo ooseeny ghan aruru. Awe phọ úkiton rꞌoomo ologhi ạbidi ọoḅereghi Ẹnaan ạburude ạburude phọ ạbidi.

2 Krọnikuls 30:19

“Ọmoogh-we Ẹnaan ạburude ạburude ayoor, esi ọnma ighirigiir phọ ạna, sạr ạwilenaan oomo ạbuphe rooseeny ghan bọ nyịna rꞌoomo ologhi ạbidi, ghạlamo ịdipho bịdi ụ́serere bọ.”

Asidogh 16:1

Yira otue ni ọmoogh igbiighi ayira kụ Ẹnaan kẹḅem bịn kụ emuneen.

Azaya 55:7

Ạbukaraph awe ọwile ẹkaraph eḍighinom ịyaar phọ ạbidi, onmeeghi ịitughian phọ ạbidi. Bịdi okiton osoman Ọmoogh-we Ẹnaan phọ ayira; ọdi ạmoogh igbiririph kụ raagborion ghan ọsar ọwilenaan.

Jerimaya 24:7

Mị kạngo ni bịdi ḍịḅeeraan olegheriom mọ mị kụ Ọmoogh-we phọ kụ bịdi ogbi oḍighi awe ạmi, kụ mị aḍighi Ẹnaan ạbidi, loor esi dị bịdi kotighelom ni esi ạmi rꞌoomo ologhi phọ ạbidi.

Jerimaya 36:3

Iini mem dị awe phọ aJuda ọnaghan ịlo oomo ophiemi phọ mị ạnya bọ oḍighi ạbidi, bịdi kọbileghi ni ịkaraph areten phọ ạbidi kụ mị kạsar ạbilenaan ẹkaraph eḍighinom mọ ạbidi rꞌạsipioghom mọ ạbidi.”

Jerimaya 4:1

Ọmoogh-we phọ ạḅem mọ, “Weye Ịzirel, eḍighi ịyaar dị nyina rẹwa ni okiton, pọ ikiton eru esi ạmi. Eḍighi ịyaar dị nyina emeeraam kụ eroḅologhi ịkaaghineen aruru phọ mị rạ́wa ghan bọ ọmiin phọ bịn kụ ẹrolan rꞌạmi,

Izikiel 14:6

“Kụ nyịidipho ḅẹni Ịzirel ịpe mị Ọmoogh-we dị ạmoogh oomo ịikpo rạḅem bọ: Ikiton kụ ẹwile ịkaaghineen ạrumugh isa phọ anyina.

Izikiel 18:31

Ịbile oomo ịkaraph phọ nyina reḍighi ghan bọ, kụ ẹmooghaan siloor anyina imoom iloghi rꞌarokpom. Iḍighi ika kụ nyina ạbuo Ịzirel rẹwa bọ omugh phọ?

Hosia 14:1

Weye Ịzirel, iḅula esi Ọmoogh-we Ẹnaan phọ anyina. Ịkaraph anyina meḍighi ịdi nyina mekpetaan emeel.

Matiu 15:8

“‘Ẹnaan ẹḅem mọ awe phọ ạbuen ọsighe ịidoronhu ạbidi bịn kụ rughueniom ghan ịmi, kụ iloghi ạbidi ịkelan ni ịmi iboom.

Matiu 4:10

Kụ ạJizos mọ, “Setan, ḍụa sịen ghisigh ạmi. Ọge ni pạ ạḍinya iigbia phọ mọ, ‘Nạ kakpuḍian ghan ạngo eghuan Ọmoogh-we Ẹnaan phọ ạna, kụ aaseeny ghan nyọdi bịn!’”

Matiu 6:24

“Oye ólho dị katue ạdaph ịyal ạburude-otu. Ọdi kạlogh ni nyoniin ḍien, ạpomoghian nyọori phọ. Ọdi kạpamanam ni nyoniin akel nyọori phọ. Nyina kétue ẹḅar Ẹnaan rꞌikpoki kụ ẹdaph.

Elegh aLuk 4:8

Kụ ạJizos ạphagharanaan mọ, “Ọge ni sịphe ạḍinya iigbia phọ mọ, ‘Nạ kakpuḍian ghan ạngo eghuan Ọmoogh-we Ẹnaan phọ ạna, kụ aaseeny ghan nyọdi bịn.’”

Elegh ạJon 4:24

Ẹnaan phọ uwaloor, kụ bụphe rooseeny ghan bọ nyọdi ọkuami ooseenyom ghan nyọdi uwaloor rꞌigey phọ.”

Dutoronomi 10:20

Ikueni Ọmoogh-we Ẹnaan phọ anyina. Ọdi kụ ọdi nyina keeseeny ghan. Iḍighom ghan nyọdi, eghunya ghan ḍien phọ ọdi,

Dutoronomi 13:4

Ịdaph ghan Ọmoogh-we Ẹnaan phọ anyina kụ erelhe ghan. Ikueni nyọdi, eeko ghan iilogh phọ ọdi, ẹnaghanam ghan ẹḍogh phọ ọdi eeseeny ghan nyọdi, eḍighom nyọdi.

Dutoronomi 4:29

Ẹpe phọ kụ ẹdi nyina kẹwa Ọmoogh-we Ẹnaan phọ anyina, kụ eḍighi dị nyina ẹwaam nyọdi rꞌoomo ologhi phọ anyina, rꞌoomo uwaloor phọ anyina, nyina kẹmiin ni nyọdi.

Dutoronomi 6:13

Ikueni Ọmoogh-we Ẹnaan phọ anyina, eeseeny ghan nyọdi, eghunya ghan ḍien phọ ọdi.

Josua 13:31

rꞌạpakiri ạGiliad rꞌAstarot rꞌEdrei, ạramha rꞌareelhe ạOg ẹpe Bạsan. Nyẹen ụngo oolemi-odi ọophi kꞌaMakir ọony phọ ạManase, bụo ọto rꞌopolo.

Josua 24:14

“Kụ nyịidipho, ikueni Ọmoogh-we phọ eeseeny ghan nyọdi rꞌoomo ologhi anyina rꞌomeeraam. Ịbile rụmugh phọ ịpe ạburude phọ anyina ooseeny ghan bọ ẹpe Mesopotamia rꞌẹpe Ijipt. Iiseeny ghan Ọmoogh-we phọ bịn.

Josua 24:23

Kụ ọdi ạḅeni bịdi mọ, “Nyịidipho ịgbatanaan iiruen ạrumugh phọ edi bọ ogbo anyina, eḍuom ghan ologhi Ọmoogh-we Ẹnaan phọ Ịzirel.”

Bụo Ịiruen 10:16

Kụ bịdi omutonaan loor ạbidi iiruen ạrumugh phọ kụ ọḅile ooseeny ghan Ọmoogh-we phọ. Kụ ịminimiin phọ awe phọ Ịzirel ẹeḅaghami Ọmoogh-we phọ.

Bụo Ịiruen 10:6

Amem ịrol kẹn ni dị awe phọ Ịzirel oḍighi yogh ịkaraph risigh Ọmoogh-we phọ esi ooseeny ghan aruru aBaal rꞌAstarte, rụmugh ạSiria, rụmugh aSaidon, rụmugh ạMoab, rụmugh Amonait rꞌạrumugh ạbuo aFilistia.

Bụo Ịiruen 2:11

Kụ awe phọ Ịzirel oḍighi yogh ịdi ị́nighe risigh Ọmoogh-we phọ ooseeny ghan rụmugh aBaal.

Bụo Ịiruen 2:13

Bịdi oghel Ọmoogh-we phọ kụ rooseeny ghan iiruen aruru aBaal rꞌAstarte.

1 Sạmuel 31:10

Kụ bịdi ọsighe rẹenema ẹgham mọ ọdi ọlogh otu ẹya-eru ạbidi dị oghol mọ Astarte; kụ bịdi ọsighe ḍizu phọ ạSol ọkan ọḅaraghiom iikpe ẹmha phọ ạBet Sạn.