1 Sạmuel 7:2 - Ạḍinya Iigbia

² Igbe Ịyo kꞌỌmoogh-we phọ ịrol li ẹpe Kịriat Jiarim ebia iboom, kẹman ni ịyaldi ạsia. Esi oomo ạsia phọ ịphen, awe phọ Ịzirel umoghiom ghan Ọmoogh-we phọ mọ ạloghonaan bụno ḍịghaagh.

1 Sạmuel 7:2 Iomraidhean Croise

1 Krọnikuls 13:3

Reru reten, yira kọki ọsighe Igbe Ịyo phọ kꞌẸnaan, ịpe ọḅitonaan bọ mem mọ ạSol kụ aḍighi bọ ọdaam mọ, otumom ẹphen.”

1 Krọnikuls 13:5

Kụ aDevid aakpomoghi we phọ Ịzirel oomo eelhe phọ, emiigh ọku Ijipt ẹpe ạga ẹsiinyom mọ kụ esi Eḍighom ạHamat ẹpe ạga ephunom mọ, ịlo ọsighe Igbe Ịyo phọ ẹpe Kịriat Jiarim orumom aJeruselem.

Jerimaya 26:20

(Ọnon oye ạrol kẹn ni, aYuraya ọony aSemaya ọlo ẹpe Kịriat Jiarim, dị aghol ḍien Ọmoogh-we phọ kụ ạghaaphanaan ịkaraph ẹmha phọ ẹphen ḅịle rꞌeelhe phọ ịdipho aJerimaya ạghaaph ghan bọ.

Jerimaya 3:13

Meeraam bịn mọ nạ ạpioman ni ḅịle kẹn mọ nạ mạḅaar ẹmhu esi Ọmoogh-we phọ, Ẹnaan phọ ạna. Tuphughian mọ eeḍian ạtorotoro oreeny lọ ạrinya phọ ewil nạ mạngo ẹphomoghian phọ ạna iiruen ạrumugh ḅịle kẹn mọ nạ ịto phọ ạmi ọ́naghanan. Mị Ọmoogh-we phọ kụ ụḅem.

Jerimaya 31:9

Awe ạmi kotigheel rꞌemoghi kụ ọḅaram ịiḅereghi mem dị mị ạpham bịdi ratighelom. Mị katorori bịdi asiemi sikol ạmuum, sịphe eten dị ịyaar okpetaan kẹ́tol. Mị ạkigh ọde esi Ịzirel kụ Ifraim kụ ọkpana ạmi.”

Matiu 5:4

Iboh kꞌẸnaan edianaan ni bụphe odi bọ ọto; Ẹnaan kẹedereghi ni bịdi.

Josua 9:17

Kụ awe phọ Ịzirel oḅetenu erelhe kụ esi ịraar aḍughul-otu bịn osi rạmha phọ awe phọ odi bọ: Gịbion, Kefira, Beerot rꞌạKiriat Jiarim.

Bụo Ịiruen 2:4

Ọokpaany phọ kꞌỌmoogh-we phọ rọghaaph bọ oomo phọ ịphen rọḅeni bịdi kụ awe phọ Ịzirel owagharan emoghi.

1 Sạmuel 7:1

Ẹpe kụ esi dị awe phọ ạKiriat Jiarim ọsighe Igbe Ịyo kꞌỌmoogh-we phọ ọpham ọghi otu oniin oye dị oghol mọ Ạbinadab dị arugh ạnyu eegbolom, kụ bịdi owoph Ẹliazar ọony phọ ọdi oselemi mọ aphogh ghan.

1 Sạmuel 7:3

ẠSamuel ạḅeni we phọ Ịzirel mọ, “Eru mạar dị nyina ekiton ni eru esi Ọmoogh-we phọ rꞌoomo iloghi phọ anyina, pọ nyina ẹmoogh oroḅologhi iiruen ạrumugh phọ anyina rꞌịkaaghineen ạraraar ẹya-eru Astarte. Ịḅogh siloor anyina ẹngo Ọmoogh-we phọ, ẹeḅereghi ghan nyọdi bịn, pụruku ọdi kịtagharan inyina ḍịghaagh ạbuo aFilistia phọ.”