1 Sạmuel 4:3 - Ạḍinya Iigbia

³ Mem dị awe phọ ạbuphe osugha bọ ọghi osi ẹpe arugbogo phọ ạbidi, abuḍiemiom awe phọ Ịzirel ụḅem ni mọ, “Eeghe kụ iḍighi kụ Ọmoogh-we phọ ameera bọ mọ ạbuo aFilistia phọ ọkpar upu iyira? Ịgua ọghi ẹpe Sailo ọsighe Igbe Ịyo kꞌỌmoogh-we phọ oru pịdi ọdi ụdaph ghan iyira ạki, ạḅile ụphel ghan iyira ḍịghaagh ạbumulogh-ḍien phọ ayira.”

1 Sạmuel 4:3 Iomraidhean Croise

2 Sạmuel 15:25

Kụ ọdaam mọ ạḅeni Zẹdok, “Sịghe Igbe Ịyo phọ aḅulemi ẹpe ẹmha phọ. Eḍighi ịyaar dị mị ạḅeeraan ni Ọmoogh-we phọ, pọ aḍio edi ni dị ọdi kụsighe ni ịmi aḅulemi mị ạmiin Igbe phọ, ḅịle rꞌesi phọ ịpa oseere bọ.

1 Krọnikuls 17:1

ADevid ọdaam mọ mem mọ ạmuen odi ghan otu ọdi. Eniin aḍio ọdi arom ạghiom Netan oyil phọ kụ ạḅeni nyọdi, “Sịen phọ mị atugh otu dị ọloghom rạsaga, kụ ọlo Igbe Ịyo Ọmoogh-we phọ edi ghan ogbogo!”

Ạsuor 74:1

Uḍighi ika kụ nạ ụḅitonaan bọ iyoor awe phọ ạna ịduon, Ẹnaan? Nạ kạkagham ologhi weye phọ ạna kꞌagee-pọ ḍụghum?

Ạsuor 74:11

Eeghe kụ nạ ómeera mun bọ ọloghonaan ayoor ḍịghaagh phọ? Eeghe kụ nạ ạgbagha bọ rạghaagh phọ ạna ọman?

Azaya 50:1

Ọmoogh-we phọ rạḅem ghan mọ, “Nyina egbi mọ mị ụsighe ni we ạmi ạḍuanam ịdipho oye dị aseere ạnir ọdi ḍụghum? Ạrinya ọgbaranaan phọ edi ẹghen nụun? Nyina regbi mọ mị kụ aal inyina mọ ịtol ikoli ẹgham, ịdipho oye dị aal nmụny ọdi mụdi ạrebene ḍụghum? Eeye, nyina kụ irelhe ni eḍigh ikoli ẹgham loor ịkaraph phọ anyina; ịsighe inyina ọḍuanam loor iilogh dị nyina esoroghu.

Azaya 58:3

Awe phọ ropuru ghan mọ, “Eeghe kụ yoor kọkaagh bọ ẹḍogh eḍighi ịyaar dị Ọmoogh-we phọ iyoor rụ́miin? Eeghe kụ yoor eḍien kőlhe bọ eḍighi ịyaar dị ọdi rápogh?” Ọmoogh-we phọ rạḅeni ghan bịdi mọ, “Igey ni. Egina amem mọ nyina rẹkaagh bọ ẹḍogh, nyina rẹwa ịlo anyina bịn kẹḅile ẹgbiphoghom we iiḍighi anyina.

Azaya 59:1

Kẹ́etughian ghan mọ Ọmoogh-we phọ adugh iboom dị kátue ịphel inyina, ḅịle mꞌạḅaaghaph iboom dị kạ́naghan ḍịmagh ẹloghonaan anyina.

Azaya 59:2

Loor esi ịkaraph anyina kụ ẹdi ọdi inyina rị́naghanan ghan bọ. Ịkaraph anyina kụ ịlogh ọku igbo anyina rꞌẸnaan mem lọ nyina ẹwa ooseeny ọdi.

Jerimaya 3:16

Kụ mem dị nyina meḍiza ẹpe ade phọ, awe kọ́kaaph ghan mun okol Igbe Ịyo phọ ạmi. Bịdi kọ́otughian ghan mun kẹn, kobula ni; bịdi kọ́moogh ghan kẹn ịyaar oḍighinom, bịdi kọ́ka mun ịnon.

Jerimaya 7:4

Kémeeraam mun ikpo ọnhu areekeleghian phọ, ‘Ịiḅaghami ílho! Ọphon Otu Ịiḅereghi Ọmoogh-we phọ! Ọphon Otu Ịiḅereghi Ọmoogh-we phọ! Ọphon Otu Ịiḅereghi Ọmoogh-we phọ!’

Igbiighi 10:33

Kụ bịdi ọḍua sịphe Sainai eegum Ọmoogh-we phọ kụ orelhe ịraar aḍughul-otu. Igbe Ịyo phọ Ọmoogh-we phọ kụ iḍiemiom bịdi erelhe ịraar aḍughul-otu phọ, ọwa esi lọ bịdi kọtol kụ opooghian.

Igbiighi 10:35

Tọrobo amem lọ Igbe Ịyo phọ eḅetenu, aMozis ạmagh ghan ạḅeni mọ, “Ḅetenu, Ọmoogh-we, wạlalami bụmulogh-ḍien phọ kụ aphorogh bụphe ọlogh bọ nyịna.”

Igbiighi 31:6

Kụ aMozis arom bịdi mọ ọghi oruphe ẹgham, ọḅaram uwo ẹmhu ạbuo ẹgham mọ ạFinehas ọony phọ Ẹliazar oyil ạrikia phọ dị ạpham oomo ạraraar iigbia phọ rꞌaruuḍue dị kopula ghan kụ emoogh we phọ.

Dutoronomi 29:24

Kụ oomo areelhe phọ kopuru ghan mọ, ‘Uḍighi ika kụ Ọmoogh-we phọ ạtu bọ aḍighi de phọ ạḍien ịduon? Eeghe kụ ịkom bọ oboom ọghagh ologhi phọ ọphon?’

Dutoronomi 31:26

“Ịsighe ḍịnya Ologh phọ ẹlhogh sịphe ịigaany Igbe Ịyo Ọmoogh-we Ẹnaan phọ anyina, ẹgba ghan ịpe eru bọ ịne iphume inyina.

2 Timoti 3:5

Kopu ni oḍeenaan mọ ạbuno omeeraam Ẹnaan, kụ ạri sịphe iloghi phọ ạbidi rokel li ọkaraghi ịikpo omeeraam mọ. Úḍighom ghan ọdo phọ awe phọ ạbuen.

Bụo aHibru 9:4

kụ ịsien phọ kụ ẹdi ịdaabili agol phọ ọsu ghan bọ ịnsens phọ, ḅịle rꞌizoki agol phọ ọlogh bọ mạna phọ, ḅịle rꞌịkpara phọ Eeron mẹraarogh bọ ịizughum mọ, ḅịle rꞌigbe ịyo phọ ọsighe bọ gol kụ ooteneghiom ẹphen ạnyu phọ ẹrol ghan bọ. Ologhi Igbe Ịyo phọ, ịyal phọ iiḅoghoḍi asighiigh phọ ọge bọ ọnhu ịyo phọ kụ ịrol.

Josua 4:7

Kụ ẹphagharanaan ghan ẹḅeni bịdi mọ ạmuum mọ ạJodan asophaan ni egbodo Igbe Ịyo phọ Ọmoogh-we phọ, mem dị Igbe Ịyo phọ ẹḅeeny Jọdan ephun. Kụ ọsighe ghan sighiigh phọ ịphen ọotughianam ghan kꞌagee-pọ ịpe emitenaan bọ we phọ Ịzirel sịphe phọ.”

Josua 6:6

AJosua ọony phọ ạNon ạmagh bụpinyon rịkia phọ kụ ạḅeni bịdi mọ, “Ịsighe Igbe Ịyo phọ erool. Oḍual anyina, ịsighe oḍual ạrukuodu ạraphaal idughuna phọ kụ ẹghi ẹpe ghisigh Igbe Ịyo phọ Ọmoogh-we phọ.”

Josua 7:7

Kụ aJosua ạḅem mọ, “Seseeny, Ẹnaan Ọmoogh-we, esi ika kụ ịdi nạ ạtuan bọ ạsighe we phọ ạbuen ạḅeeny Jọdan aphune? Nạ ụtuan ọḅogh ayoor ọngo ạbuo Ạmorait phọ mọ ụze iyoor? Ịḅeeraan ghụn ni iyoor, ịphoonaan iyoor orugh ọphori phọ ọman phọ ạJodan.

Josua 7:8

Ọmoogh-we, mịna kạkaaph ika kụ ạḅeni we phọ Ịzirel mem dị bịdi mọgumom ọman bụmulogh-ḍien phọ ạbidi rosumughu?

1 Pita 3:21

Ạmuum mọ ạmuen phọ ạkighom mụphe robur ghan bọ ọphelom anyina. Owur ạmuum mọ kọ́ogbirinaan ẹenir aloor bịn, ọgba ghan omitiom rꞌophooph ologhi mọ omeeraam ni Ẹnaan. Owur ạmuum mọ rạtuan ghan ịdipho ạJizos Kraist aḅetenu bọ sịphe aḍuugh phọ kụ kịphel inyina.

Ạḍinya dị aJud ạge 1:5

Nyina melhegheri ni ịphen phọ etene igbaany, kụ mị rạwa ni ọghiom anyina ologhi mọ Ọmoogh-we phọ kụ aako bọ ni weye phọ Ịzirel amitiom eelhe phọ Ijipt, kụ amem ẹḅile bọ ẹman mem ọ́wile ophiemi ạbuphe úmeeraam bọ.

1 Sạmuel 1:24

Ạnir phọ roghine mạmaam mọony phọ, kụ ọdi ạsighe mọony phọ ạghi Sailo, ạphamam ḍilephiri ạnam dị ẹman ịraar ạsia, rꞌaḍioph igbogh ịtoom ẹemor ịbiakpa dị ọgbe, rꞌokuru dị omuzeḍi miim. Kụ ạnir phọ ạsighe Sạmuel, ịduon phọ aghom bọ ni, ạsighe ạghi otu Ọmoogh-we phọ ẹpe Sailo.

1 Sạmuel 14:18

Kụ ạSol ạḅeni Ahaija mọ, “Sịghe aru dọni phọ.” (Ḍio phọ ạḍiphe phọ Ahaija ạpham ạsuoma phọ kụ ạmeeraam esomanan awe phọ Ịzirel.)

1 Sạmuel 4:2

Awe aFilistia phọ ọghi ozuom Ịzirel kụ bịdi eeghi agey. Awe aFilistia phọ ọkpar opu weye phọ Ịzirel kụ ọze we dị ọghiom ni inya ọonir ẹpe erugh ẹgham mọ.