1 Sạmuel 3:3 - Ạḍinya Iigbia

³ ẠSamuel ạmina ẹpe ẹphan phọ, sịphe oseere bọ Igbe Ịyo kꞌẸnaan phọ. Mem dị ke̋kpoghoronu, ọtozi phọ odi ni raamor.

1 Sạmuel 3:3 Iomraidhean Croise

2 Krọnikuls 13:11

Tọrobo ạḍiroor rꞌạtorobo adulhe bịdi useenaan ghan nyọdi ịnsens rꞌạraraar aghuḍum ịnam dị ọsu ikpom. Bịdi ụngo rịkia ạbred ạnyu ịdaabili dị ụ́upu, kụ mem adulhe bịdi ọsu ịtozi sịphe ẹmeremiom agol phọ. Yoor roḍighi ghan ịpe Ọmoogh-we phọ mạto bọ, kụ ọlo nyina mẹḅitonaan nyọdi.

Ạsuor 27:4

Mị rạlom ghan Ọmoogh-we phọ eniin ịyaar bịn; kụ ịyaar phọ ẹpe phọ kụ ẹdi mị rạwa: ọrol ịpa otu Ọmoogh-we phọ oomo asuḍughul-otu aghuḍum mọ ạmi, ophoghoghom ghan ẹnighe phọ ọdi rꞌookia ghan iiḍighi aruugu phọ ọdi rꞌọlhom ghan ọdi mọ uuko ịmi.

Ạsuor 29:9

Ẹḍogh Ọmoogh-we phọ meḍighi ịdi oghunughun rakun ọya ọnuen. Ẹḍogh Ọmoogh-we phọ reḅonyon ịla ireeny ẹpe ẹekpua phọ. Kụ sịphe Otu Ịiḅereghi phọ ọdi oomo awe phọ rọmoor ghan koboom rughuenian phọ ọdi, ọḅile rọkaaph ghan ịlo eegu phọ ọdi.

Ạsuor 5:7

Loor eboom ẹphomoghian phọ ạna rébi ghan bọ, mị kaḍigh ni sịphe otu phọ ạna rꞌeepuph kụ ạaḅereghi pạ Otu Iigbia phọ ạna kụ azumeri ghisigh ạngo nyịna esi arughuenian.

Ẹḍua 25:31

“Sịghe ogey agol kụ ạlhemom ọmeremiom ọtozi. Ẹpe ade phọ ḅịle rꞌẹpe ạnyu phọ ḍighinom gol dị ọgurogh ọpeḅeremi; ịnme phọ ọdi ẹḅaram ịizughum rꞌipoola eḍighi ni pạkiri ọdi.

1 Sạmuel 1:6

APenina oyobopha phọ ọdi ạgilaam ghan ạḅile ạaḅaghami nyọdi loor esi dị ọdi ẹ́mar ạnir.

1 Sạmuel 1:9

Eniin aḍio, mem dị bịdi molhe eḍien ọḅile ọphughol mụum sịphe otu Ọmoogh-we phọ ẹpe Sailo, kụ aHana aḅetenu. Ologhi phọ ọdi eeph ni iboom, kụ ọdi amoghi iboom sịphe ọdi rạaḅereghi bọ Ọmoogh-we phọ. Mem mọ ạmuphe phọ Ilai oyil ạrikia phọ ạtol sịphe ạdol phọ ọdi atuman eghuugh phọ.