1 Sạmuel 11:4 - Ạḍinya Iigbia

⁴ Awe phọ orom bọ dom mọ ọghi osi Gibia, ẹpe ạSol arugh bọ, kụ mem dị bịdi ọḅeni bọ dom mọ, awe phọ omiigh emoghi mọ mebeeph.

1 Sạmuel 11:4 Iomraidhean Croise

Emiighom 27:38

Ịso ạkpaariom ni ạgbanian ọde phọ ọdi mọ, “Aḍiniin phọ ạḍiseph phọ ạḍien bịn kụ ịdi nạ ạmoogh? Ọde ạmi, seseeny, ụseph aani ịmi.” Ịso ạlho kụ awagharan emoghi.

2 Sạmuel 21:6

Kụ iḍighi kụ sịghe oḍual alephiri ạnmuny sịphe oḍigh phọ ọdi ụngo iyoor, yoor kosin bịdi sịphe risigh Ọmoogh-we phọ ẹpe Gibia, ẹpe ẹmha phọ ạSol, ọdaam dị Ọmoogh-we phọ ạsaḅar.” “Mị kạḅogh ni bịdi ịngo inyina,” ọdaam mọ ạphagharanaan.

1 Krọnikuls 12:3

Bịdi ụrolonaan ghan ịtooghi Ahiezer rꞌaJoas, nmụny aSemaa, ọlo aGibia. Bụen kụ awe ẹgham mọ: Jẹziel rꞌạPelet, ạnmuny Azmavet Beraka rꞌaJehu bụo Anatot Ismaya ọlo ạGibion, ogbogh ọnyo ẹgham rꞌoniin oḍiemiom sịphe “Ịraardi phọ” Jerimaya, Jạhaziel, Johanan rꞌạJozabad, bụo aGedera Eluzai, Jerimot, Bialiya, Semaraya rꞌaSefataya, bụo aHarif Elkana, Ishaya, Ạzarel, Jọezer, rꞌaJasobiam, bụo ọto aKora Joela rꞌạZebadaya, ạnmuny aJeroham, bụo aGedor

Bụo aRom 12:15

Bụlo robo iboh, iḍighan ebo aani, eḍighan bụlo romoghi emoghi aani.

1 Bụo ạKorint 12:26

Kụ eniin esi aloor phọ rẹmiinom, pọ oomo ịpheri phọ rẹmiinom aani ni, kụ ọngo ḍịseph nyeniin esi, pọ oomo ịpheri phọ repin aani ni bin ọḅaal ologhi phọ.

Bụo aGaletia 6:2

Oniin arool ghan ni ịiḅaghami oniin, pịdi nyina emuneni iilogh phọ aKraist!

Bụo aHibru 13:3

Ịitughian ghan ni bụo ikoli, mụdi nyina rꞌạbidi kụ edi ikoli phọ. Ịitughian ghan kẹn ni bụphe rọmiinom bọ, mụdi nyina rꞌạbidi kụ rẹmiinom.

Bụo Ịiruen 2:4

Ọokpaany phọ kꞌỌmoogh-we phọ rọghaaph bọ oomo phọ ịphen rọḅeni bịdi kụ awe phọ Ịzirel owagharan emoghi.

Bụo Ịiruen 20:26

Kụ oomo awe phọ Ịzirel rꞌoomo awe ẹgham mọ ọghi Bẹtel kụ ọrol rꞌọto risigh Ọmoogh-we phọ kụ ọkaagh rọḍogh ạbidi ḍio phọ ạḍiphe tụtu kꞌadulhe. Bịdi ụphinyon ni rịkia oguom ạnian rꞌạrikia ẹboroph sịphe risigh Ọmoogh-we phọ.

Bụo Ịiruen 21:2

Kụ iḍighi kụ awe phọ Ịzirel ọghi ẹpe Bẹtel kụ ọrol sịphe risigh Ẹnaan tụtu kꞌadulhe. Rꞌokururu rꞌọto dị aganana kụ ẹdi ọrolom romoghi yogh mọ,

1 Sạmuel 10:26

ẠSol agheel aani kẹn ni ẹpe kꞌạbidi ẹpe Gibia. Buniin ikpolom awe, dị Ẹnaan mẹḅogh iloghi phọ, ụdaph ni Sọl.

1 Sạmuel 14:2

dị ạrol ghan sịphe azin ekpetughe phọ ẹpe Migron, ị́kelan ọḍua osi aGibia; ọdi ạmoogh ni we dị rẹkiom ni odiiny okuron awe dị ọrol ghan rꞌọdi.

1 Sạmuel 15:34

Kụ ạSamuel aten ạghi ẹpe Rama; kụ ạSol ọdaam mọ aten agheel ẹpe kꞌọdi ẹpe Gibia.

1 Sạmuel 30:4

ADevid rꞌawe phọ ọdi omiigh emoghi kụ bịdi omoghi yogh tụtu asiloor ạbidi edugh.