1 Sạmuel 11:2 - Ạḍinya Iigbia

² Kụ aNahas ạphagharanaan mọ, “Nyina emeera ịphen mị kạḅem bọ kụ mị agbi nụun oghiran ịyo rꞌanyina. Mị kạpoghoron ekpeḍien ạḍighaagh elhiom ạtorotoro ọnyo anyina pịdi mị asiphe umugholoor oomo Ịzirel.”

1 Sạmuel 11:2 Iomraidhean Croise

Emiighom 34:14

Bịdi ọḅeni bịdi mọ, “Yoor kómeera umor ạnir-ephoph ayoor ạghi ilhom kꞌoye dị úḍuna. Ịpe keḍighi roofola esi ayoor.

2 Ạbudaam 18:31

Kẹ́naghanan Hẹzekaya. Ọdaam mọ Asiria ạḅem ịduon mọ, ‘Itu omuulaan, itu iḍighom ịmi, elhe ghan tọrobo oye obusi ọdi, tọrobo oye alhe ghan ikpo ạfig ọdi, tọrobo oye ạphughol ghan mụum aghuḍia ọdi,

Ạsuor 44:13

Nạ maḍighi ịdi yoor moḍigh ạagia esi amatuman ayoor; yoor moḍigh rẹer rꞌạrigilaam esi ạbuphe orugh bọ ukoom iyoor.

Ẹḍua 3:6

Mị kụ Ẹnaan ạburude ạburude ạna, Ẹnaan phọ Ebraham rꞌẠizik rꞌạJekob.” AMozis apukian ghisigh ọdi, ịdi eḍighi bọ ọdi aghiilaan ni ophogh Ẹnaan.

Asidogh 12:10

Ogey oye ạmaar ghan rạpam ịnam ọdi, kụ ạbukaraph awe rọgurogh ghan ịlo ạbidi.

Jerimaya 39:7

Ịphen reten ọdi ạponyon riḍien ạZedekaya ạsighe kụ ạphaḍiom nyọdi izime kụ ọpham nyọdi ogheelom ẹpe Bạbilonia.

Igbiighi 16:14

Ịdi etum pạ, nạ iyoor ụ́sighe iyoor úrumom de ẹetool rꞌọninom, de dị ạmamaam ạnam rꞌẹnuum aḍiowo rekilogh. Kẹn, nạ iyoor ụ́ngo rere rꞌiizo ịghol dị ketu ẹmoogh ẹlo ayoor. Kụ nyịidipho nạ rạwa ookeleghi ayoor. Yoor rótu.”

Bụo Ịiruen 16:21

Ạbuo aFilistia phọ usiph ni nyọdi kụ ọponyon riḍien phọ ọdi, kụ ọpham nyọdi ọghi osiom Gaza, kụ ọsighe izime enaba ọphaḍiom nyọdi, ọsighe nyọdi ọghi ọlogh otu ikoli, kụ ọdi ạgbe ghan ịbiakpa pạ otu ikoli phọ.

1 Sạmuel 11:10

kụ ọḅeni Nahas mọ, “Iḍue phọ ọpo kẹḅaal bọ, yoor kọḅogh loor phọ ayoor ọngo nyịna, aḍighi ịlo ẹḅeeraan nyịna.”

1 Sạmuel 12:12

Kụ mem dị nyina ẹmiin bọ mọ aNahas ọdaam mọ Amon rạwa ozuom anyina ẹgham, nyina eghel Ọmoogh-we phọ mọ kúḍighi mun ọdaam mọ anyina kụ ịḅeni ịmi mọ, ‘Yoor rọwa ọdaam ẹmha lọ kụda iyoor!’

1 Sạmuel 17:26

ADevid apuru ni we phọ ạbuphe otuman bọ nyọdi mọ, “Kọngo eeghia oye lọ aghiigh oye ọlo aFilistia phọ ọphon phọ kụ aḍighi ịdi Ịzirel okpetenaan ituunyan phọ ịphen? Ạnhian ọnyo ịdeni ọlo aFilistia phọ ọphon phọ kụ atu bọ raafolomi weye ẹgham kꞌẸnaan phọ rémugh ghan bọ?”