1 Sạmuel 11:1 - Ạḍinya Iigbia

¹ Rẹkiom ni oniin ụnwanyu bịn aten, bịn aNahas ọdaam mọ Amon aḍiemiom weye ẹgham ọdi bịn azuom ẹgham ẹmha phọ aJabes ẹpe eelhe phọ ạGiliad bịn akpobiom ẹmha phọ. Aweye ẹmha phọ aJabes ọḅeni Nahas mọ, “Kiran ịyo ẹepho rꞌayoor, bịn yoor kọsighe ni nyịna aḍighi ọolha-ẹmha ayoor.”

1 Sạmuel 11:1 Iomraidhean Croise

Emiighom 26:28

Kụ bịdi ọḅeni nyọdi mọ, “Yoor ọmiin mọ Ọmoogh-we phọ odianaan rꞌạna, kụ yoor uru mọ nạ rꞌayoor oghiran ịyo; oghiran ịyo aghuḍuul.

2 Sạmuel 10:1

Ịphen phọ reru reten kụ aNahas ọdaam mọ Amon amugh kụ aHanun ọony ọdi aḍighi ọdaam.

2 Sạmuel 10:2

ADevid ọdaam mọ ạḅem mọ, “Mị kạtolom ni ḍigey ạdol Hanun ọony phọ aNahas, ịdipho esi aḍuugh ọde phọ ọdi ụrolom bọ ịmi ḍigey ạdol.” Kụ iḍighi kụ aDevid arom butelhedom mọ ọdi mọ ọghi ọodereghi nyọdi loor ọde phọ ọdi. Mem dị bịdi ọghi bọ osi Amon,

2 Sạmuel 17:27

Mem dị aDevid asi bọ ẹpe Mahanaim, awe phọ ạbuen kụ ụghi ọteeny nyọdi: aSobi ọony aNahas ọlo ẹmha phọ aRaba ẹpe eelhe Amon, rꞌaMakir ọony Ạmiel ọlo ạLodebar, rꞌaBazilai ọlo aRogelim ẹpe Gịliad,

2 Sạmuel 2:5

ọdi arom buniin awe mọ ọghi ẹpe phọ rꞌadom mọ ạḍien: “Ọmoogh-we phọ ịseph inyina ịduon nyina eḍeenaan bọ ẹphomoghian phọ anyina esi ọdaam mọ anyina kụ eḍi bọ nyọdi.

1 Ạbudaam 20:34

Kụ ạBen Hadad ạḅeni nyọdi mọ, “Oomo ạramha phọ ịpe ọde phọ ạmi ạanyi bọ ọde phọ ạna, mị kaḅulemi ni ạngo nyịna, kụ amiteghom siḍighi ịlo ạna ẹpe Dạmaskos ịdipho ọde phọ ạmi aḍighi bọ ẹpe Sameria.” Kụ Ehab ạḅeni nyọdi mọ, “Mị kạwilenaan ni nyịna, kụ yira okunyon ni ịyo ịduon nạ ạghaaph bọ kụ nạ akeel.” Kụ bịdi oghiran ịyo, kụ ọdi ạwile nyọdi kụ ọdi agheel.

1 Krọnikuls 10:11

Mem dị awe phọ ạbuphe orugh bọ ẹpe Jabes Gịliad ọnaghan bọ ịphen bụo aFilistia phọ oḍighi bọ Sọl,

1 Krọnikuls 10:12

buniin ịgbagara awe ụghi ọsighiogh ruzu phọ ạSol rꞌạnmuny phọ ọdi ọpham ogheelom Jabes. Bịdi uḍi bịdi ẹpe eeḍian ạḍiogh kụ ọkaagh ẹḍogh oḍual aḍughul-otu.

Job 41:4

Ọdi katue ni ameera aguanaan okumu ạna kꞌagee-pọ ḍụghum?

Ẹḍua 23:32

Kékiran ịyo rꞌạbidi ḅịle rꞌạrumugh phọ ạbidi.

Azaya 36:16

Kẹ́naghanan Hẹzekaya! Ogbogh ọdaam mọ Asiria ạto rịḅeni inyina mọ imite sịphe ẹmha phọ ephoophe rạghaagh. Komeera ni oomo anyina elhe iimuma avain rꞌạfig anyina kụ ẹphughol mụum asighuḍia anyina —

Jerimaya 40:11

Mem mọ ạmuen, oomo awe phọ Ịzirel dị ọrol ghan ẹpe Mọab, Amon, Idom rꞌịnon areelhe ụnaghan ni mọ ọdaam-ẹmha phọ ạBabilon mameera mọ buniin ạbuo Ịzirel ọrol li Juda kụ mọ ọdi maḍighi Gedalaya ọdaam eelhe phọ ạbidi.

Jerimaya 40:14

kụ ọḅem, “Yoor moru ọḅeni ạna mọ aBaalis ọdaam mọ Amon marom Ịsmael mọ aghiigh nyịna.” Kụ aGedalaya ómeeraam.

Izikiel 17:13

Ọdi ạsighe oniin ọlo eghun ọdaam mọ, ạgian ḍịnya ọḅoph ọnhu rꞌọdi, kụ aḍighi ịdi ọdi aghunya ịlo ọnaghanan ọdi. Ọdi asiph ikpolom awe ạḍuanam ịdipho ạbuo ikoli

Dutoronomi 23:3

“Ọlo Amonait rꞌọlo ạMoabait kúḍigh ghan sịphe ookpomoghan iigbia Ọmoogh-we phọ. Ghạlamo ịman ḍioph oghiil ạbidi, pọ ọlo aru ọlo oghiil ạbidi kúḍigh ghan sịphe ookpomoghan iigbia phọ Ọmoogh-we phọ, kꞌagee-pọ,

Bụo Ịiruen 10:7

Kụ Ọmoogh-we phọ ạghagham ologhi we phọ Ịzirel kụ ạsighe bịdi aalha bụo aFilistia rꞌAmonait phọ.

Bụo Ịiruen 11:4

Iru ni ẹteeny mem dị Amonait phọ oruphiom ẹgham we Ịzirel.

Bụo Ịiruen 21:8

Mem dị bịdi opuru ghan mọ, “Ạnhian kụ asugha bọ sịphe arughunughun phọ Ịzirel dị útu aani bọ risigh Ọmoogh-we phọ ẹpe Mizpa?” bịdi ụwa ni omitiom mọ rꞌoniin oye ọlo Jabes Gịliad ọ́ghi.

1 Sạmuel 12:12

Kụ mem dị nyina ẹmiin bọ mọ aNahas ọdaam mọ Amon rạwa ozuom anyina ẹgham, nyina eghel Ọmoogh-we phọ mọ kúḍighi mun ọdaam mọ anyina kụ ịḅeni ịmi mọ, ‘Yoor rọwa ọdaam ẹmha lọ kụda iyoor!’

1 Sạmuel 14:47

Mem mọ ạSol maḍighi bọ ọdaam Ịzirel ọdi eenan ni rꞌoomo ẹpomoghian phọ ọdi tọrotoro ekpisi: awe ạMoab rꞌAmon, rꞌIdom, ạbudaam mọ aZoba rꞌawe aFilistia phọ. Tọrobo ẹgham lọ ọdi ạghi, ọdi ạmoogh ghan ni ọkpar opu.