Buk me Aŋwen pa Moses ma Gilwoŋo Wel 8:7 - Acoli Baibul

⁷ Ibitimogi kit man pi lonyogi: kir pii me lwoko bal i komgi, ci wek gin gulyel komgi woko ducu ki lyedi, gulwok boŋŋigi, gulonnye kekengi,

Buk me Aŋwen pa Moses ma Gilwoŋo Wel 8:7 Iomraidhean Croise

Acakki 35:2

Omiyo Yakobo owaco bot jo ma i ode ki jo ducu ma gibedo bote ni, “Wubol lwak cal lubaŋa pa lurok ma wutye kwedgi i kinwu-ni, wulonnye kenwu, wulok ginarukawu;

Jabuli 51:2

Lwok gin marac woko ki i koma, dok ilonya i kom balla.

Jabuli 51:7

Lonya ki anyero, ci abidoko leŋ; lwoka ci abidoko tar makato pee.

Buk me Aryo pa Moses ma Gilwoŋo Nia 19:10

ci Rwot owaco bot Moses “Cit bot dano, ilonygi tin ki diki, gulwok boŋogi,

Icaya 52:15

En bipoyo kom rok mapol kit meno, luker ducu doggi bitwo woko pire; pien gibineno gin ma yam pe gitittigi pire, dok gibinian i gin ma yam peya guwinyo pire.”

Jeremia 4:14

Wun jo Jerucalem, myero wulwok cwinywu woko i timo tim maraco, wek wularre. Tamwu maraco-gu bibedo mono i cwinywu pi kare ma rom mene?

Ejekiel 36:25

Abikiro pii maleŋ i komwu miyo wulonnye woko i kom gin ma keni ducu, ki i woro cal jogiwu ducu, ci doŋ alonyowu miyo wubedo leŋ.

Lulevi 15:27

Ŋat ma ogudo jami magi bibedo keni; myero olwok boŋŋine olwok kome ki pii, ci bedo keni nio wa otyeno.

Lulevi 15:6

Ŋat ma obedo i kom gin ma dano ma kome cwer tut obedo iye bilwoko boŋŋine, lwoko kome ki pii, ci bedo keni nio wa otyeno.

Lulevi 16:28

Ŋat ma owaŋo bilwoko boŋŋine, lwoko kome ki pii, ka lacen en bibino i gony.

Lulevi 8:6

Ci Moses okelo Aron ki awobene olwokogi ki pii.

Buk me Aŋwen pa Moses ma Gilwoŋo Wel 19:13

Dano mo-ni ma ogudo kom dano muto, ce pe olonnye kekene, noŋo obalo kema pa Rwot, omiyo odoko keni. Dano meno waŋe birwenyo woko ki i kin jo Icrael. En bedo keni pien pii me lwoko kwer peya gionyo i kome, miyo keni mere pud tye i kome.

Buk me Aŋwen pa Moses ma Gilwoŋo Wel 31:20

Wulony boŋŋi aruka ducu, gin ducu ma gitiyo ki laa, nyo ma gicweyo ki yer dyegi, ki jami ducu ma gitiyo ki bao nyo ki yat.”

Buk me Aŋwen pa Moses ma Gilwoŋo Wel 8:21

Lulevi gulonnye kekengi i kom balgi; gulwoko boŋŋigi; ka Aron otyerogi macalo gityer akwata i nyim Rwot, ci Aron otimo gin lakwany bal ki i komgi wek gubed ma gulony.

Jo Ibru 9:10

pien gitiko ka cam ki mat ki kit lwok mapatpat. Magi ducu gubedo cik ma nen ki woko me kom ma tye ka tic nio wa i kare ma Lubaŋa biloko jami ducu bedo manyen.

Jo Ibru 9:13

Remo dyegi ki twoni, ki buru roya ma giwaŋo, ka gikiro i kom jo mubalo kwer, romo lonyogi, kun lwoko komgi bedo maleŋ.

Yakobo 4:8

Wunyik cok bot lubaŋa, ci en bene binyiko cok botwu. Wulwok ciŋwu woko, wun lubalo, ka doŋ wulony cwinywu obed maleŋ, wun jo ma tamwu tye aryo.

1 Petero 3:21

Gin ma rom ki man ma koni larowu en aye batija; pe me lwoko cilo me kom, ento obedo macalo lega bot Lubaŋa wek wudok jo ma cwinywu leŋ, pi cer pa Yecu Kricito,

Niyabo 7:14

Adokke iye ni, “Ladit, in iŋeyo.” En dok owaco bota ni, “Magi aye gin jo ma gua ki i can madit atika, gin bene doŋ gutyeko lwoko jorgi i remo pa Latin romo odoko matar adada.