Buk me Aŋwen pa Moses ma Gilwoŋo Wel 8:12 - Acoli Baibul

¹² Ka dok Lulevi gibiketo ciŋgi i wi twoni, ci ibityero acel pi gitum me bal, ki acel pi gitum awaŋa bot Rwot, pi kwanyo bal ki i kom Lulevi.

Buk me Aŋwen pa Moses ma Gilwoŋo Wel 8:12 Iomraidhean Croise

Buk me Aryo pa Moses ma Gilwoŋo Nia 29:10

“Dok ibikelo twon i nyim kema me rwatte, ci Aron ki awobene gibiketo ciŋgi i wiye,

Lulevi 1:4

En biketo ciŋe i wi gitum awaŋa, ci Lubaŋa bigamone pire me lakwany bal ki i kome,

Lulevi 14:22

dok amam aryo nyo litino akuri aryo, macalo en romo noŋone; acel bibedo gitum me bal, acel bibedo gitum awaŋa,

Lulevi 16:11

“Aron bityero twon me bedo gitum me bal ma otiko en kun timo gin lakwany bal ki i kome ki i kom jo ma i ode; bineko twon obed gitum me bal ma otiko eno

Lulevi 16:21

Aron biketo cine aryo ducu i wi dyel, kun tuco i kome bal ducu ma jo Icrael gutimo, ki tim aranyigi ki kwa balgi ducu, Biketogi i wi dyel-lu, ci cwale woko kwede i tim, kun dano mo ma doŋ giyero aye tero.

Lulevi 16:6

“Aron bityero twon obed gitum me bal ma otiko en, kun timo gin lakwany bal ki i kome ki i kom jo ma i ode.

Lulevi 4:15

Ludoŋo pa lwak gibiketo ciŋgi i wi twon i nyim Rwot, ci gibineko twon i nyim Rwot.

Lulevi 4:20

En bitiyo ki twon man kit ma onoŋo otiyo ki twon me gitum me bal; ajwaka bitimo gin me lakwany bal ki i komgi ci Rwot biweko balgi.

Lulevi 4:35

En bikwanyo dwolone ducu macalo gikwanyo dwolo latin romo ki i gityer lakwecwiny, ajwaka biwaŋo i wi keno tyer i kom gityer ma giwaŋo ki mac bot Rwot; kit meno ajwaka bitimo gin lakwany bal ki i kome pi bal ma en otimo-ni, ci Rwot biweko balle.

Lulevi 4:4

En bikelo wod twon i doggola kema me rwatte i nyim Rwot, biketo ciŋe i wi twon ci neko woko i nyim Rwot.

Lulevi 5:7

“Ento ka noŋo latin romo oloye, ci en bikelo amam aryo nyo litino akuri aryo bot Rwot me gitumme me tiŋo alii pi bal ma otimo; acel obed pi gitum me bal, acel pi gitum awaŋa.

Lulevi 8:14

Lacen okelo twon me gitum me bal, ci Aron ki awobene guketo ciŋgi i wi twon me gitum me bal.

Lulevi 8:15

Moses oneko, ogwelo remone ci oreyo i kom ten keno aŋwen me keno tyer ki lwet ciŋe orumo kome ducu, olonyo kwede keno tyer, okwero pi kwanyo bal ki i kome.

Lulevi 8:18

Ka man otum, okelo nyok romo me gitum awaŋa, ci Aron ki awobene guketo ciŋgi i wi nyok romo.

Lulevi 8:34

Gin ma gibedo ka tiyone tin, yam Rwot ociko ni gitim me lakwany bal ki i komwu.

Lulevi 9:7

Moses dok owaco bot Aron ni, “Nyik cok ki keno tyer, wek ityer gitum me balli ki gitum awaŋani, ci itim gin lakwany bal ki i komi ki i kom lwak. Dok ikel gityer pa lwak itim gin lakwany bal ki i komgi macalo yam Rwot ociko.”

Buk me Aŋwen pa Moses ma Gilwoŋo Wel 6:14

ci en bityero motte bot Rwot, wod romo acel me mwaka acel, ma kome pe ki mwonyo, pi gitum awaŋa, ki bwon romo acel ma ditte mwaka acel ma kome pe ki mwonyo pi gityer lakwecwiny,

Buk me Aŋwen pa Moses ma Gilwoŋo Wel 6:16

“Ajwaka bikelogi i nyim Rwot, ci tyero gitum me balle ki gitum me tiŋo alii.

Buk me Aŋwen pa Moses ma Gilwoŋo Wel 8:13

Ibitero Lulevi i nyim Aron ki awo bene, ci ibityerogi gubed gityer akwata bot Rwot.

Buk me Aŋwen pa Moses ma Gilwoŋo Wel 8:8

Lacen wek gin gukwany wod twon kacel ki gityer me moko kwon mutike, me moko kwon mapwote ma girubo ki moo, ka doki in ibikwanyo wod twon mukene pi gitum me bal.

Jo Ibru 9:22

I te cik, nen calo jami ducu gilonyo woko ki remo; ka ma pe gioyo iye remo, weko bal bene bedo pe iye.