Buk me Aŋwen pa Moses ma Gilwoŋo Wel 7:10 - Acoli Baibul

¹⁰ Ci lutel wic gutyero gityer me kwero keno tyer i kom nino meno ma giwiro iye ki moo-ni; lutel wic gutyero gityergi i nyim keno tyer.

Buk me Aŋwen pa Moses ma Gilwoŋo Wel 7:10 Iomraidhean Croise

1 Luker 8:63

Solomon otyero gityer lakwecwiny bot Rwot ma romo twoni dyaŋi alip pyeraryo wiye aryo, ki romi alip miya acel ki pyeraryo. Kabaka kacel ki jo Icrael ducu gukwero ot pa Rwot kit meno.

2 Tekwaro 7:5

Kabaka Solomon otyero gityer ma romo twoni dyaŋi alip pyeraryo wiye aryo, ki romi alip miya acel ki pyeraryo. Kabaka ki jo Icrael ducu gukwero ot pa Lubaŋa kit meno.

2 Tekwaro 7:9

I nino me aborone gubedo ki cokke madit; pien gubedo ki lega me kwero keno tyer nino abiro kulu, ki nino madito mukene bene nino abiro.

Nekemia 12:27

I kare me kwero cel me Jerucalem, gikelo Lulevi ducu ki i kabedo ducu ma yam gibedo iye, wek dano acel acel okwer nino man ki yomcwiny, ki wer me miyo pwoc, kacel ki wer ma gigoyo ki atego agoya-gu, ki naŋa ki opuk-gu,

Nekemia 12:43

I nino meno gityero gitum mapol, dok lwak bene gubedo ki yomcwiny madwoŋ, pien Lubaŋa omiyo cwinygi obedo yom twatwal. Mon kacel ki litino bene cwinygi obedo yom matek i kare meno me kwero cel me gaŋ. Mumiyo woo me yomcwiny ma jo gubedo ka daŋŋe kwede i Jerucalem owinnye wa i kabedo ma tye ka mabor.

Jabuli 30:1

Amito paki, ai Rwot, pien doŋ ilara, dok pe imiyo lukworra gubedo ki yomcwiny pira.

Buk me Aŋwen pa Moses ma Gilwoŋo Wel 7:1

Ka Moses otyeko guro kema, owiro ki moo dok okwero kacel ki jamine ducu. Ka dok owiro keno tyer ki moo bene, okwero kacel ki jami ticce ducu.

Buk me Aŋwen pa Moses ma Gilwoŋo Wel 7:11

Rwot owaco bot Moses ni, “Gibityero gityergi kun latel wic acel acel tyero mere i ninone, pi kwero keno me tyer.”

Buk me Aŋwen pa Moses ma Gilwoŋo Wel 7:84

Man aye obedo gityer me kwero keno tyer, ma gityero i kom nino ma giwiro iye ki moo, ma oa ki bot lutel wi Icrael: caani me ryal apar wiye aryo, becen me ryal apar wiye aryo, ki atabo me jabu apar wiye aiyo,

Buk me Aŋwen pa Moses ma Gilwoŋo Wel 7:88

Lim makwo ducu pi gityer lakwecwiny giromo twoni pyeraryo wiye aŋwen, nyogi romi pyerabicel, nyogi dyegi pyerabicel, ki litino nyogi romi ma ditogi mwaka acel acel pyerabicel. Meno aye obedo gityer me kwero keno tyer, ma gityero ka doŋ gityeko wirone ki moo.

Nwoyo Cik 20:5

“Lacen ludito mony gibilok ki dano kun giwacci, “Tye laco mo kany ma ogero ode ci peya okwero me donyo iye? Wek en odok cen paco, wek pe oto i lweny ci miyo dano mu kene aye dok bikwero ode,