Buk me Aŋwen pa Moses ma Gilwoŋo Wel 6:12 - Acoli Baibul

¹² ci kone gire pi bedo dano pa Rwot pi karene me kone kene, dok bikelo wod romo ma ditte mwaka acel obed gitum me tiŋo alii; ento kare mukwono ca noŋo oballe noŋo, pien yer wiye ma okwero-ni odoko keni.

Buk me Aŋwen pa Moses ma Gilwoŋo Wel 6:12 Iomraidhean Croise

Buk me Aryo pa Moses ma Gilwoŋo Nia 12:5

Latin romowu obed ma kome pe ki mwonyo, nyok ma ditte romo mwaka acel ma wukwanyo ki kin romi nyo ki i kin dyegi,

Ejekiel 18:24

“Ento ka ce dano ma kite atir olokke oweko tiyo gin ma tye atir woko ce ocako timo bal, kun timo bene gin me kwer kit ma latim marac timo-ni, tika en bibedo kwo? Doŋ gin ma tye atir ducu ma en otimo pe gibipo pire kadi ki acel. En bito pi lok roro ki pi bal mapol ma en otimo.

Lulevi 14:24

Ajwaka bikwanyo latin romo me gitum me alii, kacel ki moo ma romo cupa acel-li, bikwatogi me bedo gityer akwata i nyim Rwot.

Lulevi 5:6

okel gitumme me tiŋo alii bot Rwot pi bal ma en otimo-ni, bwon romo nyo bwon dyel, obed gitum me bal; ci ajwaka bitimo gin lakwany bal ki i kome pi balle.

Lulevi 5:7

“Ento ka noŋo latin romo oloye, ci en bikelo amam aryo nyo litino akuri aryo bot Rwot me gitumme me tiŋo alii pi bal ma otimo; acel obed pi gitum me bal, acel pi gitum awaŋa.

Buk me Aŋwen pa Moses ma Gilwoŋo Wel 6:11

Ajwaka bityero acel pi gitum me bal ki acel pi gitum awaŋa, kun timo gin lakwany bal ki i kom dano-nu, pien onoŋo obalo pi gudo kom dano muto. En bikwero wiye i nino meno kikome,

Buk me Aŋwen pa Moses ma Gilwoŋo Wel 6:13

“Man aye cik ma mako dano ma ajula pa Lubaŋa ka karene me kone kene doŋ otum. Gibikele i doggola kema me rwatte,

Matayo 24:13

Ento ŋat ma biciro nio wa i agikki bilarre.

Matayo 3:15

Ento Yecu odokke iye ni, “Wek koŋ doŋ obed kumeno kombeddi, pien porre botwa me cobo gin ducu ma tye atir.” ci Jon oye lokke.

Yakobo 2:10

Pien ŋat ma gwoko cik ducu, ka ce opoto i cik acel keken, noŋo oturo cik ducu.

2 Jon 1:8

Wunenne kenwu wek gin ma doŋ wutyeko tic pire pe orweny woko ki botwu, wek wunoŋ mucarawu ducu.