Buk me Aŋwen pa Moses ma Gilwoŋo Wel 5:7 - Acoli Baibul

⁷ en bituco bal mere ma otimo-ni; ka dok en biculo waŋ gin marac ma otimo; bimedo iye acel me abic, ci miyo bot dano ma en otimo marac-ci.

Buk me Aŋwen pa Moses ma Gilwoŋo Wel 5:7 Iomraidhean Croise

Jabuli 32:5

Cut atuco balla boti, pe amuŋo gin marac ducu ma onoŋo atimo; awaco ni, “Abituco balla ducu bot Rwot”; ci in bene iweko balla ducu.

Carolok 28:13

Ŋat ma kano balle ma pe tuco, pe bimedde ki bedo ki kwo maber; ento ŋat ma tuco balle ka bwoto timogi matwal aye kica bimako Lubaŋa i kome.

Lulevi 26:40

“Ento ka gibituco balgi ki bal pa kwarogi pi tim roro ma gutimo i koma, dok pi kemo an marac,

Lulevi 26:41

ma omiyo an bene akemogi marac kun aterogi i lobo pa lumerokgi; ka gibedo jo ma gulirre i cwinygi, pe i komgi keken, ci gidoko mwol ma giculo ka waŋ balgi,

Lulevi 5:15

“Ka dano mo oturo cik pa Lubaŋa kun otimo bal ma pe otimo akaka i kom mot mo maleŋ ma myero en omi bot Rwot, en bikelo gitumme me tiŋo alii bot Rwot, nyok ma kome pe ki mwonyo ma okwanyo ki i kin romi i wel ma iŋolo i cekel me ryal kun ilubo cekel me kabedo maleŋ, obed gitum me tiŋo alii.

Lulevi 5:16

Dok en biculo waŋ gin ma en obalo iye i kom mot maleŋ, kun medo iye acel me abic, ci miyo bot ajwaka. Ajwaka bitimo gin lakwany bal ki i kome ki nyok romo me gitum me tiŋo alii, ci Rwot biweko balle.

Lulevi 5:5

Ka ŋat mo otiŋo alii, ka otimo lok acel mo i kom magi, ci myero otuc bal ma en otimo,

Lulevi 7:7

Gitum me tiŋo alii rom ki gitum me bal, cikgi tye acel; ajwaka ma otimo kwede gin lakwany bal, en aye biterone.

Buk me Aŋwen pa Moses ma Gilwoŋo Wel 5:8

Ento ka dano meno watte mo pe ma myero giculle waŋ gin marac-ci, ci giculo Waŋ gin marac meno bot Rwot pi ajwaka, kun gibamo i kom nyok romo me kwanyo bal ma gitimo kwede gin lakwany bal ki i kome.

Luka 19:8

Jakayo oa malo, owaco bot Rwot ni, “Nen, Ladit, abimiyo nucu jamina bot lucan; ka abumo ŋat mo i gin mo, abicule waŋ aŋwen.”

Yocwa 7:19

Yocwa owaco bot Akan ni, “Woda, mi deyo bot Rwot Lubaŋa pa Icrael kun ituco balli. Titta kombeddi gin ma itimo; pe imuŋŋa.”