Buk me Aŋwen pa Moses ma Gilwoŋo Wel 3:7 - Acoli Baibul

⁷ Gibicobo tic mapatpat pire ki pi lwak ducu i nyim kema me rwatte, dok gibitiyo tic pi jo Icrael kun gitiyo ticgi i kema.

Buk me Aŋwen pa Moses ma Gilwoŋo Wel 3:7 Iomraidhean Croise

1 Tekwaro 26:20

I kin Lulevi giketo Akija obedo ladit ma gwoko odi me kano lim ma i ot pa Lubaŋa, ki odi me kano lim me mot ma gidyero bot Rwot.

1 Tekwaro 26:22

Litino awobe pa Jekieli, ma gin aye Jetam ki ominne Joel, gubedo ludito ma gwoko odi me kano lim ma i ot pa Rwot.

1 Tekwaro 26:26

Celomot man ki omegine gubedo ludito ma gwoko odi me kano mot ducu ma yam kabaka Daudi odyero bot Rwot, ki mot ma ludito kaka ma i odi pa kwarogi ki ludito ma giloyo buca mony me jo alip, ki buca mony me jo miya, ki lutel wi mony yam gudyero bene.

Lulevi 8:35

Wun wubibedo i doggola kema me rwatte pi nino abiro, kun wulubo gin ma Rwot ociko, wek pe wuto; pien gicika kit meno.”

Buk me Aŋwen pa Moses ma Gilwoŋo Wel 1:50

ento ket jo pa Levi gubed ludito ma loyo tic i kema lok me caden, gulo jamine ducu, wa gin ducu ma tye iye. Gin aye bitiŋo kema ki jami ma tye iye ducu, gibitic iye, dok gibiguro kema me butogi rumo kema pa Lubaŋa,

Buk me Aŋwen pa Moses ma Gilwoŋo Wel 1:53

Ento jo pa Levi gibiguro kemagi rumo kema lok me caden, wek akemo pe opot i kom lwak jo Icrael; jo pa Levi gibigwoko kema lok me caden.”

Buk me Aŋwen pa Moses ma Gilwoŋo Wel 3:32

Ladit ma loyo ludito ducu pa Lulevi obedo Eleajar wod pa ajwaka Aron. En onoŋo loyo jo ma gitiyo ticgi i kabedo maleŋ,

Buk me Aŋwen pa Moses ma Gilwoŋo Wel 3:8

Gin aye gibigwoko jami ducu ma i kema me rwatte, dok gibitiyo tic pi jo Icrael kun gitiyo ticgi i kema.

Buk me Aŋwen pa Moses ma Gilwoŋo Wel 31:30

I kom nucu ma tuŋ bot jo Icrael ibikwanyo iye acel i kom pyerabic ki kom dano, ki twoni, ki kana, ki romi nyo dyegi, ki i kom lim makwo ducu, ci imi bot Lulevi ma gigwoko kema pa Rwot.”

Buk me Aŋwen pa Moses ma Gilwoŋo Wel 8:11

ka Aron bityero Lulevi i nyim Rwot gubed gityer akwata ma oa ki bot jo Icrael, wek gubed ka tiyo tic pa Rwot.

Buk me Aŋwen pa Moses ma Gilwoŋo Wel 8:15

Ka doŋ lacen Lulevi gibidonyo ka tiyo tic ma i kema me rwatte, ka doŋ ityeko lonyogi kun ityerogi macalo gityer akwata.