Buk me Aŋwen pa Moses ma Gilwoŋo Wel 24:7 - Acoli Baibul

⁷ Pii bipoŋ libic i agulugi kare ducu, likwayogi bibedo rom’ ki pii ma mol madwoŋ; kabakagi bibedo dit makato Agag, gibiketo deyo mamalo mada i kom kerre.

Buk me Aŋwen pa Moses ma Gilwoŋo Wel 24:7 Iomraidhean Croise

1 Tekwaro 14:2

Omiyo Daudi oniaŋ ni Rwot otyeko moko en me bedo kabaka ma loyo Icrael, dok ni otyeko miyo kerre obedo ki deyo madwoŋ pi pilo wi jone jo Icrael.

2 Camuel 5:12

Omiyo Daudi oniaŋ ni, Rwot otyeko moko en me bedo kabaka ma loyo Icrael, dok ni Rwot omiyo kerre obedo ki deyo madwoŋ pi pilo wi jone Icrael.

Niyabo 17:1

Lacen lamalaika acel i kom lumalaika abiro ma onoŋo gitye ki atabo abiro-ni obino bota owacca ni, “Bin wek anyutti kop ma doŋ giŋolo i kom dako ma lakwele marac, ma bedo i wi pii mapol-li.

Jeremia 51:13

Babilon tye ki kulu madwoŋ ki lonyo mabup, ento karene doŋ otum, ki tol uci me kwone doŋ giŋolo woko.

Niyabo 19:16

Onoŋo gicoyo nyiŋ i kom jorre ki i eme ma kwanne ni, Kabaka ma loyo luker ducu ki Rwot pa rwodi.

Niyabo 17:15

Dok owacca ni, “Pi madwoŋ ma i kulu ma ineno ca, ka ma dako ma lakwele obedo iye-ni, magi aye gin dano ma i wi lobo, ki lwak rok ducu ki leb-gu ducu.

Niyabo 11:15

Lacen lamalaika me abirone okuto tumme, ci dwan mogo maloŋo owinnye i polo ma wacci, “Ker me lobo doŋ odoko ker pa Rwotwa ki Kricitone, en doŋ bibedo ka loc matwal.”

Jiri Ma Jon Ocoyo 1:49

Natanael odokke iye ni, “Lapwony, in giri i Wod pa Lubaŋa. In i Kabaka me Icrael!”

Daniel 2:44

Dok i kare pa luker meno Lubaŋa me polo biketo ker mukene ma ri nakanaka ma pe gitwero balone, kadi dit me locce bene pe gibiweko i ciŋ rok mukene. Ker meno manyen-ni bituro ker magi ducu ŋidogi woko matitino, ci tyekogi woko ducu, en aye doŋ bicuŋ bedo matwal,

Icaya 48:1

Koŋ wuwiny man, wun jo me ot pa Yakobo, ma gilwoŋowu ki nyiŋ Icrael, wun likwayo pa Juda, Wun wukwoŋo kwoŋ I nyiŋ Rwot, kun wutuco bene nyiŋ Lubaŋa pa Icrael, ento pe i ada, dok pe i yo ma atir.

Icaya 9:7

Doŋ medde me locce ki kuc ma bia iye ka gikke bibedo pe, i wi komker pa Daudi, ki i wi kerre, me mokone ocuŋ matek ki gwokone wek pe opoti, i ŋolo kop atir ki i kit ma atir, cakke tin dok me bedo matwal. Arima pa Rwot me mony bimiyo man cobbe.

Icaya 2:2

Man bitimme i kare ma pud tye anyim: got me ot pa Rwot bicuŋ macalo got mabor makato godi ducu, borre bikato cere ducu; rok ducu gibimol gicito iye,

Jabuli 68:26

“Gipwo Lubaŋa i cokke madit pa lwakke, wupak Rwot, wun likwayo pa Icrael ducu!”

Jabuli 18:43

Yam ilara ki i kom rok mapol ma gilwenyo kweda; iketa abedo ladit ma loyo rok ducu; jo ma yam pe aŋeyogi gudoko jona ma an aye aloyogi.

Ejira 4:20

Ki luker matego yam gubedo ka loyo Jerucalem, ma guloyo bene wa ki lobo ducu me Loka Kulu, ma lwak gubedo ka culo ajog ki mucoro ducu botgi.

1 Luker 4:21

Solomon obedo ka loyo ker mapatpat ducu cakke ki i kulu Euprate nio wa i lobo pa jo Piliciti, ki nio wa i lobo Ejipt. Jo me ker meno gubedo ka tyero mot bot Solomon kun gitiyo bote i kare me kwone ducu.

Buk me Aŋwen pa Moses ma Gilwoŋo Wel 24:20

Ka dok oneno tuŋ not jo Amalek, oloko macalo lanebi kun waco ni, “Jo Amalek yam gutelo wi rok mukene ducu, ento i agikki gibityekogi woko matwal.”

Jabuli 89:27

Abiloko en bedo latin kayo, kabaka madit makato luker ducu ma i wi lobo-ni.

1 Luker 5:1

Kiram kabaka me Turo ocwalo luticce bot Solomon ka owinyo ni giwire ki moo me bedo kabaka me leyo ka tyen wonne, pien Kiram obedo ka maro Daudi nia wa con.

Esta 3:1

Lacen ki i ŋe meno kabaka Akacwero omiyo dit ki Aman ma jo Agag, wod pa Amedata, omedo rwomme omiye tic me loyo rwodi ducu ma i te locce.

Jabuli 72:11

Luker ducu myero guryebbe piny i nyime, dok rok ducu myero guti bote!

Icaya 30:25

Kulu me pii ma mol bibedo tye i wi godi ducu ki i wi cere ducu, i nino ma gibineko iye dano matek i kare ma gedo mogo ma ocudo malo likuŋ bimuk poto woko piny.,