Buk me Aŋwen pa Moses ma Gilwoŋo Wel 23:9 - Acoli Baibul

⁹ Anenogi ki i wi pata got mabor, abedo ka nenogi ki i wi cere. Nen, gin lwak ma gibedo ka kengi, pe guribbe kacel ki rok mu kene ducu.

Buk me Aŋwen pa Moses ma Gilwoŋo Wel 23:9 Iomraidhean Croise

Ejira 9:2

Co ma gin Lujudaya gubedo ka nyomo anyiragi mogo gubedo mongi kikomgi ki mon pa litinogi; omiyo kwa jo maleŋ pa Lubaŋa guribbe woko kacel ki jo mukene ma gibedo i lobo-nu ma gin jo maraco. Ludito ma giloyo lwak kacel ki rwodi aye gubedo lubal madoŋo i lok man.”

Esta 3:8

Ci Aman ocako tito bot kabaka Akacwero ni, “Tye rok mo ma guket woko ata i kin rok mu kene mapatpat ma i dul lobo ducu ma i te kerri. Cikgi pat ki cik pa rok mukene ducu, dok pe gigwoko cikki, in kabaka; doŋ kony mo pe boti me weko ni jo meno gubedi.

Buk me Aryo pa Moses ma Gilwoŋo Nia 33:16

Pien binene niŋniŋ ni anoŋo gum ki boti, an kacel ki lwakki? Pe pi in ma iwoto kwedwa-ni mumiyo waŋen pat? An, kacel ki lwakki, wapat ki jo mukene ducu ma gitye i wi lobo.”

Jeremia 46:28

Pe wulwor, wun likwayo pa laticca Yakobo, man Rwot ma owaco, pien atye kwedwu. Abijwero jo me rok ducu atyekogi woko, ki ka ma yam aryemowu wuket iye, ento wun pe abityekowu woko liweŋ, Pe abiwekowu ma pe aketo can i komwu; abipwodowu maberber pe ki kiniga twatwal. Man Rwot ma owaco.”

Jeremia 49:31

“Wua wubin, wucit ka lweny i kom rok ma yam bedo ki kuc laboŋo ayelayela mo-ni! Gaŋgi pe tye ki dog gaŋ kadi wa rii me lorone bene pe, pi meno tye kene, ŋat ma gwoko pe. Man Rwot ma owaco.

Amoc 9:9

“Pien nen, abiciko, ci abiyeŋo ot pa Icrael i kin rok mukene ducu, calo ŋat ma kiyo moko ki keikei, ento nyig gweŋ acel mo pe bipoto i ŋom.

Mika 7:14

Kwa joni ki odooni, ai Rwot, ma gin romi ma gimiyi me bedo meri matwal, ma gibedo kengi i buŋa i dye lobo ma ceko cam; wek gikwagi i Bacan ki i Gilead macalo i kare macon.

2 Jo Korint 6:17

Pi meno doŋ wua woko ki i kingi, wupokke woko kwedgi, man lok pa Rwot, pe wugud gin mo ma kome ki keni. miyo abijolowu,

Nwoyo Cik 32:8

I kare ma En Mamalo Twal yam omiyo ki rok ducu ginaleyagi, i kare ma opoko kin litino pa dano, yam opoko waŋ lobo pa rok acel acel kun lubo wei awobe pa Lubaŋa.

Nwoyo Cik 33:28

Icrael yam obedo ki kuc kit meno, waŋ it pa Yakobo obedo kene i lobo me kai ki koŋo vino; iyo, polo miyo toyo ton piny kunnu.

Tito 2:14

En yam omine kene piwa me kokowa woko ki i bal ducu, ki me lonyowa wabed jone kikome, ma watye ki miti madwoŋ me tiyo tic mabeco.

1 Petero 2:9

Ento wun wubedo rok ma giyero, ajwagi pa kabaka, rok maleŋ, jo pa Lubaŋa kikome, wek wutit pi tic me deyo pa ŋat ma olwoŋowu nia ki i piny macol wek wudony i leŋone me aura.