Buk me Aŋwen pa Moses ma Gilwoŋo Wel 23:5 - Acoli Baibul

⁵ Ci Rwot oketo lokke i dog Balaam kun waco bote ni, “Dok cen bot Balak ci iwac kit man.”

Buk me Aŋwen pa Moses ma Gilwoŋo Wel 23:5 Iomraidhean Croise

Buk me Aryo pa Moses ma Gilwoŋo Nia 4:15

In ibilok kwede, ki keto lok i doge, an abibedo ki dogi, ki doge bene, ci abipwonyowu ki gin ma wubitiyo.

Carolok 16:1

Yub ma tye i tam, meno yub pa dano; ento Rwot aye ma loyo lok ma dano loko.

Carolok 16:9

Dano yubo yubbe ki i cwinye, Rwot aye ma telo en miyo cobo maber.

Icaya 51:16

Doŋ atyeko keto lokka i dogi, akano waŋi woko bene doŋ i tipo ciŋa, aryeyo polo, aketo te guti me lobo, awaco bot jo Cion ni, ‘Wun wujona.’ ”

Icaya 59:21

“Doŋ ki tuŋ bota, man en aye obedo gicikke ma acikke kwede kwedwu, Cwiny Maleŋ ma mera ma doŋ atyeko miyo botwu, ki lokka ma doŋ atyeko keto i dogwu, pe doŋ bia ki i dogwu, kadi ki i dog litinowu, nyo i dog litino pa litinowu, cakke tin cito kwede anyim kun bedo bene nakanaka.”

Jeremia 1:9

Cutcut Rwot ocwalo ciŋe ogudo doga; ka en Rwot owacca ni, “Nen, doŋ atyeko keto lokka i dogi.

Buk me Aŋwen pa Moses ma Gilwoŋo Wel 22:20

Ci Lubaŋa obino bot Balaam i dyewor meno owaco bote ni, “Ka jo meno gubino ka lwoni, ci ia malo icit kwedgii ento gin ma aciko boti aye ibitiyone.’

Buk me Aŋwen pa Moses ma Gilwoŋo Wel 22:35

Ento lamalaika pa Rwot ogamo dog Balaam ni, “In doŋ icit ki jo meno; ento gin ma aciki aye ibiloko.” Pienno Balaam omedde ki wot kacel ki ludito pa Balak.

Buk me Aŋwen pa Moses ma Gilwoŋo Wel 23:16

Ci Rwot orwatte ki Balaam, oketo lok i doge kun waco ni, “Dok cen bot Balak, ci iwac kit man.”

Buk me Aŋwen pa Moses ma Gilwoŋo Wel 23:4

Ci Lubaŋa orwatte ki Balaam. Balaam owaco bote ni, “Doŋ atyeko yubo keno tyer abiro, dok atyero twon acel ki nyok romo acel i wi keno tyer acel acel.”

Buk me Aŋwen pa Moses ma Gilwoŋo Wel 23:6

Odok cen ci onoŋo Balak pud ocuŋ ka ŋet gitum awaŋane kacel ki ludito pa jo Moab ducu.

Luka 12:12

Pien Cwiny Maleŋ bipwonyowu i cawa meno i gin ma myero wuwaci.”

Jiri Ma Jon Ocoyo 11:51

En pe owaco lok man pire kene, ento pi bedo ajwaka madit i mwaka meno ceŋ en otito macalo lanebi ni Yecu bito pi rok meno;

Nwoyo Cik 18:18

Abicwalo botgi lanebi mo macalo in ma oa ki i kin utmegigi. Abiketo lokka i doge, ci en biwaco bot lwak lok ducu ma abicike kwede.