Buk me Aŋwen pa Moses ma Gilwoŋo Wel 23:3 - Acoli Baibul

³ Ci Balaam owaco bot Balak ni, “Cuŋ kany i ŋet gitum awanani-ni, ci an abicito kunnu. Gwok nyo Rwot bibino ka rwatte kweda, ci gin ducu ma en binyutta abititti.” Ci ocito malo i wi got ka ma yadi pe iye.

Buk me Aŋwen pa Moses ma Gilwoŋo Wel 23:3 Iomraidhean Croise

Acakki 22:13

Abraim otiŋo waŋe malo, ci oneno nyok romo tye i ŋeye ma tuŋeomoko i agaba; Abraim ocito okelo nyok romo-nu, ci otyero me bedo gitum awaŋa ma ka wode.

Acakki 22:2

Owacce ni, “Kwany wodi Icaka, iter, en wodi acel keken, ma imaro-ni, wot kwede i lobo Moria, wek icit ityere kunnu, obed gitum awaŋa i kom got mo ma abititti ki kunnu.”

Acakki 8:20

Nua ocano keno tyer pi Rwot, ci oyero lee ma gicamo ki i kit kwagi acel acel, ki winyo ma gicamo ki i kit kwagi acel acel, otyero gitum awaŋa i wi keno tyer.

Buk me Aryo pa Moses ma Gilwoŋo Nia 18:12

Ka Yecero won dako pa Moses otyero gitum awaŋa, ki gitum mukene, bot Lubaŋa; ci Aron obino ki ludoŋo ducu pa jo Icrael ka camo kwon kacel ki won dako pa Moses i nyim Lubaŋa.

Lulevi 1:1

Rwot olwoŋo Moses ci oloko kwede ki i kema me rwatte kun waco ni,

Buk me Aŋwen pa Moses ma Gilwoŋo Wel 23:12

Odok iye ni, “Myero agwokke ka loko gin ma Rwot oketo i doga.”

Buk me Aŋwen pa Moses ma Gilwoŋo Wel 23:15

Ci Balaam owaco bot Balak ni, “cuŋ kany ka ŋet gitum awaŋani, kun an arwatte ki Rwot kuca.”

Buk me Aŋwen pa Moses ma Gilwoŋo Wel 23:2

Balak otiyo kit ma Balaam ociko-ni; ci Balak ki Balaam gubedo ka tyero twon acel ki nyok romo acel i wi keno tyer acel acel.

Buk me Aŋwen pa Moses ma Gilwoŋo Wel 23:26

Ento Balaam odok iye ki Balak ni, “Yam pe awaco boti ni, ‘Gin ducu ma Rwot ocika kwede, meno aye myero ati’?”.

Buk me Aŋwen pa Moses ma Gilwoŋo Wel 23:4

Ci Lubaŋa orwatte ki Balaam. Balaam owaco bote ni, “Doŋ atyeko yubo keno tyer abiro, dok atyero twon acel ki nyok romo acel i wi keno tyer acel acel.”

Buk me Aŋwen pa Moses ma Gilwoŋo Wel 24:1

Balaam, onoŋo doŋ oniaŋ ni Rwot mito miyo gum kom jo Icrael, mumiyo pe dok ocito ka yenyo tyet kit ma onoŋo ocito i kare mukeneni, ento oloko waŋe oneno yo tuŋ tim.

Matayo 4:8

Catan dok otere malo i wi got mabor adada, ci onyutte ker ducu ma i wi lobo ki deyogi ducu.

Yocwa 24:10

ento an pe awinyo dog Balaam, mumiyo en dok olamo gum i komwu; kit meno alarowu woko ki i ciŋ Balak.