Buk me Aŋwen pa Moses ma Gilwoŋo Wel 23:13 - Acoli Baibul

¹³ Balak dok owaco bote ni, “Bin doŋ kweda i kabedo mukene ka ma iromo nenogi iye. Ibineno jo ma gitye cok keken, pe ibinenogi ducu; ci icengi pira ki kunnu.”

Buk me Aŋwen pa Moses ma Gilwoŋo Wel 23:13 Iomraidhean Croise

1 Luker 20:23

Lutic pa kabaka me Ciria guwaco bote ni, “Jo man lubaŋagi lubaŋa me wi godi, omiyo gin yam tek, guloyowa; ento wek dok walweny kwedgi ki i dye bar, ci wan aye wabibedo tekmakatogi.

1 Luker 20:28

Dano pa Lubaŋa dok obino cok ci owaco bot kabaka me Icrael ni, “Rwot owaco kuman ni, Pien jo Ciria gubedo ka waco ni, ‘Rwot en Iubana me godi, pe lubaŋa me nota-gu,’ en aye lok mumiyo abimiyo monygi madit-ti i ciŋi, ci ibiŋeyo atir ni an aye a Rwot.”

Jabuli 109:17

Onoŋo en maro loko lok me ceno dano; wek lok me ceno danone-ni odok i wiye! En onoŋo dag lamo gum; pi meno ŋat mo pe myero olam gumi kome.

Mika 6:5

Wun jona, wupo lok ma Balak kabaka me Moab oporo, ki gin ma Balaam wod pa Beor odokke iye, ki gin ma ceŋ otimme nia i Cittim nio i Gilgal, wek wuŋe kit ma Rwot otiyo kwede pi larowu.”

Buk me Aŋwen pa Moses ma Gilwoŋo Wel 22:41

Orwone Balak otero Balaam ocito kwede malo wa i Bamot-baal, ci Balaam oneno jo Icrael ma gitye cok ki kunnu.

Buk me Aŋwen pa Moses ma Gilwoŋo Wel 22:6

Tim ber ibin wek icen jo-ni woko pira, pien gitek gikata woko. Gwok nyo miyo abitwero loyogi, aryemogi woko ki i lobo kany; pien aŋeyo ni ŋat ma ilego gum kome, kome bedo gum, ki ŋat ma iceno doŋ giceno.”

Buk me Aŋwen pa Moses ma Gilwoŋo Wel 23:12

Odok iye ni, “Myero agwokke ka loko gin ma Rwot oketo i doga.”

Buk me Aŋwen pa Moses ma Gilwoŋo Wel 23:14

Ci otere i poto pa Jopim wa i lacol got Piciga. Ocano keno tyer abiro kunnu, ci otyero twon acel ki nyok romo acel i wi keno tyer acel acel.

Yocwa 24:9

I ŋe meno Balak wod pa Jipor, kabaka me Moab, otiŋŋe olwenyo i kom jo Icrael; ka dok ocwalo kwena olwoŋo Balaam wod pa Beor ni obin wek ocenwu woko,