Buk me Aŋwen pa Moses ma Gilwoŋo Wel 23:1 - Acoli Baibul

¹ Balaam owaco bot Balak ni, “Ber icanna keno tyer abiro kany, ci ikella twoni abiro ki romi bene abiro.”

Buk me Aŋwen pa Moses ma Gilwoŋo Wel 23:1 Iomraidhean Croise

2 Luker 18:22

Ento ka wuwacca ni, “Wan wajeŋŋe giwa i kom Rwot ma Lubaŋawa,” pe en aye waŋ jogine ma i wi godi, ki keno tyerre ma Kejekia doŋ omukogi woko, kun waco bot jo Jerucalem ki Juda ni, “Wubiworo Lubaŋa i nyim keno tyer man ma i Jerucalem”?

1 Tekwaro 15:26

Gucako tumo twoni abiro ki nyogi romi abiro, pien Lubaŋa okonyo Lulevi ma gutiŋo canduk me gicikke pa Rwot.

2 Tekwaro 29:21

Gucako kelo twoni abiro, nyogi romi abiro, litino romi abiro ki nyogi dyegi abiro pi itum me bal pi ker, pi kabedo maleŋ ki pi Juda. Ci ociko ajwagi ma gin likwayo pa Aron me tyerogi i wi keno tyer pa Rwot.

Yubu 42:8

Kombeddi doŋ wukwany twoni abiro ki nyogi abiro, wucit kwede bot laticca Yubu, wutyer me gitum awaŋa piwu kenwu. Laticca Yubu bilego piwu, ci an abigamo legane, pe abiketo lewic i komwu muporo lokwu; pien pe wuloko lok me ada i koma kit macalo laticca Yubu oloko-ni.”

Buk me Aryo pa Moses ma Gilwoŋo Nia 20:24

Wutina keno tyer ki lobo, wutum iye gitum awaŋa ki gityer lakwecwiny, romiwu ki twoniwu; i kabedo ducu ma aketo iye nyina me po, abibino iye ka miyowu gum lobo ki

Carolok 15:8

Rwot dag gitum ma jo maraco gityero bote, ento cwinye bedo yom i kom lega pa jo ma kitgi atir.

Ejekiel 33:31

Ci gibino boti kit macalo dano kare ducu gibino-ni, gibedo piny i nyimi macalo jona, kun giwinyo gin ducu ma in itito botgi, ento pe gicitiyo gin ma in itito botgi-ni. Ginyuto ni gitye ki mar madwoŋ ki lok goba ma giloko ki doggi keken, ento guketo cwinygi mere i noŋo lim i yo ma pe atir.

Ejekiel 45:23

Dok i nino acel acel i kom nino abiro me kwero nino me Kato-ni en bimiyo litino twoni abiro ki nyogi romi abiro ma komgi pe ki mwonyo, tyero me gitum awaŋa bot Rwot. En bene bibedo ka tyero nyok dyel acel acel nino ki nino me gitum pi bal.

Buk me Aŋwen pa Moses ma Gilwoŋo Wel 22:41

Orwone Balak otero Balaam ocito kwede malo wa i Bamot-baal, ci Balaam oneno jo Icrael ma gitye cok ki kunnu.

Buk me Aŋwen pa Moses ma Gilwoŋo Wel 23:2

Balak otiyo kit ma Balaam ociko-ni; ci Balak ki Balaam gubedo ka tyero twon acel ki nyok romo acel i wi keno tyer acel acel.

Buk me Aŋwen pa Moses ma Gilwoŋo Wel 23:29

Ci Balaam owaco bot Balak ni, “Canna bene keno tyer abiro kany, ikella twoni abiro ki nyogi romi abiro.”

Buk me Aŋwen pa Moses ma Gilwoŋo Wel 23:30

Balak otiyo kit ma Balaam owaco-ni, ci otyero twon acel ki nyok romo acel i wi keno tyer acel acel.

Buk me Aŋwen pa Moses ma Gilwoŋo Wel 29:32

“I nino me abiro wubimiyo litino twoni abiro, nyogi romi aryo ki litino nyogi romi apar wiye aŋwen ma ditogi mwaka acel acel, ma komgi pe ki mwonyo,

Matayo 23:13

“Wubineno can, wun lupwony-cik ki Luparicayo, wun lugoba! Pien wuloro doggola me ker me polo woko bot dano; wun kikomwu pe wudonyo iye, dok bene wugeŋo jo ma mito donyo iye woko.

Juda 1:11

Gibineno can ma rom man! Pien gilubo kit pa Kain, giketo tek mada i tam mogo ma pe atir pi mito lim kit macalo yam Balaam otimo, dok bene gito woko pi pyem kit macalo yam Kora ojemo kwede,

1 Camuel 15:22

Camuel ogamo ni, “Cwiny Rwot bedo yom i gitum awaŋa ki gityer-gu ma rom ki kit ma cwinye bedo yom kwede ka giworo doge? Nen, woro dog Rwot ber kato gitum, winyo cik ber kato dwolo nyogi romi ma giwaŋo me gityer,