Buk me Aŋwen pa Moses ma Gilwoŋo Wel 22:3 - Acoli Baibul

³ En kacel ki jo Moab gubedo ki lworo madwoŋ i kom jo Icrael, pien gipol mada, mumiyo lworo oloco kom jo Moab woko.

Buk me Aŋwen pa Moses ma Gilwoŋo Wel 22:3 Iomraidhean Croise

Nekemia 13:2

Lok man gicoyo pien onoŋo jo Ammon ki jo Moab yam gukwero miyo cam ki pii bot jo Icrael i kare ma gia woko ki i Ejipt. Gin guwilo Balaam me ceno jo Icrael, ento Lubaŋawa oloko cenowaŋi odoko gum botwa.

Jabuli 53:5

Gitye kunnu ki lworo madwoŋ kit lworo ma yam peya onen! Lubaŋa biketo cogo pa jo ma pe giŋeyo en woko ata; lewic bimakogi, pien Lubaŋa doŋ okwerogi woko.

Buk me Aryo pa Moses ma Gilwoŋo Nia 1:12

Ento ka gimedo can i komgi, gin bene ginya, gimedde, gipoŋo lobo malac, ci Luejipt gubedo ki lworo i kom jo Icrael.

Buk me Aryo pa Moses ma Gilwoŋo Nia 15:15

I kare-nu cwiny rwodi me Edom oŋabbe aŋaba; lworo oonyo koyo i kom ludito me Moab; kom jo Kanaan ducu oto woko lirut.

Buk me Aryo pa Moses ma Gilwoŋo Nia 23:27

Abicwalo lworo i koma i nyimwu, abibaŋo rok ducu ma wubiromo kwedgi; abimiyo lumerokwu giriŋo giloko ŋegi botwu.

Icaya 23:5

Ka lok man biwinnye i Ejipt, cwiny dano bicwer matek twatwal pi winyo lok i kom Turo.

Nwoyo Cik 2:25

Tin abicako keto atiba ki lworo piwu i kom rok ma tye piny i te polo ducu. Ka giwinyo lok i komwu, komgi bimyel, gibinyonne woko piwu matek.’

Yocwa 2:24

Ka dok guwaco bot Yocwa ni, “Adada Rwot doŋ otyeko miyo lobo meno ducu i ciŋ wa; dok nen ni jo ducu ma gibedo i lobo-nu piwa oneko komgi woko lirut.”

Yocwa 9:24

Gugamo dog Yocwa ni, “Pien onoŋo doŋ gitito botwa lok me ada, ladit, ni Rwot Lubaŋa yam ociko laticce Moses pi miyowu lobo man ducu, dok ociko ni myero wujwer jo ma gibedo i lobo man woko ki i nyimwu; omiyo walworowu matek twatwal, en aye omiyo watimo man pi laro kwowa.