Buk me Aŋwen pa Moses ma Gilwoŋo Wel 21:9 - Acoli Baibul

⁹ Kumeno Moses oteto twol mola, oŋabo malo i wi tal; ci ka twol otoŋo dano mo en neno kom twol mola, ci kwo.

Buk me Aŋwen pa Moses ma Gilwoŋo Wel 21:9 Iomraidhean Croise

2 Luker 18:4

Omuko lwak waŋ jogi ma i wi godi, oturo wir jogi-gu ducu, ka otoŋo yadi ma gicomo pi woro jok ma dako ma gilwogo Acera woko, ka dok oŋido twol mola ma yam Moses otiyo-ni, pien nio wa i kare meno onoŋo jo Icrael gubedo ka wago odok eceta pi worone. Yam gilwogo ni Nekucitan.

Icaya 45:22

“Wulokke wubin bota, wek alarwu, wun jo ma bedo i wi lobo ducu! Pien an Lubaŋa kena, pe tye mo mukene.

Jekaria 12:10

“Abionyo cwiny me kica ki cwiny me bako dog i kom ot pa Daudi ki i kom jo ma bedo i Jerucalem, wek ka gineno ŋat ma gicobo, ci gikum pire, macalo ŋat ma kumo pi latinne acel keken ma en onywalo, kun kok matek macalo dano ma koko latin kayo.

Jiri Ma Jon Ocoyo 1:29

Orwone Jon oneno Yecu kun woto bino tuŋ bote, owaco ni, “Nen Latinromo pa Lubaŋa ma kwanyo bal me lobo!

Jiri Ma Jon Ocoyo 12:32

An ka gitiŋa malo nia i lobo, ci abipeyo dano ducu bota.”

Jiri Ma Jon Ocoyo 6:40

Man en gin ma wora mito, ni, dano ducu ma neno Wod, ma ye en, myero olim kwo ma pe tum; ci an abicere woko i nino me agik.”

Jo Roma 1:17

Pien lok me kwena maber nyuto kit ma Lubaŋa kwano ni dano bedo ma kite atir, ma man timme pi niye keken, cakke ki acakkine o kwede wa i agikkine. Kit macalo gicoyo ni, “Dano ma kite atir pi niye bibedo kwo.”

Jo Roma 8:3

Gin ma onoŋo cik pe twero tiyo, pien kwowa ma ginywalowa kwede onoŋo oloko odoko goro, Lubaŋa aye ma doŋ otiyo. En ooro Wode kikome me bino i kit kom ma cal ki mewa ma bal obwoyo wokoni, macalo gitum ma gityero bot Lubaŋa pi bal. Kombeddi doŋ en oŋolo kop oloyo bal ma tye i komwa ma ginywalowa kwede,

2 Jo Korint 5:21

Ŋat ma yam pe oŋeyo bal, Lubaŋa oloke odoko bal piwa, wek pire wadok jo ma nywako kit pa Lubaŋa ma tye atir.

Jo Ibru 12:2

Wanenu Yecu ma en aye latel wiwa i lok kom niye, en ŋat ma ocobo niyewa kakare. Pi yomcwiny ma giketo i nyime en yam ociro yatariya, kun ocayo lewic ma giketo i kome; ento kombeddi doŋ obedo piny i kabedo me deyo yo tuŋ acuc me komker pa Lubaŋa.

1 Jon 3:8

Ŋat ma timo bal, meno noŋo dano pa Catan; pien Catan obedo ka timo bal nia i acakki piny. Gin mumiyo Wod pa Lubaŋa yam onen, en aye pi turo tic pa Catan woko.