Buk me Aŋwen pa Moses ma Gilwoŋo Wel 18:8 - Acoli Baibul

⁸ Rwot dok owaco bot Aron ni, “Nen, doŋ atyeko miyo i ciŋi gityer ducu ma gimiyo bota, jami maleŋ ducu ma jo Icrael gikelo. Atyeko miyogi gubed waŋ wat ma tuŋ boti, ki bot awobeni me bedo waŋ wat ma myero gimi botgi dikdik.

Buk me Aŋwen pa Moses ma Gilwoŋo Wel 18:8 Iomraidhean Croise

2 Luker 12:16

Lim mua ki i kom gitum me tino alii, ki lim mua ki i kom gitum pi bal, pe gitero i ot pa Rwot; meno bedo lim pa ajwagi,

2 Tekwaro 31:4

En bene ociko lwak ducu ma gibedo i Jerucalem ni gumi dul ma giciko me amiya bot ajwagi ki Lulevi, wek gumi kwogi me tiyo ticgi kun gilubo cik pa Rwot.

2 Tekwaro 31:5

Cutcut ma cik man oket oromo i lobo ducu, ci jo Icrael gucako miyo jami mapol ata, bel me wi mwaka, kono yino, moo, moo kic ki kit jami mukene ducu ma guceko i pottigi; dok gukelo acel me apar me jami acel acel madwoŋ makato.

Buk me Aryo pa Moses ma Gilwoŋo Nia 28:43

Aron ki awo bene birukogi i kare me donyo i kema me rwatte, nyo i kare ma gicito cok ki keno tyer pi tic i kabedo maleŋ; wek pe gutiŋ alii me bal, miyo gito woko, Man bibedo cik matwal bote ki bot likwaye ma bilube.

Buk me Aryo pa Moses ma Gilwoŋo Nia 29:21

Ka ibikwanyo remo manok ma i wi keno tyer, ki moo wir, ci ikirogi i kom Aron ki i kom boŋŋi arukane, ki i kom awobene ki i kom boŋŋi aruka pa awobene, ci en ki boŋŋi arukane gibibedo maleŋ, kacel ki awobene ki boŋŋi arukagi bene.

Buk me Aryo pa Moses ma Gilwoŋo Nia 29:28

Bibedo waŋ wat pa Aron ki pa awobene ma myero jo Icrael gumi botgi dikdik, pien en aye waŋ wat pa ajwagi ma jo Icrael myero gutyer nia ki gitumgi me gityer lakwecwiny, en aye gityergi bot Rwot.

Buk me Aryo pa Moses ma Gilwoŋo Nia 29:29

“Boŋŋi aruka pa Aron maleŋ ducu bibedo pa likwaye ma bilube; gibiruko i komgi ka giwirogi ki moo, me ketogi i dog tic.

Buk me Aryo pa Moses ma Gilwoŋo Nia 40:13

Ka doŋ iruk Aron ki boŋŋi aruka maleŋ, ci iwire ki moo, ikwere wek oti bo ta tic me ajwaka.

Buk me Aryo pa Moses ma Gilwoŋo Nia 40:15

iwirgi ki moo macalo iwiro wongi-ni, wek guti bota tic meajwagi: wirogi ki moo bimiyo gibedo ajwagi matwal wa i kare pa likwayogi ducu.”

Icaya 10:27

I nino meno ter mere bia woko i wi gwokwu, gibituro okolle woko ki i ŋutwu.’

Lulevi 21:10

“Ajwaka madit i kin omege, ma en aye gionyo moo wir i wiye, ma onoŋo gikwere wek oruk boŋŋi aruka me ticce, myero pe ogony yer wiye oket ata lijayi, pe oyec ginarukane;

Lulevi 23:20

Ajwaka bikwatogi kacel ki mugati me wi mwaka gubed gityer akwata i nyim Rwot, kacel ki litino nyogi romi aryo-nu; gibibedo maleŋ bot Rwot, pi ajwaka.

Lulevi 6:16

Ma odoŋŋe Aron ki awobene gibicamo; gibicamo ma tobi pe iye i kabedo mo maleŋ, i dyekal me kema me rwatte.

Lulevi 6:18

Co ducu ma i kin likwayo pa Aron gitwero camo dul man ma gikwanyo ki i kom gityer ma giwaŋo ki mac bot Rwot; en cik ma bibedo matwal wa i kare pa likwayowu ducu. Ŋat ma ogudo bidoko maleŋ.”

Lulevi 6:20

“Man aye gityer ma Aron ki awobene gibityero bot Rwot i nino ma giwire iye ki moo: agwata moko kwon acel me moko mapwotte, obed gityer me moko kwon me kare ducu; bityero nucune odiko ki nucune otyeno.

Lulevi 6:26

Ajwaka ma otyero pi bal en aye bicamone; gibicamo i kabedo mo maleŋ, i dyekal me kema me rwatte.

Lulevi 7:14

I kom magi en bityero capat acel ki i kom gityer acel acel obed gityer bot Rwot; meno bibedo pa ajwaka ma ocoro remo me gityer lakwecwiny.

Lulevi 7:28

Rwot owaco bot Moses ni,

Lulevi 7:6

Co ducu ma i kin ajwagi gitwero camone; gibicamo i kabedo mo maleŋ; en gin maleŋ makato.

Lulevi 8:30

Moses okwanyo moo wir ki remo man ok ma i wi keno tyer, okiro i kom Aron ki i kom boŋŋi arukane, ki i kom awo bene ki boŋŋi arukagi; kit meno okwero Aron ki boŋŋi arukane, ki awobene ki boŋŋi arukagi, gudoko maleŋ.

Buk me Aŋwen pa Moses ma Gilwoŋo Wel 18:9

Magi aye gibibedo meri ki i kom jami maleŋ maka to ma pe giwaŋo ki mac: gityer ducu ma jo Icrael gimiyo bota, gityer me moko kwon ducu gitum me bal ducu, gitum me tino alii ducu; gibibedo maleŋ makato piri ki pi awobeni.

Buk me Aŋwen pa Moses ma Gilwoŋo Wel 5:9

Gityer ducu, nyo jami ducu maleŋ pa jo Icrael ma gikelo bot ajwaka bibedo mere.

1 Jo Korint 9:13

Pe wuŋeyo ni, jo ma gitiyo tic i ot pa Lubaŋa ginoŋo camgi ki i ot pa Lubaŋa, dok jo ma gitiyo i kom keno tyer gipoko botgi gitum ma gityero?

Nwoyo Cik 12:11

Rwot Lubaŋawu biyero kabedo ka ma en biketo iye nyiŋe bedo iye; kenyo en aye wubikelo iye gin ducu ma acikowu-ni: gitum awaŋawu ki gitum mukene ducu, ki dul acel me apar, ki gityer mapatpat ma wubimiyo, ki gityer me cobo kwon ducu ma wukwono me miyogi bot Rwot.

Nwoyo Cik 12:6

Kenyo aye wubicito iye, kenyo en aye wubitero iye gitum awaŋa ki gitum mewu ducu, ki dul acel me apar, ki gityer mapatpat ma wubimiyo, gityer me cobo kwoŋ, ki gityer ma iwu opwoyo, ki litino kayo pa dyaŋiwu ki pa romi ki dyegiwu.

Nwoyo Cik 18:1

“Ajwagi ma Lulevi, wa kaka pa jo Levi ducu, pe gibilimo dul lobo mo nyo ginaleya mo i kin jo Icrael. Gibicamo gityer ma giwaŋo ki mac bot Rwot ki gin ducu ma myero dano gumi bot Rwot.

Nwoyo Cik 26:13

ci ibiwaco bot Rwot Lubaŋani ni meno, ‘Doŋ atyeko kobo jami maleŋ woko ki i oda, amiyo woko bot Lulevi, lubedo, litino kic ki mon-to kun alubo cikki ducu ma imiyo bota. Pe aturo cikki mo, pe bene wiya owil i komgi.

Jo Ibru 1:9

In imaro kit ma atir, cwinyi dag tim marac; pi meno Lubaŋa, ma en Lubaŋani, owiri ki moo, moo me yomcwiny madwoŋ, makato luwoti ducu.”

1 Jon 2:20

Ento wun, Ŋat Maleŋ doŋ owirowu woko ki moo, wun ducu doŋ wutye ki ŋec.

1 Jon 2:27

Ento wun, moo me Cwiny Maleŋ ma yam Kricito owirowu kwede bedo doŋ i iwu, miyo pe mitte ni ŋat mo opwonywu; pien moo ma yam giwirowu kwede pwonyowu i lok ducu. En gin me ada, pe goba; macalo yam en owonyowu, wubed i en.