Buk me Aŋwen pa Moses ma Gilwoŋo Wel 18:3 - Acoli Baibul

³ Gin gibibedo kwedwu i dog ticwu, dok gibitiyo tic ducu ma miite i kema; ento pe gibicito cok i kom jami ducu ma i kabedo maleŋ, pe gibinyiko cok ki keno tyer, wek pe to opot i kom gin ki wun.

Buk me Aŋwen pa Moses ma Gilwoŋo Wel 18:3 Iomraidhean Croise

Ejekiel 44:13

Pe doŋ gibibedo ka tic bota macalo ajwagi, dok bene pe gibinyiko cok i kom jamina maleŋ-gu ki i kom jami ma gileŋ gikato ducu-gu, Ento lewic bimakogi pi gin me kwer ma yam gutimo-gu.

Buk me Aŋwen pa Moses ma Gilwoŋo Wel 1:51

Ka kema bicako wot, ci gin Lulevi aye gibiputo woko; dok ka gibiguro kema, Lulevi aye gibigurone. Ka ce dano mo ata onyiko cok ki kema, gibineko woko.

Buk me Aŋwen pa Moses ma Gilwoŋo Wel 1:53

Ento jo pa Levi gibiguro kemagi rumo kema lok me caden, wek akemo pe opot i kom lwak jo Icrael; jo pa Levi gibigwoko kema lok me caden.”

Buk me Aŋwen pa Moses ma Gilwoŋo Wel 16:40

wek obed gin me poyo wi jo Icrael, wek ŋat mo ma pe ajwaka, ma pe lakwar Aron, pe onyik cok ka wano odok eceta i nyim Rwot, wek pe odok macalo Kora ki lwakke, kit ma Rwot owaco bot Eleajar ki i dog Moses.

Buk me Aŋwen pa Moses ma Gilwoŋo Wel 18:4

Gibinywako tic kwedwu i kema me rwatte pi tic ducu ma i kema; pe ŋat mukene mo bibino botwu cok.

Buk me Aŋwen pa Moses ma Gilwoŋo Wel 18:7

In ki awobeni keken wubitiyo ticwu me bedo ajwagi i lok ducu ma kemo kom keno tyer nyo ma tye i tyelo ma boŋo kicika oumo-ni. Amiyowu tic me bedo ajwagina macalo mot ma amiyo botwu; ka ŋat mo ata obino cok, gibineke woko.”

Buk me Aŋwen pa Moses ma Gilwoŋo Wel 3:25

Tic pa likwayo pa Gercon i kema me rwatte obedo me gwoko kema; en aye kema kikome ki laum wiye, boŋo cuka laum doggola me doggola kema me rwatte,

Buk me Aŋwen pa Moses ma Gilwoŋo Wel 3:31

Ticgi obedo me gwoko canduk, meja, okarmac, keno tyer, jami me kabedo maleŋ ma ajwagi gitiyo kwedgi ducu, ki boŋo kicika; dog tic ducu ma mitte pi jami magi,

Buk me Aŋwen pa Moses ma Gilwoŋo Wel 3:36

Tic ma gimiyo bot likwayo pa Merari obedo me gwoko lwak guti me kema, lwak riine, lwak wirre lwak tedi tere ki gin ma okemo ticce ducu; dog tic ducu ma mitte pi jami magi ducu.

Buk me Aŋwen pa Moses ma Gilwoŋo Wel 31:30

I kom nucu ma tuŋ bot jo Icrael ibikwanyo iye acel i kom pyerabic ki kom dano, ki twoni, ki kana, ki romi nyo dyegi, ki i kom lim makwo ducu, ci imi bot Lulevi ma gigwoko kema pa Rwot.”

Buk me Aŋwen pa Moses ma Gilwoŋo Wel 4:15

Ka Aron ki awobene doŋ gutyeko umo kabedo maleŋ ki jami ma i kabedo maleŋ ducu i kare ma giputo gony, lacen likwayo pa Kokat doŋ gibibino ka tinogi, ento pe gugud kom jami maleŋ ducu, wek pe guto. Magi aye jami me kema me rwatte ma likwayo pa Kokat gibitiŋo.