Buk me Aŋwen pa Moses ma Gilwoŋo Wel 16:5 - Acoli Baibul

⁵ Ci owaco bot Kora ki lwakke ducu ni, “Diki odiko Rwot aye binyuto danone ki ŋat maleŋ i kinwa, ci bimiyo en nyiko cok bote; ŋat ma en oyero aye en bimiyo nyiko cok.

Buk me Aŋwen pa Moses ma Gilwoŋo Wel 16:5 Iomraidhean Croise

Jabuli 105:26

En ocwalo laticce Moses, ki Aron ma en aye oyero.

Jabuli 115:10

Wun jo me ot pa Aron bene wugen Rwot! En aye ma konyowu dok gwokowu.

Jabuli 65:4

Dano ma iyero ka ikelo cok boti tye ki gum, me bedo i dyekal me kabedoni maleŋl Wabiyen ki jami ducu mabeco ma tye i odi, ma en aye kabedoni maleŋl

Buk me Aryo pa Moses ma Gilwoŋo Nia 28:1

“Kel omeru Aron cok boti kacel ki awobene, gua woko ki i kin jo Icrael, wek guti bota tic me ajwagi; gin ene: Aron ki awobe pe Aron, Nadab ki Abiu, Eleajar ki Itamar.

Buk me Aryo pa Moses ma Gilwoŋo Nia 28:41

Ibirukogi i kom omeru Aron kacel ki awobene, ibiwirogi ki moo me ketogi i dog tic, pi kwerogi pi tic maleŋ, wek guti bota tic me ajwagi.

Buk me Aryo pa Moses ma Gilwoŋo Nia 28:43

Aron ki awo bene birukogi i kare me donyo i kema me rwatte, nyo i kare ma gicito cok ki keno tyer pi tic i kabedo maleŋ; wek pe gutiŋ alii me bal, miyo gito woko, Man bibedo cik matwal bote ki bot likwaye ma bilube.

Jeremia 30:21

Ŋat ma bibedo laker ma loyogi bene bia ki i kingi, ŋat ma bibedo laloc gi bibedo dano me rokgi kikome. Ka alwoŋe, ci en binyiko cok bota; pien ŋat mo pe twero ette me bino cok bota ka pe alwone,

Jeremia 49:19

Nen, abibino macalo labwor ma bino i dye olet romi kun a ki i buŋa ma yatte oculle Likiŋ ma tye i dog kulu Jordan, abimiyo jo Edom giriŋo woko ki i lobogi, Doŋ lacen dano mo ma ayero ni obed latel aye biloyo rok meno. Aŋa ma gitwero poro ki an? Aŋa ma twero ette ka lwoŋa pi lweny? Kit lakwat aŋo mono ma twero cuŋ i nyima?

Jeremia 50:44

“Nen, abibino macalo labwor i olet romi kun aa ki i buŋa me Jordan ma yatte oculle likiŋ, ci abimiyo jo Babilon giriŋo woko ki i lobogi. Doŋ lacen dano mo ma ayero ni obed latel aye biloyo rok meno. Aŋa ma gitwero poro ki an? Aŋa ma twero ette ka lwona pi lweny? Kit lakwat aŋo mono ma twero cuŋ i nyima?

Ejekiel 40:46

Ento kicika ma okemo yo tuŋ acam meno pa ajwagi ma giloyo tic i kom keno tyer. Ajwagi magi ducu gin Lulevi ma gin aye likwayo pa Jadok; ma gin keken ki i kin likwayo pa Levi aye giyegi me cito i nyim Rwot ka tic bote.

Ejekiel 43:19

ci ibimiyo twon me gitum pi bal bot ajwagi ma gin Lulevi ma gin jo me dog ot pa Jadok, ma gibino cok kweda ka tic bota,

Ejekiel 45:4

Man bibedo dul lobo maleŋ dok bene bibedo pi ajwagi ma gitiyo i kabedo maleŋ, kun ginyiko cok bot Rwot me tic bote. Man bene bibedo kabedo ka ma odigi bibedo iye ki kabedo maleŋ pi ot pa Lubaŋa.

Lulevi 10:3

Ka Moses owaco bot Aron ni, “Man aye gin ma Rwot owaco, ni, ‘Abinyutte kekena i kin jo ma gitye cok kweda ni aleŋ, dok gibiketo deyo i koma i nyim lwak ducu.’ ” Ci Aron oliŋ gire mot.

Lulevi 8:2

“Ter Aron kacel ki awobene, ki boŋŋi arukagi, ki moo wir, ki twon me gitum me bal, ki nyogi romi aryo, ki aduku me mugati ma to bi pe iye;

Malaki 3:18

Miyo doki wupoko kin jo ma kitgi atir ki jo maraco, kin ŋat ma tiyo bot Lubaŋa ki ŋat ma pe tiyo bote.

Buk me Aŋwen pa Moses ma Gilwoŋo Wel 16:3

Gucokke kacel i kom Moses ki Aron ci guwaco botgi ni, “Mewu doŋ okato kare! Pien jo magi ducu gin lwak maleŋ, gin ducu ki acel acel Rwot bene tye i kingi. Ci piŋo wun wukette kenwu malo twatwal makato lwak pa Rwot ducu?”

Buk me Aŋwen pa Moses ma Gilwoŋo Wel 16:6

Doŋ wutim kit man: wukwany weer me waŋo odok eceta, Kora ki lwakke ducu.

Buk me Aŋwen pa Moses ma Gilwoŋo Wel 17:5

Ci odoo pa dano ma abiyero en aye bilot. Meno aye abinoŋo iye yo me juko jo Icrael ma gibedo ka nur i koma-ni.”

Buk me Aŋwen pa Moses ma Gilwoŋo Wel 17:8

Orwone Moses odonyo i kema lok me caden; ci, nen, odoo pa Aron ma ocuŋ pi dog ot pa Levi-ni aye olot woko, ocako kico bolo olaŋ, ci oturo ture onyako nyig yaa mucek.

Jiri Ma Jon Ocoyo 15:16

Pe wun aye wuyera, ento an aye ayerowu, dok aketowu wek wuciti, wunyak nyigwu, dok wek nyigwu ori; wek gin ducu ma wubilego ki bot Won i nyiŋa, en omiwu.

Tic Pa Lukwena 1:2

nio kwede wa i nino ma gitere kwede i polo, i ŋe miyo cik i tek pa Cwiny Maleŋ bot lukwenane ma yam oyerogi.

Tic Pa Lukwena 1:24

Ka gucako lega kun giwaco ni, “Rwot ma iŋeyo cwiny dano ducu, nyut botwa i kin jo man aryo-ni ŋat ma in doŋ iyero,

Tic Pa Lukwena 13:2

I kare ma gitye ka miyo woro bot Rwot ki ri kec, ci Cwiny Maleŋ owaco ni, “Wukwannya Barnaba ki Caulo pi tic ma alwoŋogi pire-ni.”

Tic Pa Lukwena 15:7

Ka pyem doŋ obedo dwoŋ, ci Petero oa malo owaco botgi ni, “Utmego, wun wuŋeyo ni yam con Lubaŋa oyero an ki i kinwu ni Lurok gibiwinyo lok me kwena maber ki i doga ka guye.

Tic Pa Lukwena 22:14

Ci owacca ni, ‘Lubaŋa pa kwarowa oyero in wek iŋe gin ma en mito, inen Ŋat ma Kite Atir, iwiny bene ka en loko ki doge;

Jo Epeco 2:13

Ento kombeddi i Kricito Yecu wun jo ma yam wutye ka mabor doŋ gikelowu cok pi to pa Kricito.

2 Temceo 2:19

Ento guti me ot ma Lubaŋa oketo doŋ tye ma ocuŋ woko matek likiŋ, ma bene tye ki coc man i kome ni, “Rwot ŋeyo jo ma gin jone kikome,” dok ni, “Dano acel acel ma lwoŋo nyiŋ Rwot myero opokke woko ki i bal.”

Jo Ibru 12:14

Wuket tek me bedo ki kuc ki jo ducu, ki me bedo jo maleŋ; pien ŋat ma pe leŋ pe bineno Rwot.

Niyabo 1:6

ka doŋ olokowa wadoko lwak ma en loyo, kun wadoko ajwagi pa Lubaŋane ma Wonne bene. Deyo ki twero me loc obed bote nakanaka. Amen.

1 Camuel 2:28

Yam ayere ki i kin kakawu ducu ma i Icrael wek obed ajwakana, ocit cok ki keno tyerra, obed ka waŋo odok eceta, ki ruko epod i nyima. Ci yam amiyo bot jo me ot pa kwaru gityer ducu pa jo Icrael ma giwaŋo ki mac.