Buk me Aŋwen pa Moses ma Gilwoŋo Wel 15:3 - Acoli Baibul

³ ce wutyero dyaŋ nyo romo bot Rwot obed gityer ma giwaŋo ki mac, nyo gitum awaŋa, nyo kit gitum mukene, nyo gityer me cobo kwoŋ, nyo gityer ma ic opwoyo, nyo ka tyero i ninowu madito ma giciko wek obed gin ma ŋwece kur me yomo cwiny Rwot,

Buk me Aŋwen pa Moses ma Gilwoŋo Wel 15:3 Iomraidhean Croise

Acakki 8:21

Ka Rwot oŋweyo gin ma ŋwece kur ma yomo cwiny, Rwot oloko i cwinye kekene ni, “An pe dok abiceno lobo pi dano, kadi bed tam ducu ma i cwinye kemo bal keken nia wa i tinone; pe doŋ abineko gin makwo ducu kit ma yam atimo.

Ejira 7:17

Doŋ myero igwokke iti ki lim man maber me wilo twoni dyaŋi, nyogi romi, ki gityer me moko kwon ki koŋo vino, ka icak tyerogi i kom keno tyer ma i ot pa Lubaŋawu ma tye i Jerucalem.

Jabuli 54:6

Abityero gityer boti pi yomcwiny; abimiyi pwoc, ai Rwot, pien in iber.

Buk me Aryo pa Moses ma Gilwoŋo Nia 29:18

ibiwaŋo riŋo nyok romo woko ducu ki berre i wi keno tyer; en aye gitum awaŋa bot Rwot; en aye gin ma ŋwece kur me layom cwiny, gityer ma giwaŋo ki mac bot Rwot.

Buk me Aryo pa Moses ma Gilwoŋo Nia 29:25

Ka dok ikwany woko ki i ciŋgi, iwaŋgi woko i wi keno tyer me ameda i kom gitum awaŋa, obed gin ma ŋwece kur ma yomo cwiny Rwot; en aye gityer ma giwaŋo ki mac bot Rwot.

Buk me Aryo pa Moses ma Gilwoŋo Nia 29:41

Nyok romo mukene ibityero otyeno, kacel ki gityer me moko kwon ki gityer amatane, macalo me odiko, pi bedo gin ma ŋwece kur ma yomo cwiny, gityer ma giwaŋo ki mac bot Rwot.

Lulevi 10:13

Myero wucam ki i kabedo mo maleŋ, pien en aye waŋ watti ki waŋ wat pa awobeni ma a ki i kom gityer ma giwaŋo ki mac bot Rwot; pien yam gicika kit meno.

Lulevi 27:2

“Wac bot jo Icrael ni, Ka dano mo okwoŋo kwoŋ ma pire tek ma otiko kom dano bot Rwot, ma myero in iŋol welle,

Lulevi 7:16

Ento ka gityerre obedo gityer me cobo kwoŋ, nyo gityer mo ma iye opwoyo, gibicamo i nino ma en otyero iye, dok mudoŋŋe gitwero camo orwone,

Buk me Aŋwen pa Moses ma Gilwoŋo Wel 28:27

ento wutyer iye gitum awaŋa, gin ma ŋwece kur me yo mo cwiny Rwot: litino twoni aryo, nyok romo acel, ki litino nyogi romi abiro ma ditogi mwaka acel acel;

Buk me Aŋwen pa Moses ma Gilwoŋo Wel 29:8

ento wutyer gitum awaŋa bot Rwot, gin ma ŋwece kur me yomo cwinye: wod twon acel, nyok romo acel ki litino nyogi romi abiro ma ditogi mwaka acel acel; wunen ni komgi pe ki mwonyo.

Buk me Aŋwen pa Moses ma Gilwoŋo Wel 6:15

kacel ki aduku me mugati ma tobi pe iye, capat me moko kwon mapwotte ma girubo ki moo, ki capat marep ma tobi pe iye ma gireyo moo i komgi, ki gityer me moko kwon ki gityer amata mutikogi.

Matayo 3:17

Ci dwan ocako winnye ma a ki i polo ma wacci, “Man aye Woda ma amare, ma cwinya yom i kome.”

2 Jo Korint 2:15

Pien wan wacal ki gin makur ma Kricito owaŋo otyero bot Lubaŋa, ma ŋwece duny mamit; jo ma tye i yo me larre ki jo ma tye i yo me rwenyo woko doki giŋweyo.

2 Jo Korint 2:16

Doŋ bot jo ma tye ka rwenyo, ŋwecwa obedo gin muto ma kelo to; ento ki bot jo ma tye ka larre, ŋwecwa obedo gin makwo ma kelo kwo. Aŋa mono ma twero tic man?

Jo Epeco 5:2

Wubed kun wulubo yo me mar, macalo Kricito ceŋ omarowa, ci omine kene piwa wek ebed macalo gitum ma ŋwece kur ma gityero bot Lubaŋa.

Nwoyo Cik 12:11

Rwot Lubaŋawu biyero kabedo ka ma en biketo iye nyiŋe bedo iye; kenyo en aye wubikelo iye gin ducu ma acikowu-ni: gitum awaŋawu ki gitum mukene ducu, ki dul acel me apar, ki gityer mapatpat ma wubimiyo, ki gityer me cobo kwon ducu ma wukwono me miyogi bot Rwot.

Nwoyo Cik 12:17

Pe myero wucam dul acel me apar me kalwu, nyo me koŋo vinowu nyo me moo jeituniwu ki i gaŋiwu, kadi litino kayo pa dyaŋiwu nyo pa romi ki dyegiwu, nyo gityer me cobo kwoŋwu ma wukwoŋo, nyo gityer mewu ma cwinywu opwoyo, nyo gityer mo ma wumiyo.

Nwoyo Cik 12:6

Kenyo aye wubicito iye, kenyo en aye wubitero iye gitum awaŋa ki gitum mewu ducu, ki dul acel me apar, ki gityer mapatpat ma wubimiyo, gityer me cobo kwoŋ, ki gityer ma iwu opwoyo, ki litino kayo pa dyaŋiwu ki pa romi ki dyegiwu.

Jo Pilipi 4:18

Atyeko gamo gin ma wumiya ducu, obedo dwoŋ mukato kare. Oromma doŋ maber, pien Epaprodito bene omiya mot ma wucwale kwede ni okel bota. Man gin aye gin ma ŋwece kur ma gityero bot Lubaŋa, ma en opwoyo, dok ma yomo cwinye.