Buk me Aŋwen pa Moses ma Gilwoŋo Wel 14:3 - Acoli Baibul

³ Piŋo Rwot okelowa i lobo man wek ginekwa woko ki pala lucwan? Monwa ki litinowa gibiyakogi woko bene; kono nene pe obedo ber ka wadok giwa cen i Ejipt?”

Buk me Aŋwen pa Moses ma Gilwoŋo Wel 14:3 Iomraidhean Croise

Nekemia 9:17

Gukwero lubone; dok wigi owil woko i kom tano mapol me aura ma ibedo ka tiyo i kingi; wigi obedo tek ci guyero dano mo acel me bedo laditgi wek otel wigi odwokgi cen i opii i Ejipt. Ento in Lubaŋa ma weko bal pa danoi in iber dok lakica, kiniga pe maki oyot, mar meri dwoŋ ma pe lokke, yam pe ibwotogi ata.

Jabuli 78:40

Gujemo i kome i tim pi kare mapol; gucwero cwinye i aroo.

Buk me Aryo pa Moses ma Gilwoŋo Nia 16:3

kun giwaco botgi ni, “Kono nene Rwot aye onekowa ki cine i lobo Ejipt, ka ma yam wabedo i ŋet agulu riŋo, ma wacamo kwon yeŋowa; ento in ikelowa wa i kany ka neko lwak man ducu ki kec.”

Buk me Aryo pa Moses ma Gilwoŋo Nia 5:21

guwaco botgi ni, “Rwot onenwu dok oŋolliwu kop, pien wun wumiyo nyiŋwa odoko ŋwe lituny i nyim Parao ki luticce, dok wumiyo pala lucwan i ciŋgi me nekowa.”

Jeremia 42:14

Pe myero wuwacci, ‘Pe, waŋ giwa wabicito wabedo i Ejipt, ka ma pe wabineno iye lweny mo doki ki wanwa, dok bene pe wabiwinyo koko tum ma gikuto pi lweny, ki kec bene pe binekowa.’

Jeremia 42:19

Rwot doŋ owaco botwu wun jo ma wudoŋ i Juda ni, ‘Pe wuciti i Ejipt.’ Myero wuŋe atikatika ni an doŋ atyeko cikowu i kare man

Jeremia 9:3

Gin kare ducu guyubbe woko me loko lok goba; bedo laboŋo gen doŋ oloyo lobo woko ma kaka tim me ada. Rwot owacci, “Sona gitimo gin marac teretere, dok bene pe giŋeya.”

Buk me Aŋwen pa Moses ma Gilwoŋo Wel 11:20

ento wubicamo pi dwe acel kulu, nio ka bikatti woko ki i umwu, nio ka ocido cwinywu woko, pien wutyeko kwero Rwot ma bedo i kinwu-ni kun wukok i nyime ki pig waŋwu, wuwaco ni, “Piŋo yam waa woko ki i Ejipt?”’”

Buk me Aŋwen pa Moses ma Gilwoŋo Wel 16:13

Pud ibwono man ni gin matidi mo, ma ikwanyowa woko ki i lobo ma mol cak ki moo kic-ci, ma it ye ka nekowa kwede i tim-mi? Myero in dok ikette keni me bedo laker ma loyowa?

Buk me Aŋwen pa Moses ma Gilwoŋo Wel 20:3

Gukeco i kom Moses kun giwacci, “Kono yam wato woko i kare ma utmegiwa guto i nyim Rwot-ti, kono ber,

Buk me Aŋwen pa Moses ma Gilwoŋo Wel 21:5

gucako loko lok akeca i kom Lubaŋa ki, i kom Moses kun giwaco ni, “Piŋo wukwanyowa woko ki i Ejipt wek wato i tim? Cam pe, pii bene pe, owinywa ocido woko ki cam ma konnye pe-ni.”

Tic Pa Lukwena 7:39

Kwarowa yam gukwero winyo lokke ento gucwale woko cen, dok cwinygi odok woko cen i Ejipt,

Nwoyo Cik 1:39

Dok litinowu ma wun wuwacci gibiyakogi woko-ni, litinowu ma kombeddi peya giŋeyo gin maber ki marac-ci, gin aye gibicito iye; abimiyone botgi, gibicamo, bibedo megi.