Buk me Aŋwen pa Moses ma Gilwoŋo Wel 12:8 - Acoli Baibul

⁸ Abedo ka lok kwede waŋ ki waŋ, ka maleŋ atyer, pe agoŋo lok; en neno kit ma Rwot cal kwede, Piŋo pe wulworo loko lok akeca i kom laticca Moses?”

Buk me Aŋwen pa Moses ma Gilwoŋo Wel 12:8 Iomraidhean Croise

Acakki 32:30

Ci Yakobo ocako nyiŋ kabedo meno ni, Peniel, kun wacci, “Pien atyeko neno Lubaŋa waŋ ki waŋ, ento pud akwo gira aye.”

Jabuli 17:15

Kit macalo an kita tye atir-ri, abineni, bedoni kweda miyo aco ki i waŋ nino ma noŋo apoŋ ki yomcwiny.

Jabuli 49:4

Abiciko ita me winyo carolok; abigonyo te lok me koc-lit ki wer ma agoyo agoya ki opuk.

Buk me Aryo pa Moses ma Gilwoŋo Nia 19:19

Ka dwan obute medde ki koko maloŋo, Moses bedo ka lok Lubaŋa gamo doge ki mor kot.

Buk me Aryo pa Moses ma Gilwoŋo Nia 20:4

“Pe iti cal apayani mo, nyo cal gin ma tye malo i polo, nyo ma tye piny i wi lobo, nyo gin ma tye i pii ma i te lobo.

Buk me Aryo pa Moses ma Gilwoŋo Nia 33:11

Kit meno Rwot yam loko ki Moses waŋ ki waŋ, macalo dano loko ki lareme, Ka Moses odok i gony, Yocwa wod pa Nun, latin awobi ma lakony en, yam doŋ i kema.

Buk me Aryo pa Moses ma Gilwoŋo Nia 33:19

Rwot ogamo ni, “Abimiyo berra ducu kato ki i nyimi, ka dok abituco nyina ni, ‘A Rwot’; abinyuto berra bot ŋat ma abinyuto berra bote, dok abitimo kica bot ŋat ma abitimo kica bote.”

Buk me Aryo pa Moses ma Gilwoŋo Nia 33:23

ka doŋ abikwanyo ciŋa woko, ci ibineno neya; ento waŋa pe ibinenone.”

Buk me Aryo pa Moses ma Gilwoŋo Nia 34:30

Ka Aron ki jo Icrael ducu guneno Moses, ci nen, tur nyime obedo ka ryeny; ci gulworo cito bote cok.

Carolok 1:6

miyo giniaŋ tyen lok me carolok ki cal gin ma giloko i kome, ki lok pa luryeko, ki ododo ma giboko.

Icaya 40:18

Doŋ ibiporo Lubaŋa ki aŋa, nyo itwero poro calle ki kit cal aŋo?

Icaya 46:5

“Wupora ki aŋa mono? Tye ŋat mo ma rom kweda? Wupora do wek wabed calcal.

Ejekiel 17:2

Owacci, “Wod pa dano, wac lok me koc lit, ci ilok carolok bot jo Icrael

Ejekiel 20:49

Ci awacci, “Rwot Lubaŋa, dano ducu giwaco lok i koma ni, ‘Piŋo en bedo ka lok kwedgi i carolok me koc-lit kare ducu?’ ”

Kocea 12:13

Rwot yam omiyo lanebi okwanyo Yakobo woko ki i Ejipt, dok omiyo lanebi ogwoke.

Buk me Aŋwen pa Moses ma Gilwoŋo Wel 14:14

dok gibitito bot jo ma gibedo i lobo man, Doŋ gityeko winyo ni in Rwot it ye i dye jo man, dok ni in Rwot aye gibedo ka neni waŋ ki waŋ, ki pol meri obedo ka cuŋ ka wigi, dok ibedo ka wot i nyimgi i wir pol dyeceŋ ki i wir mac dyewor.

Buk me Aŋwen pa Moses ma Gilwoŋo Wel 7:89

I kare ma Moses ocito i kema me rwatte ka lok iye ki Rwot, owinyo dwan ma tye ka lok kwede-ni ka a ki malo i wi kom me kica ma i wi canduk lok me caden-ni, kun winnye ki i kin lukerubi aryo, ma kun loko kwede.

Matayo 13:35

wek omi lok ma yam lanebi oloko ocobbe kakare ni, “Abiwaco botwu lok i carolok, abitito botwu lok ma yam okanne woko cakke wa i acakki piny.”

Luka 10:16

“Ŋat ma winyowu, noŋo owinyo an, ŋat ma kwerowu, noŋo okwero an; ŋat ma kwera, noŋo okwero ŋat ma oora.”

Jiri Ma Jon Ocoyo 1:18

Pe tye ŋat mo ma yam oneno Lubaŋa; Wod acel keken, ma tye i kor Won, omiyo Won oŋene.

Jiri Ma Jon Ocoyo 15:15

Pe dok alwoŋowu lutic, pien latic pe ŋeyo gin ma laditte tiyo; ento alwoŋowu lurema, pien gin ducu ma yam awinyo ki bot Wora doŋ atyeko nyuttiwu.

Jiri Ma Jon Ocoyo 15:24

Kono yam pe atiyo i kingi tic ma dano mo mukene pe otiyo, kono pe gitye ki bal, ento koni doŋ guneno dok gukwero an ki Wora.

1 Jo Korint 13:12

Gin ma waneno kombeddi cal ki tipo ma nen ribiribi i kiyo; ento i kare ma bino anyim ca wabinenne waŋ ki waŋ. Kombeddi aŋeyo dul mo manok keken, ento i nino ma bino anyim ca abibedo ki ŋec ducu liweŋ, kit macalo Lubaŋa tye ki ŋec ducu i koma-ni.

2 Jo Korint 3:18

Ki wan ducu ma doŋ gikwanyo laum woko ki i waŋwa watye macalo kiyo ma miyo deyo pa Rwot nen macalo ryeny ceŋ, mumiyo watye ka lokke me doko calo en, kun deyone medde ameda i komwa; meno aye tic pa Rwot, ma en Cwiny Maleŋ.

Nwoyo Cik 18:15

“Rwot Lubaŋawu bicwalo lanebi mo macalo an, ma a ki i kin utmegiwu; wubiwinyo en

Nwoyo Cik 34:10

Lanebi mo mukene pe dok onen macalo Moses, ma yam Rwot nene kwede waŋ ki waŋ.

Nwoyo Cik 4:15

“Myero doŋ wugwokke kenwu matek. Yam pe wuneno kom mo i kare ma Rwot oloko iye botwu i Koreb ki i dye mac ca;

Nwoyo Cik 5:8

“‘Pe iti cal apayani mo, nyo cal gin mo ma tye malo i polo, nyo gin ma tye piny i wi lobo, nyo gin ma tye i pii ma i te lobo.

Jo Kolocai 1:15

Kricito obedo cal pa Lubaŋa ma pe nen-ni, latin kayo me ginaketa ducu ma Lubaŋa oketo,

1 Jo Tecalonika 4:8

Kit meno ŋat mukwero cik man, noŋo pe okwero dano, ento noŋo okwero Lubaŋa gire ma omiyowu Cwiny Maleŋ.

1 Temceo 6:16

En Lubaŋa acel keken ma pe to, ma bedo i Leŋo mo ma ŋat mo pe romo nyiko cok kwede, cakke con ŋat mo pud pe munene, dok bene dano mo pe twero nene. Woro ki twer ma pe gik obed bote. Amen

Jo Ibru 1:1

Yam con Lubaŋa oloko ki kwarowa i dul lok mapol dok i yo mapatpat, kun loko ki i dog lunebi;

Jo Ibru 1:3

En dero me deyo pa Lubaŋa, cal pa Lubaŋa kikome tye i kome, dok en bene ma tiŋo jami ducu ma tye, ki teko me lokke. Ma doŋ en otyeko tic me lwoko bal, en obedo piny i kabedo me deyo tuŋ acuc i ŋet Won Deyo Madwoŋ ma tye malo i polo,

2 Petero 2:10

makatone gin jo ma lubo mitigi me kom ma cidogi woko, kun gicayo wegi twero. Cwinygi tek, gicerre woko acera gigi, pe bene gilworo yeto wegi deyo.

Juda 1:8

Nen kadi kit meno, jo-nu bene i kit acel-lu, i lek ma gin leko, gubalo komgi woko, gukwero ker pa Lubaŋa woko, dok guyeto wegi deyo-gu bene ayeta.