Buk me Aŋwen pa Moses ma Gilwoŋo Wel 12:5 - Acoli Baibul

⁵ Ci Rwot olor piny ki wir me pol, ocuŋ i dog kema me rwatte, ka olwoŋo Aron ki Miriam. Gin aryo ducu gukato anyim.

Buk me Aŋwen pa Moses ma Gilwoŋo Wel 12:5 Iomraidhean Croise

Jabuli 99:7

Oloko kwedgi ki i wir pol; gugwoko lok me cadenne, ki cik ma en omiyo botgi.

Buk me Aryo pa Moses ma Gilwoŋo Nia 19:9

Rwot owaco ki Moses ni, “Nen, an abibino boti i pol mapek, wek lwak guwiny aloko kwedi, wek guye in matwal.” Ka Moses otito lok pa lwak bot Rwot,

Buk me Aryo pa Moses ma Gilwoŋo Nia 34:5

Ci Rwot olor piny i pol, ocuŋ kacel kwede kunnu, ci otuco nyiŋe.

Buk me Aryo pa Moses ma Gilwoŋo Nia 40:38

I kare me wotgi ducu pol pa Rwot umo wi kema dyeceŋ, ki mac bedo iye dyewor, ma kun jo ducu me ot pa Icrael gineno.

Buk me Aŋwen pa Moses ma Gilwoŋo Wel 11:25

Ka Rwot olor piny ki pol, ci oloko kwedgi, okwanyo cwinye mo ma tye i kom Moses, oketo i kom ludoŋo pyerabiro. Ka cwiny pa Lubaŋa opoto i komgi, ci gucako lok macalo lunebi. Ento pe dok gumedde ki timo kit meno.

Buk me Aŋwen pa Moses ma Gilwoŋo Wel 12:4

Cutcut Rwot owaco bot Moses ki Aron ki Miriam ni, “Wukat woko, wun adek ducu, wubin i kema me rwatte.” Gin adek ducu gukato woko.