Buk me Aŋwen pa Moses ma Gilwoŋo Wel 11:5 - Acoli Baibul

⁵ Pud wapo pi rec ma yam wacamo nono i Ejipt, ki pi okwer ki okono ki kituŋgulu maboco ki kituŋgulu matino ki kituŋgulu matikki;

Buk me Aŋwen pa Moses ma Gilwoŋo Wel 11:5 Iomraidhean Croise

Jabuli 17:14

lara ki i ciŋgi ki tweroni, ai Rwot, ki i ciŋ jo ducu ma doŋ gitye ki jami ducu ma igi mito i kwo man. Wek guyeŋ ki gin ma yam ikano pigi; mi litinogi gunoŋ can muromo makato; dok myero guwek mogo odoŋ pi litinogi ma pud lukere.

Buk me Aryo pa Moses ma Gilwoŋo Nia 16:3

kun giwaco botgi ni, “Kono nene Rwot aye onekowa ki cine i lobo Ejipt, ka ma yam wabedo i ŋet agulu riŋo, ma wacamo kwon yeŋowa; ento in ikelowa wa i kany ka neko lwak man ducu ki kec.”

Icaya 1:8

Guweko gaŋ me Cion odoŋ calo bolo ma giweko i poto olok, dok calo ka gony ma giweko i poto okono, calo gaŋ ma lumony doŋ gutyeko rumone woko.

Jeremia 42:14

Pe myero wuwacci, ‘Pe, waŋ giwa wabicito wabedo i Ejipt, ka ma pe wabineno iye lweny mo doki ki wanwa, dok bene pe wabiwinyo koko tum ma gikuto pi lweny, ki kec bene pe binekowa.’

Jeremia 44:18

Ento i kare ma doŋ waweko waŋo odok eceta bot daker me polo ki onyo gityer amata-gu bote jami ducu doŋ ocako remowa woko, gicako nekowa woko i lweny, ki kec bene onekowa otyekowa woko.”

Buk me Aŋwen pa Moses ma Gilwoŋo Wel 14:2

Jo Icrael ducu gubedo ka nur i kom Moses ki Aron, ci lwakgi ducu guwaco botgi ni, “Kono nene wato giwa ki i Ejipt, kono ber! Nyo kono nene wato ki i tim kany!

Jo Pilipi 3:19

I agikkine, jo meno gibirwenyo woko matwal, pien lubaŋagi en aye igi, ginoŋo deyogi i gin ma myero omi lewic omakgi, tamgi kemo jami me lobo man keken.