Buk me Aŋwen pa Moses ma Gilwoŋo Wel 11:12 - Acoli Baibul

¹² Onoŋo an aye abedo min lwak man ducu bo? An aye yam anywalogi bo, mumiyo Iwaco bota ni atiggi i kora, macalo lapidi tiŋo latin ma pud dot, atergi i lobo ma yam ikwoŋo pire ni ibimiyo bot kwarogi?

Buk me Aŋwen pa Moses ma Gilwoŋo Wel 11:12 Iomraidhean Croise

Acakki 13:15

pien lobo meno ducu ma ineno-ni abimiyone boti ki bot likwayi matwal.

Acakki 24:7

Rwot Lubaŋa me polo ma yam okwanyo an ki i paco pa wora-ni, ki i lobo ma ginywala iye-ni, ma yam oloko kweda kun kwoŋŋa kwoŋ ni, ‘Abimiyo lobo man bot likwayi,’ en bicwalo lamalaikane i nyimi, ci ibinyomo dako bot woda nia ki kunnu.

Acakki 26:3

Koŋ ibed i lobo man, an bene abibedo kwedi, abimiyi gum; pien lobo man ducu abimiyo boti ki bot likwayi, dok abicobo kwoŋ ma yam akwoŋo bot woru Abraim.

Acakki 50:24

Yucepu owaco bot omegine ni, “An doŋ acok to; ento Lubaŋa bilimowu, dok en bikwanyowu woko ki i lobo man, bidwokowu ka ma yam okwoŋo iye bot Abraim ki Icaka ki bot Yakobo.”

2 Luker 10:1

Onoŋo Akab tye ki awobene pyerabiro ma gibedo i Camaria. Yeko ocako coyo waraga mogo, ci ocwalogi i Camaria bot ludito ma giloyo gaŋ meno, ki bot ludoŋo, ki bot lugwok litino awobe pa Akab, kun waco ni,

2 Luker 10:5

Pienno dano ma onoŋo loyo kal ki ŋat ma loyo gaŋ ducu, kacel ki ludoŋo ki lugwok litino, gucwalo lok bot Yeko kun giwacci, “Wan luticci; wabitiyo gin ducu ma ibicikowa kwede. Wan pe wabiketo kabaka mo; in iti gin ma ineno ni ber.”

Buk me Aryo pa Moses ma Gilwoŋo Nia 13:11

“Ka Rwot bikelowu i lobo p Kanaan, macalo yam okwoŋo be ki bot kwarowu ni ebimiyowu,

Buk me Aryo pa Moses ma Gilwoŋo Nia 13:5

Ka Rwot bikelowu i lobo pa jo Kanaan, jo Kit, jo Amor, jo Kiv ki jo Jebuc, ma yam okwoŋo pire bot kwarowu ni ebimiyowu, lobo ma mol cak ki moo k ic, wubilubo kit tic man i dwe-ni.

Buk me Aryo pa Moses ma Gilwoŋo Nia 33:1

Rwot owaco bot Moses ni, “Wua woko ki kany, in ki lwak ducu ma yam ikwanyogi woko ki i lobo Ejipt, pi terogi i lobo ma yam akwoŋo pire bot Abraim, Icaka, ki Yakobo, kun acikogi ni, abimiyo bot likwayogi.

Buk me Aryo pa Moses ma Gilwoŋo Nia 6:8

Ci abikelowu i lobo ma yam akwoŋo pire ni abimiyo bot Abraim, ki Icaka ki Yakobo, abimiyo botwu obed lobowu; an a Rwot.”

Icaya 40:11

En bikwayo romine calo lakwat, bitiŋo litino romine i bade, en bitiŋogi i kore, ci mako litino romi ma dot, peyogi motmot.

Icaya 49:15

Ci Rwot ogamo cutcut ni, “Wi dako twero wii i kom latinne ma en doto, kica pe twero make i kom wode ma en onywalo? Kadi bed dano wiye twero wil, ento an wiya pe biwil i komwu.

Icaya 49:23

luker bidoko wegi litinoni ci gipitogi, mon pa luker bibedo macalo megigi ma bidotogi. Gibiryebbe piny i nyimi ka wori, gibinano apwa ki i tyeni. Meno bimiyo iŋeyo ni an a Rwot; lewic pe bimako jo ma kura.

Ejekiel 34:23

Abiketo laticca Daudi bedo lakwatgi, lakwat acel keken; en bipitogi kun bene bedo lakwatgi.

Jiri Ma Jon Ocoyo 10:11

An lakwat maber. Lakwat maber miyo kwone pi romi.

1 Jo Korint 4:15

Kadi bed wutye ki lupwony alip ki alip ma gitelowu i yo pa Kricito, pe wutye ki wego mapol. Yam adoko wonwu i Kricito pi lok me kwena maber.

Jo Galatia 4:19

Litinona, pud dok atye ka ciro arem kwedwu macalo dako ciro arem i kare me nywal, nio ka kit pa Kricito ocwene i iwu.

Nwoyo Cik 1:31

wa ki i dye tim bene, ka ma wuneno iye kit ma Rwot Lubaŋawu otiŋowu kwede, macalo dano ma otiŋo wode, kun timo kumeno i yo ducu ma wuwoto iye nio ka wuo kwede i kabedo man.’

1 Jo Tecalonika 2:7

Ento yam wabedo wamwol i kinwu macalo lapidi ma gwoko litinone.